20 ᐊᒡᒐᓂ ᐃᓕᕔᑦ ᐃᓂᓐᓄᑦ ᐱᑦᓯᐊᕐᑎᒥᓄᑦ; ᐊᖏᖃᑎᒌᒍᑎᓂᓗ ᓯᖁᒥᑉᐰᑦ.
ᑖᓐᓇᓕ ᔪᐊᐱᒧᑦ ᑭᐅᕗᖅ, “1,000ᓂᒃ ᓯᐅᓪᕕᕆᓂᒃ ᑐᓂᓂᐊᕋᓗᐊᕈᕕᖓ, ᐊᒡᒐᓐᓄᑦ ᐱᒋᐊᕋᔭᓐᖏᓚᕋ ᐊᖓᔪᖅᑳᕐᔫᐊᑉ ᐃᕐᓂᖓ; ᑐᓴᓚᐅᕋᑦᑕ ᐊᖓᔪᖅᑳᕐᔪᐊᖅ ᐅᖃᐅᑦᔨᑎᓪᓗᒍ ᐃᓕᑦᓯᓐᓂᒃ ᐊᐱᓮᒥᒃ ᐃᑍᒥᒡᓗ, ‘ᐅᕙᖓ ᐱᓪᓗᖓ ᐋᓐᓂᕐᑕᐅᑦᑍᓕᓕ ᐃᓅᓱᒃᑐᖅ ᐋᑉᓴᓚᒻ.’
ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”
ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.
ᑍᒫᒡᓗ ᐅᓪᓗᒥ ᑎᑭᓪᓗᒍ ᐱᐅᓯᑐᖃᕐᒥᖕᓂᒃ ᒪᓖᓐᓇᓚᐅᕐᐳᑦ. ᐊᑕᓂᕐᒥᒃ ᑐᒃᓯᐊᕐᕕᖃᕈᒪᓚᐅᓐᖏᓚᑦ ᐱᖁᔭᖏᓐᓂᒡᓗ ᒪᓕᒍᒪᓇᑎᒃ ᔧᑰᑉ ᑭᖑᕚᖏᓐᓄᑦ ᒪᓕᒃᑕᐅᖁᓚᐅᕐᑕᖏᓐᓂᒃ, ᑍᓕᓚᐅᕐᑕᖓᓂᒃ ᐃᓴᕆᐊᓕᒥᒃ.
ᐱᑦᓯᐊᕐᓂᕋ ᐊᑭᓕᕐᑕᐅᕗᖅ ᐱᑦᓯᐊᖏᓐᓂᕐᒧᑦ, ᓇᒡᓕᖕᓂᕋᓗ ᐊᑭᓕᕐᑕᐅᕗᖅ ᐆᒥᓱᖕᓂᕐᒧᑦ.
ᐊᑭᕋᕐᑐᕐᑎᒃᑲ ᑲᓐᖑᓱᒡᓕᑦ, ᑲᑉᐱᐊᓇᕐᑐᒦᓪᓗᑎᒡᓗ; ᐅᑎᒧᑦ ᓵᓕᕐᓕᑦ, ᑕᕝᕔᓐᓇᕐᓗ ᑲᓐᖑᓱᓕᕐᓗᑎᒃ.
ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ; ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,
ᓇᒡᓕᖕᓂᕋ ᑖᑦᓱᒧᖓ ᓱᖁᓯᔪᐃᑎᑦᓮᓐᓇᕐᓂᐊᕐᐸᕋ ᐃᓱᖃᖏᑦᑐᒧᑦ, ᐊᖏᖃᑎᖃᕐᓯᒪᓂᕋᓗ ᐊᐅᓚᔪᐃᑦᓮᓐᓇᕐᑐᒃᓴᐅᕗᖅ ᑖᑦᓱᒧᖓ.
ᐊᖏᖃᑎᖃᕐᓯᒪᓂᕋ ᓯᖁᒥᓐᓂᐊᓐᖏᓚᕋ, ᐅᖃᐅᓰᓪᓗ ᐅᕙᓐᓂᑦ ᐊᓂᓯᒪᔪᑦ ᓴᖑᑎᓐᓂᐊᓐᖏᓚᒃᑲ.
ᒫᓐᓇᓕ ᐃᒋᓯᒪᓕᕐᐸᑦ ᓇᕐᕈᒋᓕᕐᓗᒍᓗ, ᓂᓐᖓᐅᑎᓯᒪᒻᒪᕆᓕᕐᐸᑦ ᐅᕐᓱᕐᑎᕐᓯᒪᔧᑦ.
ᐃᒃᓯᕙᐅᑕᕐᔪᐊᑦ ᐋᖅᑭᒃᓯᒪᕗᖅ ᐃᑦᓴᕐᔪᐊᒥᑦ; ᐃᕝᕕᑦ ᐃᓱᖃᖏᑦᑐᒥᑦ ᐱᓯᒪᕗᑎᑦ.
ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐱᖁᔭᖏᑦ ᒪᓕᑦᓯᐊᒃᑭᑦ ᒎᑎᒧᑦ ᐊᖏᕐᓯᒪᓂᕆᔧᑦ ᐱᑦᔪᑎᒋᓪᓗᒍ.
ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.
ᑍᑦᓱᒪᓂ ᐊᖓᔪᖅᑳᕐᔪᐊᖅ ᐃᕉᑕᓯ ᐅᒃᐱᕐᑑᖃᑎᒌᓄᑦ ᓂᑲᒍᓱᒐᓂ ᐊᑭᕋᕐᑐᓕᓚᐅᕐᐳᖅ.
ᐊᖓᔪᖅᑳᕐᔪᐊᕐᓗ ᓴᐳᓐᓂᐊᕐᑎᖁᑎᒥᓄᑦ ᖃᓂᒋᔭᒥᓂ ᓇᖏᕐᑐᓄᑦ ᐅᖃᕐᐳᖅ, “ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᑦ ᑐᖁᓚᐅᕐᓯᐅᒃ, ᐊᒡᒐᖏᑦ ᑍᕕᑎᒥᒃ ᐃᓚᓕᐅᕆᓯᒪᖕᒪᑕ, ᖃᐅᔨᒪᓪᓗᑎᒃ ᕿᒫᓂᖓᓂᒃ ᐅᖃᓚᐅᖏᒻᒪᑕ ᐅᕙᓐᓄᑦ.” ᐊᖓᔪᖅᑲᕐᔪᐊᓪᓕ ᓴᐳᓐᓂᐊᕐᑎᖏᑦ ᑐᖁᑦᓯᔪᒪᓚᐅᓐᖏᓚᑦ ᐊᑕᓂᐅᑉ ᑐᓂᕐᕈᓯᕐᑎᑦᓯᔨᖏᓐᓂᒃ.
ᑕᑯᒋᑦ, ᐅᓪᓗᒥ ᐃᔨᖕᓄᑦ ᑕᑯᕗᑎᑦ ᐊᑕᓂᐅᑉ ᑐᓂᓚᐅᕐᐹᑎᑦ ᐊᒡᒐᓐᓄᑦ ᕾᕈᓲᑉ ᐃᓗᐊᓂ, ᐅᖃᐅᑦᔭᐅᓚᐅᕐᐳᖓ ᑐᖁᑕᐅᖁᔭᐅᓪᓗᑎᑦ, ᐅᕙᖓᓕ ᓴᐳᑎᓚᐅᕐᐸᒋᑦ, ᐅᖃᓚᐅᕋᒪ, ‘ᐊᒡᒐᓐᓄᑦ ᐱᓇᓱᐊᕐᓂᐊᓐᖏᓚᖓ ᐊᑕᓂᓐᓄᑦ; ᑖᓐᓇ ᐊᑕᓂᐅᑉ ᐅᕐᓱᕐᑎᕐᓯᒪᖕᒪᒍ.’
