ᐃᓐᖏᕈᑎᑦ 55:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᐃᓐᖏᕈᑎᑦ 55:17 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 19:7

ᑕᑯᒋᑦ. ᓂᓪᓕᓚᐅᕐᐳᖓ, ‘ᐱᑦᓯᐊᕐᓯᒪᓐᖏᓚᖅ!’ ᑭᐅᔭᐅᓐᖏᓚᖓᓕ; ᕾᒐᓛᕐᓗᖓ ᐃᑲᔪᕐᑕᐅᔪᒪᓚᐅᕐᐳᖓ, ᐃᑲᔪᕋᓱᐊᕐᑐᖃᓐᖏᓚᕐᓕ.

ᐃᓐᖏᕈᑎᑦ 119:62

ᐅᓐᓄᐊᒃᑯᑦ ᑐᐸᒐᒪ ᓂᕐᑐᓕᕐᐸᒋᑦ, ᐊᑐᕐᑕᐅᖁᔭᑎᑦ ᓈᒻᒪᓈᕐᑐᑦ ᐱᓪᓗᒋᑦ.

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 72:12

ᐱᒃᓴᖃᖏᑦᑐᑦ ᓂᓪᓕᐊᓕᕐᐸᑕ ᓴᐳᑎᔪᒫᕐᒪᒋᑦ, ᐊᔪᕐᓴᕐᑐᓪᓗ ᐃᑲᔪᕐᑎᒃᓴᖃᖏᑦᑐᓪᓗᑦᑕᐅᖅ.

ᐃᓐᖏᕈᑎᑦ 77:2

ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᐃᓐᖏᕈᑎᑦ 88:13

ᐃᓕᖕᓄᓪᓕ ᓂᓪᓕᐊᕗᖓ ᐊᑕᓃᖅ; ᐅᓪᓛᒃᑯᑦ ᑐᒃᓯᐊᕐᓂᕋ ᐃᓕᖕᓄᑦ ᐱᑎᑉᐸᕋ.

ᐃᓐᖏᕈᑎᑦ 92:2

ᐅᓪᓛᒃᑯᑦ ᓇᓗᓁᕐᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ, ᐅᓐᓄᒃᑯᓪᓗ ᑲᔪᓯᑦᓯᐊᕐᓃᑦ ᐅᖃᐅᓯᕆᓗᒍ,

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:8

ᑐᒃᓯᐊᕋᓗᐊᕋᒪ ᐃᑲᔪᕐᑕᐅᔪᒪᓪᓗᖓ, ᑐᒃᓯᐊᕐᓂᕋ ᒪᑐᕚ.

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᑖᓂᐊᓕᐅᑉ ᐊᒡᓚᖏᑦ 6:13

ᑖᒃᑯᐊ ᐊᖓᔪᖅᑳᕐᔪᐊᒧᑦ ᐅᖃᓕᕐᐳᑦ, “ᐊᖓᔪᖅᑳᕐᔪᐊᖅ, ᑖᓂᐊᓕ, ᔫᑕᒥᑦ ᑎᒍᔭᐅᓯᒪᔪᑦ ᐃᓚᖓᑦ, ᐃᓕᖕᓂᒃ ᓈᓚᖏᒻᒪᑦ, ᐱᖁᔭᓕᐊᕆᓚᐅᕐᑕᕐᓂᒡᓘᓐᓃᑦ ᒪᓕᖏᒻᒪᑦ; ᓱᓕ ᑐᒃᓯᐊᖃᑦᑕᕐᒪᑦ ᐅᓪᓗᖅ ᐱᖓᓱᐃᕐᓱᕐᓗᒍ.”

ᒫᑯᓯᐅᑉ ᐊᒡᓚᖏᑦ 1:35

ᐅᓪᓛᒻᒪᕆᒃᑯᑦ ᖃᐅᒻᒪᓚᐅᕐᑎᓐᓇᒍ ᓱᓕ, ᔩᓱᓯ ᒪᑭᑉᐳᖅ ᐊᓂᓪᓗᓂ ᐃᒡᓗᒥᑦ ᐃᓄᖃᖏᑦᑐᒧᐊᕐᐳᖅ ᐃᓄᑑᓪᓗᓂ, ᑕᕝᕙᓂ ᑐᒃᓯᐊᕐᐳᖅ.

ᒫᑯᓯᐅᑉ ᐊᒡᓚᖏᑦ 6:46

ᐃᓄᐃᑦ ᐊᐅᓪᓚᕐᑎᑦᑕᕇᕋᒥᒋᑦ, ᖃᖅᑲᒧᑦ ᒪᔪᐊᕐᐳᖅ ᑐᒃᓯᐊᕆᐊᕐᑐᕐᓗᓂ.

ᒫᑯᓯᐅᑉ ᐊᒡᓚᖏᑦ 6:48

ᑕᑯᓪᓗᓂᓗ ᐃᓕᓐᓂᐊᕐᑎᒥᓂᒃ ᐊᒃᓱᕈᕐᓗᑎᒃ ᐊᒡᒍᒧᑦ ᐃᐳᓐᓇᓱᐊᕐᑐᓂᒃ, ᐊᓄᕆᒧᑦ ᐊᒡᒍᕋᕋᒥᒃ; ᐅᓪᓛᓐᖑᓕᕐᑎᓪᓗᒍ ᓯᕿᓐᖑᔭᖅ ᓯᑕᒪᓐᖑᕐᑎᓪᓗᒍ ᐅᐸᓕᕐᐰᑦ, ᐃᒪᐅᑉ ᖄᖓᒍᑦ ᐱᓱᒃᓗᓂ. ᐅᒥᐊᑦ ᓴᓂᖅᑯᓐᓂᐊᕐᑑᔭᓕᕐᖢᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:3

ᐅᓐᓄᓴᒃᑯᑦ 3 ᖃᓂᒋᔮᓂ ᑕᑯᑎᑕᐅᓚᐅᕐᐳᖅ, ᐃᓕᓴᕐᓇᑦᓯᐊᕐᑐᒥᒃ ᒎᑎᐅᑉ ᐂᖏᓖᖓᓂᒃ ᕾᔪᒥᒃ ᐅᖃᕐᑐᒥᒃ ᑖᑦᓱᒧᖓ, “ᑰᓂᓕᐅᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:30

ᑰᓂᓕᐅᓯ ᐅᖃᕐᐳᖅ, “ᐅᓪᓗᐃᑦ ᓯᑕᒪᐅᓕᕐᐳᑦ, ᑍᒤᓪᓗᐊᓕᕐᑎᓪᓗᒍ ᐃᒡᓗᓐᓂ ᑐᒃᓯᐊᕐᑎᓪᓗᖓ ᐅᓐᓄᓴᒃᑯᑦ 3ᒧᐊᕐᑎᓪᓗᒍ; ᑕᑯᒋ, ᐊᖑᒻᒥᒃ ᓴᖅᑭᑦᑐᖃᑲᓪᓚᓚᐅᕐᐳᖅ ᖃᐅᒪᔪᕐᔪᐊᓂᒃ ᐊᓐᓄᕌᓕᖕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:9

ᖃᐅᑎᓪᓗᒍ ᑎᓕᔭᐅᔪᑦ ᐃᖏᕐᕋᑎᓪᓗᒋᑦ, ᔮᐸᒧᑦ ᖃᒡᓕᑎᓪᓗᒋᑦ, ᐲᑦᑐᕉᓯ ᐃᒡᓘᑉ ᖄᖓᓄᐊᕐᐳᖅ ᑐᒃᓯᐊᕆᐊᕐᑐᕐᓗᓂ, ᐅᓪᓗᖅ ᕿᑎᕋᓕᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 3:1

ᑕᕝᕙ ᐲᑦᑐᕉᓯ ᔪᐊᓇᓯᓗ ᑐᒃᓯᐊᕐᕕᒡᔪᐊᒧᐊᓕᕐᐴᒃ ᑐᒃᓯᐊᕐᓇᕐᓯᓕᕐᑎᓪᓗᒍ ᐃᑲᕐᕋᒥ, ᐅᓐᓄᓴᒃᑯᑦ 3ᒨᕐᑎᓪᓗᒍ.

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:17

ᑍᒪᓐᖓᑦ ᑐᒃᓯᐊᑦᓮᓐᓇᕆᑦᓯ,

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.