4 ᓱᓕᔪᒥᒃ, ᒎᑎ ᐃᑲᔪᕐᑎᒋᕙᕋ; ᐊᑕᓂᖅ ᐃᓅᓯᓐᓂᒃ ᒪᑭᑕᑎᑦᓯᔨᐅᕗᖅ.
ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.
ᓂᑲᒋᔭᐅᓇᖓ ᐊᔭᒃᑕᐅᓚᐅᕐᐳᖓ, ᐅᕐᕈᑎᑕᐅᓪᓗᖓ, ᐊᑕᓂᐅᓪᓕ ᐃᑲᔪᓚᐅᕐᐹᖓ.
ᑐᓵᓚᐅᕆᑦ ᐱᑦᔪᑎᒃᓴᓪᓚᕆᓐᓂᒃ, ᐊᑕᓃᖅ, ᑐᒃᓯᐊᕐᓂᕋ ᓈᓚᓚᐅᕈᒃ ᖃᓂᕐᒥᑦ ᐅᐃᕕᕆᒃᓯᖏᑐᒥᑦ ᐱᔪᖅ.
ᐅᕙᖓᓕ ᓇᔪᒻᒥᕙᕐᒪ ᐱᓇᓱᐊᑦᓯᐊᕐᓂᕋ ᐱᓪᓗᒍ, ᓇᔪᒐᕐᓂᓗ ᐃᓂᖃᕐᑎᑉᐸᕐᒪ ᐃᓱᖃᖏᑦᑐᒧᑦ.
ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.
“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.
ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?
ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”
