ᐃᓐᖏᕈᑎᑦ 52:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓇᐹᕐᑐᖅ ᐅᕐᓱᒃᓴᓕᒃ ᑐᖑᔪᕐᑐᖅ ᐊᑦᔨᒋᕙᕋ ᒎᑎᐅᑉ ᐃᒡᓗᖓᓂ; ᒎᑎᐅᑉ ᓇᒡᓕᒍᓱᖕᓂᖓ ᑕᑎᒋᕙᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 52:8 ပူးပေါင်းရင်းမြစ်များ

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 128:3

ᓄᓕᐊᑦ ᓇᐹᕐᑐᑐᑦ ᕔᓂᒃᓴᓂᒃ ᐸᐅᕐᖓᓕᒃᑎᑐᑦ ᐱᕈᕐᕕᐅᑦᓯᐊᕐᑐᑎᑐᑦ ᑍᒤᓐᓂᐊᕐᐳᖅ ᐃᒡᓗᖕᓂ; ᕿᑐᕐᖓᑎᑦ ᓇᐹᕐᑐᑎᑐᑦ ᐅᕐᓱᒃᓴᓕᒃᑎᑐᑦ ᑍᒤᓐᓂᐊᕐᐳᑦ ᓂᕆᕕᖁᑎᕕᑦ ᐊᕙᑖᓂ.

ᐃᓐᖏᕈᑎᑦ 13:5

ᓇᒡᓕᒍᓱᖕᓃᓪᓕ ᓱᖁᓯᔪᐃᑦᑐᖅ ᑕᑎᒋᓚᐅᕐᐸᕋ: ᐆᒻᒪᑎᒐ ᖁᕕᐊᓲᑎᖃᕈᒫᕐᐳᖅ ᐱᐅᓕᕐᓯᓂᕐᓂᒃ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᐃᓐᖏᕈᑎᑦ 33:18

ᐊᑕᓂᐅᓪᓕ ᑕᑯᓐᓇᕐᐰᑦ ᑖᑦᓱᒥᖓ ᓯᕗᕋᔪᑦ, ᑍᒃᑯᐊ ᓂᑲᒋᔭᐅᓂᕐᒥᒃ ᑖᑦᓱᒪᓐᖓᑦ ᓂᕆᐅᒃᑐᑦ,

ᐃᓐᖏᕈᑎᑦ 58:11

ᐃᓄᐃᑦ ᑕᕝᕙ ᐅᖃᕈᒫᕐᐳᑦ, ᓱᓕᔪᒥᒃ ᐃᓱᐊᕐᑐᑦ ᐊᑭᓕᕐᑕᐅᕗᑦ; ᓱᓕᔪᒥᒃ ᐃᓛᒃ ᒎᑎ ᐃᖅᑲᕐᑐᐃᕗᖅ ᓄᓇᕐᔪᐊᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 11:16

ᐊᑕᓂᐅᑉ ᑍᕙᓚᐅᕐᐹᓯ, ‘ᐆᒪᑦᓯᐊᕐᑐᖁᑎᒋᓂᕋᕐᓗᓂᓯ ᓇᐹᕐᑐᑎᑐᑦ ᐅᕐᓱᒃᓴᕐᑕᓕᒃᑎᑐᑦ ᐱᕈᕐᕕᐅᓯᒪᑦᓯᐊᕐᓂᕐᒥᖕᓄᑦ ᑕᑯᒥᓇᕐᑐᑎᑐᑦ’; ᑲᓪᓕᕐᒧᓪᓕ ᐃᑯᐊᓪᓚᒃᑕᐅᔪᒫᕐᐳᑦ, ᓇᐹᕐᑑᓪᓗ ᐊᕙᓚᖓᔪᖏᑎᑐᑦ ᐊᓯᕈᕐᑕᐅᓗᑎᒃ.

ᕉᒪᒥᐅᓄᑦ 11:24

ᐃᕝᕕᓪᓕ ᓇᑲᑕᐅᓯᒪᔪᑎᑦ ᓇᐹᕐᑐᒥᑦ ᐅᕐᓱᒃᓴᓕᖕᓂᒃ ᐃᒻᒥᓂᒃ ᐱᕈᕐᑐᓂᑦ, ᐃᓚᒋᔭᐅᓇᒡᓗ ᓇᐹᕐᑐᒧᑦ, ᑕᕝᕙᓐᖓᓪᓗ ᐱᕈᕐᓯᒪᓇᒃ, ᐃᕕᕐᑎᑕᐅᓯᒪᑐᐃᓐᓇᕐᓗᑎᑦ ᓇᐹᕐᑐᒧᑦ ᐅᕐᓱᒃᓴᓕᖕᓂᒃ, ᐱᔭᕆᐊᑭᓐᓂᕐᓴᒻᒪᕆᐅᒐᔭᕐᐳᕐᓕ ᓇᐹᕐᑑᑉ ᑖᑦᓱᒪ ᐊᕙᓚᖓᔪᖏᑦ ᓇᑲᓯᒪᔪᑦ ᐃᓂᒋᓚᐅᕐᑕᒥᖕᓄᑦ ᐃᕕᕐᑎᑦᓴᕆᐊᖏᑦ ᓇᐹᕐᑐᒧᑦ ᑖᑦᓱᒧᖓ.