ᐃᓐᖏᕈᑎᑦ 52:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓱᖕᒪᑦ ᐱᑦᓯᐊᖏᓐᓂᕐᒥᒃ ᐱᐅᔪᕆᑦᔪᑎᖃᕐᐱᑦ, ᐊᔪᖏᑦᑐᐊᓘᔪᑎᑦ ᐊᖑᑦ? ᒎᑎᐅᑉ ᐃᓄᖁᑎᖓᓄᑦ, ᐅᓪᓗᓕᒫᖅ ᓈᓪᓗᒍ.

ᐃᓐᖏᕈᑎᑦ 52:1 ပူးပေါင်းရင်းမြစ်များ

ᐃᓐᖏᕈᑎᑦ 10:7

ᖃᓂᖓᓕ ᑕᑕᑉᐳᖅ ᐅᖃᐅᓯᕐᓗᖕᒥᒃ ᓴᒡᓗᓂᕐᓂᒡᓗ ᑲᑉᐱᐊᓱᒃᑎᑦᓯᓂᕐᒥᒡᓗ: ᐊᑲᐅᖏᑦᑐᑦ ᐱᐅᖏᑦᑐᓕᓃᓪᓗ ᐅᖃᖓᑕ ᐊᑖᓃᑉᐳᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 107:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ: ᓇᒡᓕᖕᓂᖓᓗ ᐃᓱᖃᖏᑦᑐᒧᑦ ᑐᕌᖓᓪᓗᓂ.

ᐃᓐᖏᕈᑎᑦ 54:3

ᐃᓅᖃᑎᒋᓐᖏᑕᕗᑦ ᐅᓇᑕᕋᓱᐊᕐᒪᑕ ᐅᕙᓐᓂᒃ, ᐊᑭᕋᕐᑐᕐᑐᓪᓗ ᕿᓂᕐᐹᖓ ᑐᖁᑦᓱᒪᓪᓗᖓ; ᒎᑎᒥᒡᓗ ᐃᓱᒪᒋᔭᖃᓐᖏᓚᑦ. ᓰᓚ

ᐃᓐᖏᕈᑎᑦ 59:7

ᑕᑯᓕᕆᑦ, ᖃᓂᕐᒥᖕᓂᑦ ᐊᓂᑎᑕᖏᓐᓂᒃ, ᖃᓂᕐᒥᒍᑦ ᐅᖃᐅᓯᕆᔭᖏᑦ ᓴᕕᒡᔪᐊᑎᑑᕐᐳᑦ, ᐅᖃᕐᓗᑎᒡᓗ, “ᑭᐊ ᑐᓵᕚᑎᒍᑦ?”

ᐃᓐᖏᕈᑎᑦ 7:14

ᑕᑯᒋᑦ ᐱᐅᖏᑦᑐᓕᔪᖅ ᓴᖅᑭᑎᑦᓯᕗᖅ ᓈᓚᖏᓐᓂᕐᒥᒃ; ᐃᓛᒃ, ᓇᑦᔨᓕᕐᐳᖅ ᐃᓱᐊᖏᑦᑐᒥᒃ ᕿᑐᕐᖓᕐᑖᕐᓗᓂᓗ ᓴᒡᓗᓂᕐᒥᒃ.

ᐃᓐᖏᕈᑎᑦ 94:4

ᐅᖃᓪᓚᖃᑦᑕᕐᐳᑦ ᐱᐅᔪᕆᓪᓗᑎᒃ, ᓱᓇᓕᒫᓂᒃ ᒥᑕᐅᑎᖃᕐᓗᑎᒃ; ᐱᐅᖏᑦᑐᓕᔪᑦ ᐱᓂᐊᕐᑕᓕᒫᒥᖕᓂᒃ ᐱᐅᔪᕆᑦᔪᑎᖃᖃᑦᑕᕐᐳᑦ.

ᒨᓯᓯ ᐂᑉᐸᖏᑦ 22:9

“ᑲᒪᑎᑕᐅᒍᑎᒥᓂᒡᓕ ᑲᒪᑦᓯᐊᖏᓐᓂᕅᔪᖃᕐᓗᓂ ᐂᕙᐅᑎᔪᖃᓕᕐᐸᑦ, ᓇᓪᓕᐊᓐᓄᑐᐃᓐᓇᖅ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓄᑦ, ᐅᕝᕙᓗ ᓯᐅᑎᖅᑯᕐᑐᔪᒧᑦ, ᐅᕝᕙᓗ ᓰᐱᒧᑦ, ᐅᕝᕙᓗ ᐊᓐᓄᕌᓄᑦ, ᐅᕝᕙᓗ ᓱᓇᑐᐃᓐᓇᕐᒧᑦ ᐊᓯᐅᔨᔭᐅᓯᒪᔪᒧᑦ, ᐃᓅᒃ ᒪᕐᕉᒃ ᐊᑐᓂᑦ ᐱᖃᕐᑐᐃᓐᓇᐅᓂᕋᕐᐸᑎᒃ ᑕᕝᕙ ᑖᒃᑯᐊᒃ ᒎᑎᒧᑦ ᐱᑎᑕᐅᔪᒃᓴᐅᕘᒃ. ᑕᕝᕙᓂᓗ ᒎᑎᐅᑉ ᐊᖑᑦ ᐸᓯᔭᒃᓴᐅᓂᕋᕐᑕᖓ ᑖᓐᓇ ᐊᑭᓖᔪᒃᓴᐅᕗᖅ ᒪᕐᕈᕕᓪᓗᐊᕐᑐᓂᒃ ᐂᕙᖃᑎᒋᓚᐅᕐᑕᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:14

ᐆᒻᒪᑎᒥᒍᑦ ᐱᓕᕆᕗᖅ ᐅᐃᕕᕆᒃᓯᑦᔪᑎᒃᓴᒥᓂᒃ, ᓈᒻᒪᖏᑦᑐᓂᒃ ᓇᓂᑐᐃᓐᓇᖅ ᐱᓂᐊᕐᓂᖃᕐᑎᑦᓯᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:18

ᐆᒻᒪᑎᒥᒍᑦ ᐱᐅᖏᑦᑐᓕᓂᕐᒥᒃ ᐃᓱᒪᒃᓴᕐᓯᐅᕐᑐᖅ, ᐱᓱᖃᑦᑕᕐᑐᖅ ᐱᐅᖏᑦᑐᓂᒃ ᐱᓇᓱᐊᑲᐅᕐᑐᕈᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 41:4

ᖃᐅᑎᓪᓗᒍ ᓱᓕ ᒋᑕᓔᐊᐅᑉ ᑐᖁᑕᐅᓂᕕᓂᖓᓂᒃ ᑐᓴᕐᑐᖃᓚᐅᕐᑎᓐᓇᒍ,

ᔨᕆᒤᐊᐅᑉ ᐊᒡᓚᖏᑦ 9:8

ᐅᖃᖏᑦ ᖃᕐᔪᑎᑐᑦ ᑐᖁᓐᓇᕐᑎᒋᓕᕐᐳᑦ, ᓴᒡᓗᕿᑦᓯᓃᓐᓇᕐᒥᒃ ᐅᖃᐅᓯᖃᓕᕐᒪᑕ, ᐃᓅᖃᑎᒥᖕᓂᒃ ᐅᖃᖃᑎᖃᓕᕌᖓᒥᒃ ᓯᓔᕐᕆᓇᓱᐊᕐᓗᒍ ᑭᓯᐊᓂ ᐱᕙᓕᕐᐳᑦ.

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᑎᒧᑎᒧᑦ ᐂᑉᐸᖏᑦ 3:2

ᐃᓄᖃᓕᕈᒫᕐᒪᑦ ᓇᖕᒥᓂᑐᐊᖅ ᐃᓱᒪᒋᔪᓂᒃ, ᑮᓇᐅᔭᓂᒃ ᐱᔪᒪᓗᐊᕐᑐᓂᒃ, ᐱᐅᔪᕆᔪᓂᒃ, ᐊᓯᒥᖕᓂᒃ ᓈᓚᒍᓐᓇᖏᑦᑐᓂᒃ, ᒥᑕᐅᑎᖃᕐᑎᓂᒃ, ᐊᖓᔪᖅᑳᒥᖕᓂᒃ ᐊᑖᑕᒃᑯᒻᒥᖕᓂᒃ ᐊᓈᓇᑯᒻᒥᖕᓂᒃ ᓈᓚᖏᑦᑐᓂᒃ, ᖁᔭᓕᔪᓐᓇᖏᑦᑐᓂᒃ, ᐅᒃᐱᕐᓂᖃᖏᑦᑐᓂᒃ.

ᓴᒧᐃᓕ ᓯᕗᓪᓖᑦ 21:7

ᑕᕝᕙᓂᓕ ᐊᖑᑎᑕᖃᓚᐅᕐᐳᖅ ᓴᐅᓕᐅᑉ ᐱᔨᖓᓂᒃ ᑍᑦᓱᒪᓂ ᐅᓪᓗᒥ, ᑍᑲᓃᑎᑕᐅᔪᒥᒃ ᐊᑕᓂᖅ ᐱᓪᓗᒍ; ᑐᐃᒋᒥᒃ ᐊᑎᓕᖕᒥᒃ ᐄᑐᒥᒥᐅᑕᕐᒥᒃ, ᓴᐅᓕᐅᑉ ᐆᒪᔪᓕᕆᔨᓄᑦ ᐊᖓᔪᖅᑳᖁᑎᖓᓂᒃ.