ᐃᓐᖏᕈᑎᑦ 51:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓕᖕᓄᓪᓕ, ᑭᓯᐊᓂ ᐊᔪᕐᑐᓕᓚᐅᕐᐳᖓ, ᐱᐅᖏᑦᑐᖅ ᑕᒪᓐᓇ ᐊᑐᓚᐅᕋᒃᑯ ᓵᖕᓂ, ᓱᓕᑦᓯᐊᕐᓗᑎᑦ ᐃᖅᑲᕐᑐᐃᓃᑦ ᖃᐅᔨᔭᐅᖁᓪᓗᒍ ᓂᓪᓕᐊᓕᕌᖓᕕᑦ, ᐃᖅᑲᕐᑐᐃᔭᕌᖓᕕᓪᓗ ᐸᓯᔭᒃᓴᐅᓂᖃᖏᓐᓇᕕᑦ.

ᐃᓐᖏᕈᑎᑦ 51:4 ပူးပေါင်းရင်းမြစ်များ

ᓘᑲᓯᐅᑉ ᐊᒡᓚᖏᑦ 15:21

ᐃᕐᓂᖓᑕ ᐅᖃᐅᑎᕚ, ‘ᐊᑖᑖᒃ ᐊᔪᕐᑐᓕᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ ᐃᓕᖕᓄᓪᓗ; ᐃᕐᓂᕐᓂᒃ ᑍᔭᐅᔪᒃᓴᐅᔪᓐᓃᕐᐳᖓ.’

ᕉᒪᒥᐅᓄᑦ 3:4

ᑍᒤᒐᔭᓐᖏᓚᖅ! ᒎᑎ ᓱᓕᔫᕗᖅ ᐃᓄᐃᑦ ᓴᒡᓗᑐᔫᑎᓪᓗᒋᑦ, ᐃᒫᒃ ᑎᑎᕋᕐᓯᒪᖕᒪᑦ, “ᓱᓕᓃᑦ ᓇᓗᓁᕐᑕᐅᓕ ᐅᖃᐅᓯᒃᑯᑦ, ᐃᖅᑲᕐᑐᕐᑕᐅᓕᕈᕕᑦ ᓵᓚᖃᖁᓪᓗᑎᑦ.”

ᒨᓯᓯ ᓯᕗᓪᓖᑦ 39:9

ᐃᒡᓗᖓᓂᓗ ᐅᕙᓐᓂᑦ ᐊᖓᔪᖅᑳᖑᓂᕐᓴᕐᑕᖃᓐᖏᓚᖅ, ᓱᓇᓕᒫᒥᓂᒡᓗ ᐃᓪᓕᕈᑎᖏᑦᓯᐊᕐᓗᓂᖓ ᐃᕝᕕᑐᐊᖅ ᐂᑦᑑᑎᒋᓯᒪᓐᖏᓛᑎᑦ, ᑖᑦᓱᒪ ᓄᓕᐊᕆᖕᒪᑎᑦ; ᖃᓄᕐᓕ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᕈᓐᓇᕐᐳᖓ, ᐊᔪᕐᑐᓕᓗᖓᓗ ᒎᑎᒧᑦ?”

ᒨᓯᓯ ᓯᕗᓪᓖᑦ 20:6

ᒎᑎᐅᑉ ᑭᐅᕚ ᓯᓐᓇᒃᑑᒪᒃᑯᑦ, “ᐄᓛᒃ, ᖃᐅᔨᒪᕙᒋᑦ ᑍᒫᒃ ᐱᓚᐅᖏᓐᓇᕕᑦ ᐆᒻᒪᑎᕕᑦ ᓱᓕᑦᓯᐊᕐᓂᖓᓄᑦ, ᐅᕙᖓᓗ ᐊᔪᕐᑐᓕᑎᑦᑍᓕᓚᐅᕐᐸᒋᑦ ᐅᕙᓐᓄᑦ; ᑍᒤᒻᒪᑦ ᑖᑦᓱᒥᖓ ᐊᒃᑐᐃᑎᓚᐅᓐᖏᓚᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:5

ᐂᖏᓕᓗ ᐃᒪᕐᓄᑦ ᐊᖓᔪᖅᑳᖑᔪᖅ ᐅᖃᕐᑐᖅ ᑐᓴᕐᐸᕋ: “ᐃᖅᑲᕐᑐᐃᑦᔪᑎᒋᔭᑎᑦ ᑕᒪᑐᒧᖓ ᓈᒻᒪᑦᓯᐊᕐᐳᑦ, ᒫᓐᓇ ᑍᒤᓐᓇᕕᑦ ᑍᒤᓚᐅᕋᕕᓪᓗ, ᐃᑦᔪᕐᓁᑦᑐᑑᔪᑎᑦ.

ᔧᒥᓯᐅᑉ ᐊᒡᓚᖏᑦ 2:9

ᐊᑦᔨᒌᓐᖏᑎᑦᓯᕙᑲᑦᓯ, ᑕᕝᕙ ᐊᔪᕐᑐᓕᕗᓯ, ᐱᖁᔭᓄᓪᓗ ᐸᓯᔭᐅᒐᔭᕐᐳᓯ ᒪᓕᖏᓐᓂᕋᕐᑕᐅᓗᓯ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᓘᑲᓯᐅᑉ ᐊᒡᓚᖏᑦ 7:29

ᑐᓴᓚᐅᕐᑐᑦ ᑕᒪᕐᒥᒃ ᔪᐊᓇᓯᒥᒃ ᕉᒪᒥᐅᓪᓗ ᑮᓇᐅᔧᕐᑎᑦᓯᔨᖁᑎᖏᑦ ᓈᓚᓚᐅᕐᒪᑕ ᒎᑎᐅᑉ ᐊᑐᕐᑕᐅᖁᔭᖓᓂᒃ, ᔪᐊᓇᓯᒧᑦ ᐹᑉᑎᑕᐅᓚᐅᕐᐳᑦ;

ᐃᓐᖏᕈᑎᑦ 50:6

ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ, ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ

ᐃᓐᖏᕈᑎᑦ 50:4

ᕿᓔᑦ ᑯᑦᓯᒃᑐᑦ ᕾᖁᔪᒫᕐᐰᑦ, ᓄᓇᕐᔪᐊᕐᓗᑦᑕᐅᖅ, ᐃᓄᖁᑎᓂ ᐃᖅᑲᕐᑐᕈᒪᓪᓗᒋᑦ:

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᒨᓯᓯ ᐱᖓᔪᖏᑦ 5:19

ᑐᓂᕐᕈᓯᕐᓂᖅ ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᐃᓄᒃ ᑍᒫᒃ ᐱᔪᖅ ᐸᓯᔭᒃᓴᐅᖕᒪᑦ ᓈᒻᒪᖏᑦᑐᓕᓂᕆᓚᐅᕐᑕᒥᓄᑦ ᐊᑕᓂᕐᒧᑦ.”

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔧᒥᓯᐅᑉ ᐊᒡᓚᖏᑦ 2:11

ᑍᓐᓇ ᐅᖃᓚᐅᕐᓯᒪᖕᒪᑦ, “ᐊᓯᓐᓂᐊᕐᑐᒃᓴᐅᓐᖏᓚᑎᑦ,” ᐊᒻᒪ ᐅᖃᓚᐅᕆᕗᖅ, “ᐃᓄᐊᕐᑐᒃᓴᐅᓐᖏᓚᑎᑦ.” ᑕᕝᕙ ᐊᓯᓐᓂᐊᖏᒃᑲᓗᐊᕈᕕᑦ ᐃᓄᐊᕈᕕᓕ, ᑕᕝᕙ ᐱᖁᔭᑦ ᑕᒪᕐᒥᒃ ᐊᔪᕐᑐᓕᑦᔪᑎᒋᕙᑎᑦ.

ᒨᓯᓯ ᓯᕗᓪᓖᑦ 38:7

ᐃᕆᓕ, ᔫᑕᐅᑉ ᐊᖓᔪᒃᓯᕐᐹᖁᑎᖓ, ᐊᑕᓂᐅᑉ ᓵᖓᓂ ᐱᐅᖏᑦᑑᓚᐅᕐᐳᖅ; ᐊᑕᓂᐅᓪᓗ ᑐᖁᑎᓚᐅᕐᐹ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.