3 ᐊᔪᕐᑐᓕᓂᑲ ᒥᓯᐊᕈᑎᒋᓐᖏᓚᒃᑲ, ᐱᐅᖏᑦᑐᓕᓂᕋᓗ ᓯᕗᕋᓐᓃᓕᕐᐳᖅ.
ᐊᔪᕐᑐᓕᓂᕗᑦ ᐅᓄᓗᐊᓕᕐᒪᑕ ᓵᖕᓂ, ᐊᔪᕐᓂᑦᑕᓗ ᐸᓯᔭᒃᓴᐅᓂᖏᓐᓄᑦ ᐃᖅᑲᕐᑐᕐᑕᐅᓪᓗᑕ; ᐊᔪᕐᑐᓕᓂᑦᑕ ᓇᔪᕐᒪᑎᒍᑦ, ᐊᔪᕐᑐᓕᓂᕗᓪᓗ ᖃᐅᔨᒪᓪᓗᒋᑦ.
ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.
ᐊᔪᕐᑐᓕᓂᒃᑲ ᐅᖃᐅᓯᕆᒍᒃᑭᑦ; ᐱᐅᖏᑦᑐᓕᓂᒃᑲᓗ ᐋᓐᓂᐊᕈᑎᒋᓂᐊᕐᐸᒃᑲ.
ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ
ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”
ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.
ᐃᓄᐃᓪᓗ ᓵᖏᓐᓂ ᐅᖃᕆᒃᓴᐅᑎᒋᓂᐊᕐᐹ, ᐅᖃᕐᓗᓂ, ‘ᐊᔪᕐᑐᓕᓚᐅᕐᐳᖓ, ᓇᓛᒎᕐᓂᕐᒥᓗ ᐃᓅᓚᐅᕐᓇᖓ, ᒎᑎᐅᓪᓕ ᓂᑲᒋᓪᓗᖓ ᓴᐳᑎᓚᐅᕐᐹᖓ.
ᕿᒃᓵᖕᓂᑎᒃ ᐊᔪᕐᑐᓕᓂᕐᒥᖕᓂᒃ ᐱᑦᔪᑎᒋᓪᓗᒍ ᐃᒻᒥᒍᑦ ᐃᓛᒃᑰᓕᕐᑎᓚᐅᕐᐳᑦ ᓄᓇᖅᑲᑎᒃᓴᔭᕆᓐᖏᑕᓕᒫᒥᖕᓂᑦ; ᑍᒫᒡᓗ ᓂᑯᕕᓪᓗᑎᒃ ᐊᔪᕐᑐᓕᓂᕐᒥᖕᓂᒃ ᓯᕗᓕᕕᓂᖏᑕᓗ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐅᖅᑲᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ.
ᐊᑭᕋᕐᑐᕐᑎᒪ ᐱᐅᖏᑦᑐᓂᒃ ᐅᖃᐅᓯᕆᖕᒪᖓ: “ᖃᖓᓕᐅᓇ ᑐᖁᓛᕐᐸ, ᐊᑎᖓᓗ ᐳᐃᒍᕐᑕᐅᓗᓂ?”
ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.
