ᐃᓐᖏᕈᑎᑦ 51:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᑕᓃᖅ, ᖃᕐᖓᓯᓈᕋ ᐂᑦᑕᕐᑎᒍᒃ, ᖃᓂᕐᒪᓗ ᑕᕝᕙ ᓂᕐᑐᕐᓇᕐᓃᑦ ᓇᓗᓁᕐᓂᐊᕐᐹ.

ᐃᓐᖏᕈᑎᑦ 51:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 44:16

ᔫᑕᓗ ᐅᖃᕐᐳᖅ, “ᖃᓄᕐᓕ ᐅᖃᕈᓐᓇᕐᐱᑖ ᐊᖓᔪᖅᑳᑦᑎᓐᓄᑦ? ᖃᓄᕐᓗ ᐅᖃᐅᓯᖃᕐᓂᐊᕐᐱᑖ? ᐅᕝᕙᓗ ᖃᓄᖅ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᑦᓱᓐᓇᕐᐱᑖ? ᒎᑎᐅᑉ ᐸᓯᔭᒃᓴᐅᓂᕐᒥᒃ ᐱᔨᑎᑦ ᓇᓂᓯᕕᒋᓯᒪᕔᑦ; ᑕᑯᒋᑦ, ᐊᖓᔪᖅᑳᒪ ᓯᐊᓛᕐᑖᕆᕚᑎᒍᑦ, ᑕᒪᑦᑕ ᐅᕙᒍᑦ ᑖᓐᓇᓗ ᐃᒥᐅᑎᖕᓂᒃ ᓇᓂᓯᕕᐅᓯᒪᔪᖅ.”

ᐃᓐᖏᕈᑎᑦ 119:13

ᖃᓂᒃᑯᑦ ᐅᖃᐅᓯᕆᓚᐅᕐᐸᒃᑲ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᓚᐅᕐᑕᓕᒫᑎᑦ.

ᐃᓐᖏᕈᑎᑦ 9:14

ᐅᖃᐅᓯᖃᕈᓐᓇᖁᓪᓗᖓ ᓂᕐᑐᕐᓇᕐᓂᕐᓂᒃ ᓱᓇᒥᒡᓗᒍ, ᓮᐅᓂᐅᑉ ᐸᓂᖏᑕ ᐃᑎᕐᑕᕐᕕᒡᔪᐊᖏᓐᓂ. ᐱᐅᓕᕐᓯᓂᕐᓂᒡᓗ ᐃᖀᕐᑐᕈᑎᖃᕈᒪᕗᖓ.

ᒨᓯᓯ ᐂᑉᐸᖏᑦ 4:11

ᐊᑕᓂᐅᓪᓕ ᐅᖃᐅᑎᕚ, “ᑭᐊᓕ ᐃᓅᑉ ᖃᓂᖓ ᓴᓇᓚᐅᕐᐸᐅᒃ? ᑭᐊᓗ ᐅᖃᕈᓐᓇᕈᓐᓃᕐᑎᑉᐸᐅᒃ, ᐅᕝᕙᓗ ᑭᐊ ᑐᓵᔪᓐᓃᕐᑎᑉᐸᐅᒃ, ᑭᐊᓗ ᑕᑯᔪᓐᓇᕐᑎᑉᐸᐅᒃ, ᑕᐅᑐᒍᓐᓃᕐᑎᓪᓗᓂᐅᒡᓘ? ᐅᕙᖓ ᐊᑕᓂᐅᔪᖓ ᑖᒃᑯᓂᖓ ᓴᓇᓚᐅᓐᖏᓚᖔ?

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 29:21

“ᑕᒪᓐᓇ ᐊᑐᓕᕐᐸᑦ ᐃᓴᕆᐊᓕᒥᐅᑦ ᐱᔪᓐᓇᐅᑎᒃᓴᕐᑖᕐᑎᑦᓱᒫᕐᐸᒃᑲ, ᐅᖃᐅᑦᔪᐃᔪᓐᓇᖁᓪᓗᑎᓪᓗ ᑖᒃᑯᓄᖓ ᖃᓃᑦ ᒪᑐᐃᕈᒫᕐᐸᕋ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 3:27

ᐅᖃᕐᕕᒋᓕᕐᒥᒍᒃᑭᓪᓕ, ᐅᖃᕈᓐᓇᕐᓯᑎᑦᓱᒫᕐᐸᒋᑦ, ᑕᕝᕙ ᐅᖃᐅᑎᓕᕈᒫᕐᐸᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ’; ᑐᓴᕈᓐᓇᕐᑐᑦ ᑐᓴᕐᓂᐊᕐᐹᑎᑦ; ᑐᓴᕈᒪᖏᑦᑐᓪᓗ ᑐᓴᕐᓂᐊᓐᖏᓛᑎᑦ; ᐊᑭᕋᕐᑐᕐᑎᐅᓪᓗᑎᒃ ᐃᓅᖃᑎᒌᖑᖕᒪᑕ.”

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᒫᑎᐅᓯᐅᑉ ᐊᒡᓚᖏᑦ 22:12

ᐊᖓᔪᖅᑳᕐᔪᐊᑉ ᐊᐱᕆᕚ, ‘ᐃᓚᓐᓈᒃ, ᖃᓄᖅ ᑕᕝᕗᓐᖓᕐᐲᑦ ᑲᑎᑎᑕᐅᔪᕐᓯᐅᑎᓂᒃ ᐊᓄᕌᕐᓯᒪᓇᑎᑦ?’ ᑖᓐᓇᓕ ᓂᓪᓕᓐᖏᓚᖅ.

ᒫᑯᓯᐅᑉ ᐊᒡᓚᖏᑦ 7:34

ᕿᓚᖕᒧᑦ ᐋᕐᓗᕐᐳᖅ, ᐊᓂᕐᓴᐅᒥᓪᓗᓂ, ᐊᖑᒻᒧᑦ ᐅᖃᕐᐳᖅ, “ᐃᐸᐸᑕ,” ᐃᒫᒃ ᑐᑭᓕᒃ, “ᐊᖕᒪᕆᑦ.”

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᓴᒧᐃᓕ ᓯᕗᓪᓖᑦ 2:9

ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.