ᐃᓐᖏᕈᑎᑦ 51:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐱᐅᓕᓚᐅᓐᖓ ᐊᐅᖕᒥᒃ ᐊᑭᓕᒃᓴᖃᕐᓂᕐᒥᑦ, ᒎᑏ, ᐱᐅᓕᔭᐅᓂᕐᒪ ᒎᑎᖓ, ᐅᖃᕋ ᑕᕝᕙ ᓂᐱᖅᑯᕐᑐᓗᓂ ᐃᓐᖏᕐᓂᐊᕐᐳᖅ ᐃᓱᐊᕐᓂᕐᓂᒃ.

ᐃᓐᖏᕈᑎᑦ 51:14 ပူးပေါင်းရင်းမြစ်များ

ᐃᓐᖏᕈᑎᑦ 35:28

ᐅᖃᕋ ᓂᓪᓕᐊᓂᐊᕐᐳᖅ ᐃᓱᐊᕐᑑᓂᕐᓂᒃ, ᓂᕐᑐᕐᓇᕐᓂᕐᓂᒡᓗ ᐅᓪᓗᖅ ᓈᓗᒍ.

ᓴᒧᐃᓕ ᐂᑉᐸᖏᑦ 12:9

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᐅᖃᐅᓯᖓᓂᒃ? ᓱᖕᒪᑦ ᐱᐅᖏᑦᑐᐊᓗᖕᒥᒃ ᐱᓂᐊᓚᐅᕐᐲᑦ? ᔪᕅᐊ ᕼᐃᑍᑎᒥᐅᑕᖅ ᐅᓇᑕᕐᑐᓂ ᑐᖁᑕᐅᑎᓚᐅᕐᐸᑦ; ᐊᒧᓁᑎᒥᐅᓄᑦ ᑐᖁᑕᐅᑎᓚᐅᕐᐸᑦ, ᓄᓕᐊᖓᓗ ᓄᓕᐊᕐᑖᕆᓪᓗᒍ!

ᕉᒪᒥᐅᓄᑦ 10:3

ᐃᓗᐊᕐᑑᓂᕋᕐᑕᐅᓂᖅ ᒎᑎᒥᑦ ᐱᔪᖅ ᖃᐅᔨᒪᓐᖏᓛᑦ, ᓇᖕᒥᓂᕐᒥᒃᑎᒍᓪᓕ ᐃᓗᐊᕐᑐᓕᔪᓐᖑᕋᓱᐊᕐᐳᑦ, ᐃᒻᒥᖕᓂᒃ ᑐᓂᓯᒪᓐᖏᓚᑦ ᒎᑎᐅᑉ ᐃᓗᐊᕐᑐᓕᔪᓐᖑᕐᑎᑦᓯᓂᖓᓄᑦ.

ᕼᐆᓯᐊᑉ ᐊᒡᓚᖏᑦ 4:2

ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

ᐃᓐᖏᕈᑎᑦ 26:9

ᑕᕐᓂᕋ ᐊᖑᐊᖃᓯᐅᑎᓂᐊᕐᓇᒍ ᐱᐅᖏᑦᑐᓕᔪᓄᑦ, ᐃᓅᓯᕋᓘᓐᓃᑦ ᐊᐅᖕᒥᒃ ᑯᕕᓯᔪᒪᔪᑦ ᐃᓚᒋᓗᒋᑦ.

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 20:26

ᑍᒤᒻᒪᑦ ᐅᓪᓗᒥ ᐅᖃᐅᑎᕙᑦᓯ ᐸᓯᔭᒃᓴᐅᓂᐊᕈᓐᓃᕐᐳᖓ ᑕᕐᓂᓯ ᐱᑦᔪᑎᒋᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᕼᐊᐸᑲᐅᑉ ᐊᒡᓚᖏᑦ 3:18

ᓱᓕ ᖁᕕᐊᓱᒡᓗᖓ ᐊᑕᓂᖅ ᓂᕐᑐᕈᒪᕙᕋ, ᒎᑎᓗ ᖁᕕᐊᓲᑎᒋᔪᒪᕙᕋ ᐱᐅᓕᔨᒋᒐᒃᑯ.

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:7

ᐊᑕᓃᖅ, ᐃᓱᐊᕐᑑᒐᕕᑦ, ᐅᓪᓗᒥᓕ ᐃᓕᖕᓄᑦ ᑲᓐᖑᓱᖕᓂᕐᒥᒃ ᐅᓕᒃᓯᒪᕗᒍᑦ, ᐃᓄᐃᑦ ᔫᑕᒥ ᓄᓇᖃᕐᑐᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᖃᓂᑦᑐᒧᑦ ᐅᖓᓯᒃᑐᒧᓪᓗ ᓄᓇᖃᑎᒌᒃᔪᐃᓪᓗ ᐊᓯᖏᓐᓄᑦ ᓯᐊᒻᒪᕐᑎᓯᒪᒐᑦᑎᒍᑦ, ᐃᓕᖕᓄᑦ ᑲᔪᓯᖃᑦᑕᕐᓯᒪᖏᓐᓂᑦᑎᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 33:8

ᐅᖃᕈᒪ ᐱᐅᖏᑦᑐᓕᔪᒧᑦ, ᐱᐅᖏᑦᑐᓕᔨᐅᒐᕕᑦ ᑐᖁᓂᐊᓪᓚᕆᒃᐳᑎᑦ, ᑖᓐᓇ ᐅᖃᐅᑎᖏᒃᑯᕕᐅᒃ ᖃᐅᔨᑎᑦᓯᑦᔪᑎᒋᔭᓐᓂᒃ ᑖᑦᓱᒪ ᓵᒋᐊᕆᐊᖃᕐᓂᖓᓂᒃ ᐱᐅᖏᑦᑐᓕᓂᕐᒥᓂᑦ, ᑕᕝᕙ ᐱᐅᖏᑦᑐᓕᔪᖅ ᐊᔪᕐᑐᓕᓂᕐᒥᓃᓪᓗᓂ ᑐᖁᓂᐊᕐᐳᖅ, ᑖᑦᓱᒪᓕ ᑐᖁᓂᖓᓄᑦ ᓵᑕᒃᓴᐅᓂᐊᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᐃᓐᖏᕈᑎᑦ 68:20

ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ.

ᐃᓐᖏᕈᑎᑦ 55:23

ᐃᕝᕕᓪᓕ ᒎᑏ, ᐃᑎᕐᓴᒧᑦ ᐊᓯᕈᕐᑕᐅᕕᖕᒧᑦ ᐱᑎᑦᓱᒫᕐᐸᑎᑦ; ᑐᖁᑦᓯᔪᒪᔪᑦ ᐅᐃᕕᕆᒃᓯᔪᓪᓗ ᐃᓄᐃᑦ ᐅᓪᓗᒃᓴᖏᑕ ᐊᕝᕙᖏᓐᓂᒡᓘᓐᓃᑦ ᐃᓅᓂᐊᖏᓚᑦ; ᐅᕙᖓᓕ ᐃᓕᖕᓂᒃ ᑕᑎᖃᕐᓂᐊᕐᐳᖓ.

ᐃᓐᖏᕈᑎᑦ 38:22

ᑐᐊᕕᕐᓗᑎᑦ ᐱᐅᓕᓐᖓ, ᐊᑕᓃᖅ, ᐱᐅᓕᔨᒐ!

ᐃᓐᖏᕈᑎᑦ 25:5

ᓱᓕᑦᓯᐊᕐᓂᒃᑯᑦ ᑕᓯᐅᓚᐅᓐᖓ, ᐃᓕᓐᓂᐊᕐᑎᓪᓗᖓᓗ, ᐱᐅᓕᔨᒋᓪᓗᑎᑦ ᒎᑎᒋᒐᒃᑭᑦ; ᐃᓕᖕᓂᓪᓗ ᓂᕆᐅᒋᔭᖃᕐᐳᖓ ᐅᓪᓗᖅ ᓈᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:33

ᓈᒻᒪᒃᑐᒥᒃ ᐱᓇᓱᐊᕐᓯᒪᕗᑎᑦ ᓱᒋᐊᕐᓗᑕ; ᓱᖁᓯᔪᐃᑦᑑᓪᓗᑎᑦ ᑲᔪᓯᑦᓯᐊᕐᓯᒪᕗᑎᑦ, ᐅᕙᒍᓪᓕ ᐊᔪᕐᑐᓕᓯᒪᕗᒍᑦ.

ᐄᓱᕋᐅᑉ ᐊᒡᓚᖏᑦ 9:13

ᐸᓯᔭᒃᓴᐅᓂᕗᑦ ᐊᔪᕐᑐᓕᓂᑦᑎᓐᓄᑦ ᑕᒻᒪᕐᓂᑦᑎᓐᓄᓪᓗ ᐊᑐᕇᕋᓗᐊᕐᒪᑕ, ᖃᐅᔨᒪᕗᒍᑦ ᐃᕝᕕᑦ ᒎᑎᕘᑦ, ᓱᒋᐊᓚᐅᕋᑦᑎᒍᑦ ᓱᒋᐊᕐᑕᐅᔭᕆᐊᖃᕐᓂᑦᑕ ᒥᒃᓯᑦᑎᓐᓄᑦ ᐃᓅᔪᓐᓇᕐᑎᓚᐅᕋᑦᑎᒍᓪᓗ ᑍᒤᒃᑲᓗᐊᕐᑎᓪᓗᑕ,

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᓴᒧᐃᓕ ᐂᑉᐸᖏᑦ 3:28

ᑭᖑᓂᖓᒍᑦ, ᑍᕕᑎ ᑕᒪᑐᒥᖓ ᑐᓴᕋᒥ, ᐅᖃᕐᐳᖅ, “ᐊᑕᓂᖅ ᖃᐅᔨᒪᕗᖅ ᐅᕙᖓᓗ ᐊᐅᓚᑦᓯᔨᒃᑲᓗ ᐸᓯᔭᒃᓴᐅᓐᖏᓐᓇᑦᑕ ᐋᑉᓅᑉ ᓂᕆᐅᑉ ᐃᕐᓂᖓᑕ ᑐᖁᑕᐅᓂᖓᓄᑦ.

ᒨᓯᓯ ᓯᕗᓪᓖᑦ 42:22

ᕉᐱᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓯᒪᓐᖏᓚᑦᓰ ᐊᔪᕐᑐᓕᖁᓇᓯ ᓄᑲᑉᐱᐊᒧᑦ? ᐃᓕᑦᓯᓕ ᓈᓚᒍᒪᓚᐅᓐᖏᓚᓯ, ᑕᕝᕙ ᑖᑦᓱᒪ ᐊᐅᖓᓄᑦ ᐊᑭᓂᐊᕐᑕᐅᓕᕐᐳᒍᑦ.”