ᐃᓐᖏᕈᑎᑦ 50:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᑐᓵᒋᑦᓯ, ᐃᓄᖁᑎᒃᑲ, ᐅᖃᕐᓂᐊᕋᒪ, ᐆ ᐃᓴᕆᐊᓪ, ᐃᖅᑲᕐᑐᐃᓂᐊᕋᒪ ᐃᓕᖕᓂᒃ; ᒎᑎᐅᒐᒪ, ᐃᕝᕕᑦ ᒎᑏᑦ!

ᐃᓐᖏᕈᑎᑦ 50:7 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:39

ᐃᓄᓕᒫᓪᓗ ᑕᒪᑐᒥᖓ ᑕᑯᒐᒥᒃ, ᒪᓂᖅᑲᒧᑦ ᐹᒻᒪᒃᐳᑦ; ᐅᖃᕐᓗᑎᒡᓗ, “ᐊᑕᓂᖅ ᒎᑎᐅᕗᖅ! ᐊᑕᓂᖅ ᒎᑎᐅᕗ!”

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 28:5

ᑍᒤᒻᒪ ᐊᑕᓂᐅᑉ ᑖᑦᓱᒪ ᒎᑎᖓᑕ ᑐᓂᕚ ᓯᕆᐊᒥᐅᑉ ᐊᖓᔪᖅᑳᕐᔪᐊᖏᓐᓄᑦ, ᑖᒃᑯᐊᓗ ᓵᓚᒋᕚᑦ, ᐅᓄᕐᑐᕐᔪᐊᓪᓗ ᐊᐅᓪᓚᕈᑎᕔᑦ ᑎᒍᓪᓗᒋᑦ ᐂᑎᓪᓗᒋᓪᓗ ᑕᒫᓯᑰᓯᒧᑦ. ᑖᓐᓇᓗ ᑐᓂᔭᐅᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪᓗ ᓵᓚᒋᕚ ᐅᓄᕐᑐᕐᔪᐊᓂᒃ ᑐᖁᕅᓪᓗᓂ.

ᐃᓐᖏᕈᑎᑦ 49:1

ᐃᓄᓕᒫᖑᔪᓯ, ᐅᓇ ᑐᓴᕐᓯᐅᒃ! ᓈᓚᒋᑦᓯ ᓄᓇᕐᔪᐊᕐᒥ ᓄᓇᖃᕐᑐᓕᒫᖑᔪᓯ,

ᐃᓐᖏᕈᑎᑦ 81:8

ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!

ᐃᓐᖏᕈᑎᑦ 81:9

ᐊᑯᓐᓇᑦᓯᓐᓂ ᐊᑦᔨᐅᖏᑦᑐᓂᒃ ᒎᑎᖃᕐᑐᖃᕐᑐᒃᓴᐅᓐᖏᓚᖅ; ᔫᑎᐅᖏᑦᑐᑦ ᒎᑎᒋᔭᖏᓐᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:9

“ᑍᒤᒻᒪᑦ ᐃᖅᑲᕐᑐᐃᑦᔪᑎᒃᓴᖃᕐᐳᖓ ᐃᓕᑦᓯᓐᓄᑦ, ᐊᑕᓂᖅ ᐅᖃᕐᐳᖅ, ᐃᖅᑲᕐᑐᐃᑦᔪᑎᒃᓴᖃᕈᒫᕐᐳᖓᓗ ᕿᑐᕐᖓᑦᓯ ᕿᑐᕐᖓᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 20:5

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂ ᐃᓴᕆᐊᓕᒥᐅᑦ ᓂᕈᐊᕋᒃᑭᑦ, ᐊᖏᒻᒪᕆᒡᕕᒋᓚᐅᕐᐸᒃᑲ ᔧᑰᑉ ᑭᖑᕚᖏᑕ ᓯᕗᓕᖏᑦ, ᐅᕙᓐᓂᒡᓗ ᖃᐅᔨᑎᓪᓗᒋᑦ ᐄᑦᔨᑉᑎᒦᑎᓪᓗᒋᑦ, ᐊᖏᕐᕕᒋᓪᓗᒋᑦ ᐅᖃᐅᑎᓚᐅᕐᐸᒃᑲ, ‘ᐅᕙᖓᐅᕗᖓ ᐊᑕᓂᖅ ᒎᑎᓯ.’

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”