ᐃᓐᖏᕈᑎᑦ 50:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ, ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.

ᐃᓐᖏᕈᑎᑦ 50:22 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:42

ᐃᑲᔪᕐᑎᒃᓴᒥᖕᓂᒃ ᕿᓂᕋᓗᐊᕐᐳᑦ, ᐱᐅᓕᔭᐅᔪᓐᓇᓐᖏᓚᓪᓕ; ᐊᑕᓂᕐᒧᑦ ᑐᒃᓯᐊᕋᓗᐊᕐᐳᑦ, ᑖᑦᓱᒪᓕ ᑭᐅᓐᖏᓔᑦ.

ᔫᐱᐅᑉ ᐊᒡᓚᖏᑦ 10:7

ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ, ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.

ᔫᐱᐅᑉ ᐊᒡᓚᖏᑦ 8:13

ᒎᑎᒥᒃ ᐳᐃᒍᕐᑐᑦ ᑕᒪᒃᑯᑎᑐᓇᖅ ᑍᒤᑉᐳᑦ; ᒎᑎᖃᖏᑦᑑᑉ ᓂᕆᐅᖕᓂᖓ ᐊᓯᐅᔪᒫᕐᐳᖅ.

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 7:2

ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.

ᐃᓐᖏᕈᑎᑦ 9:17

ᐱᐅᖏᑦᑐᓕᔪᑦ ᓵᑎᑕᐅᔪᒫᕐᐳᑦ ᑲᑉᐱᐊᓇᕐᑐᕕᖕᒧᑦ, ᑕᒪᕐᒥᓕᒫᕐᓗ ᐃᓅᖃᑎᒌᒡᔪᐊᑦ ᒎᑎᒥᒃ ᐳᐃᒍᕐᑐᑦ.

ᐃᓐᖏᕈᑎᑦ 9:18

ᐊᔪᕐᓴᕐᑐᑦ ᐳᐃᒍᕐᑕᐅᓯᒤᓇᕐᓂᐊᖏᒻᒪᑕ; ᐊᒃᓗᔪᑦ ᓂᕆᐅᒋᔭᖏᑦ ᐃᓱᖃᖏᑦᑐᒧᑦ ᐊᓯᐅᓯᒪᓂᐊᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:14

ᐅᓪᓗᒥᒃ ᐊᔪᕐᓴᖏᑦᓯᐊᕐᓇᕐᑐᖃᕐᐸᑦ ᖁᕕᐊᓱᒋᑦ, ᓇᓪᓕᐅᑎᔪᓪᓕ ᐊᒃᓱᕈᕐᓇᕐᐸᑕ ᐃᒫᒃ ᐃᓱᒪᒋᑦ: ᒎᑎ ᐆᒥᖓ ᓴᓇᓯᒪᕗᖅ ᐊᒻᒪᓗ ᐊᓯᐊᓂᒃ, ᐃᓄᒃ ᓱᓇᒥᒃ ᖃᐅᔨᖁᓇᒍ ᑭᖑᓂᕐᒥᓂ ᖃᓄᐃᑦᑐᖃᕈᒫᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 51:13

ᐳᐃᒍᕐᓯᒪᓪᓗᑎᑦ ᐊᑕᓂᕐᒥᒃ, ᐃᓕᖕᓂᒃ ᓴᓇᓚᐅᕐᑐᒥᒃ, ᕿᓚᖕᒦᑦᑐᓂᒃ ᐃᓯᕕᑦᓯᓯᒪᔪᖅ ᓄᓇᕐᔪᐊᕐᒥᒡᓗ ᐃᓂᒋᔭᒃᓴᖓᓄᑦ ᐃᓕᓯᓯᒪᔪᖅ, ᓯᕘᕋᖃᑦᑕᕐᐲᑦ ᐅᓪᓗᖅ ᓈᓗᒍ ᐊᑭᕋᕐᑐᕐᑎᕕᑦ ᓂᓐᖓᐅᒪᓂᖓᓂᒃ, ᑐᖁᑦᓯᔪᒪᑎᓪᓗᒍ? ᐊᑭᕋᕐᑐᕐᑎᕖᑦ ᑲᑉᐱᐊᓇᕐᓂᖓ ᓇᓃᒻᒪᑦ?

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 18:28

ᐃᓱᒪᒃᓴᕐᓯᐅᕈᑎᖃᕐᓂᕐᒥᓄᑦ ᐊᔪᕐᑐᓕᓂᕆᓚᐅᕐᑕᓕᒫᒥᓂᒃ ᕿᒤᒃᐸᑦ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᓂᐊᕐᐳᖅ, ᑐᖁᖏᓪᓗᓂ.

ᕼᐆᓯᐊᑉ ᐊᒡᓚᖏᑦ 13:8

ᐅᐸᖕᓂᐊᕐᐸᒃᑲ ᓇᓄᕐᑎᑐᑦ ᓂᕕᐅᕐᑐᑎᑐᑦ ᐊᑎᕐᑕᒥᓂᒃ, ᐊᓕᒃᑐᕐᓗᒋᑦ ᐃᓯᕕᓐᓂᐊᕐᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᕐᐸᒃᑲ ᓛᔭᑎᑐᑦ, ᐃᕐᓯᓇᕐᑐᓄᑦ ᐆᒪᔪᓄᑦ ᓱᕋᒃᑎᕐᑕᐅᒐᔭᕐᓂᖏᑎᑐᑦ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᐂᒨᓯᐅᑉ ᐊᒡᓚᖏᑦ 2:14

ᐅᕿᓚᔫᒐᓗᐊᑦ ᐊᓐᓇᖕᓂᐊᓐᖏᓚᑦ, ᓴᓐᖏᔪᓪᓗ ᓴᓐᖐᓕᓂᐊᕐᐳᑦ, ᐊᔪᖏᑦᑐᕐᔪᐊᓪᓗ ᐅᓇᑕᕐᑏ ᐃᒻᒥᖕᓂᒃ ᓴᐳᑎᔪᓐᓇᕐᓂᐊᓐᖏᓚᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᕼᐊᒊᑉ ᐊᒡᓚᖏᑦ 1:5

ᑍᒤᒻᒪᑦ ᒫᓐᓇ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ‘ᐃᓱᒪᒋᓚᐅᕐᓯᐅᒃ ᖃᓄᐃᓕᐅᕐᓯᒪᓂᓯ!

ᓘᑲᓯᐅᑉ ᐊᒡᓚᖏᑦ 15:17

ᑍᒪᓕ ᐃᖅᑬᓕᕋᒥ ᐃᓱᒪᓕᕐᐳᖅ, ᐊᑖᑕᒪ ᐃᖅᑲᓁᔭᕐᑎᖁᑎᖏᑦ ᓂᕿᒃᓴᒥᒃ ᐊᒥᒐᕐᓯᖏᑦᓯᐊᕐᐳᑦ, ᐅᕙᖓᓕ ᒫᓂ ᐱᕐᓕᓕᕐᐳᖓ!

ᒨᓯᓯ ᑕᓪᓕᒪᖏᑦ 32:18

ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.