ᐃᓐᖏᕈᑎᑦ 50:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 50:15 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 20:2

ᕼᐃᓯᑬᐊ ᑐᓄᓪᓗᓂ ᐃᒡᓘᑉ ᐊᑭᓐᓇᖓᓄᑦ ᓵᓪᓗᓂ, ᐊᑕᓂᕐᒧᑦ ᑐᒃᓯᐊᓕᕐᐳᖅ, ᐅᖃᕐᓗᓂ,

ᑯᕉᓂᑲ ᐂᑉᐸᖏᑦ 20:9

‘ᑲᑉᐱᐊᓇᕐᑐᒧᑦ ᓴᕕᒡᔪᐊᒧᑦ ᑎᑭᑕᐅᒍᑦᑕ, ᐃᖅᑲᕐᑐᕐᑕᐅᓂᕐᒧᑦ, ᐋᓐᓂᐊᓇᕐᑐᒧᓪᓘᓐᓃᑦ, ᑳᖕᓇᕐᑐᒧᓪᓘᓐᓃᑦ, ᓇᖏᕈᒫᕐᐳᒍᑦ ᐆᒪ ᑐᒃᓯᐊᕐᕕᐅᑉ ᓇᔪᒐᕐᐱᑦ ᓵᖓᓂ, ᐊᑏᑦ ᑕᕝᕙᓃᒻᒪᑦ ᐃᒡᓗᒥ, ᕿᓄᒍᑦᑕᓗ ᐋᓐᓂᐊᕈᑎᕗᑦ ᐱᓪᓗᒋᑦ, ᑐᓴᕈᒫᕐᐳᑎᑦ ᐱᐅᓕᓗᑕᓗ.’

ᔫᐱᐅᑉ ᐊᒡᓚᖏᑦ 22:27

ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

ᐃᓐᖏᕈᑎᑦ 107:19

ᑕᕝᕙ ᐊᑕᓂᕐᒧᑦ ᓂᓪᓕᐊᓕᕐᐳᑦ ᐊᑲᐅᖏᑦᔪᑎᒋᔭᒥᖕᓂᑦ, ᑖᑦᓱᒪᓗ ᓴᐳᑎᕔᑦ ᐊᒃᓱᕈᕐᓂᖏᓐᓂᑦ ᐊᓂᑎᓪᓗᒋᑦ.

ᐃᓐᖏᕈᑎᑦ 107:28

ᑕᕝᕙ ᐊᑕᓂᕐᒧᑦ ᓂᓪᓕᐊᓕᕐᐳᑦ ᐊᑲᐅᖏᑦᔪᑎᒋᔭᒥᖕᓂᑦ, ᑖᑦᓱᒪᓗ ᓴᐳᑎᕔᑦ ᐊᒃᓱᕈᕐᓂᖏᓐᓂᑦ ᐊᓂᑎᓪᓗᒋᑦ.

ᐃᓐᖏᕈᑎᑦ 120:1

ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ.

ᐃᓐᖏᕈᑎᑦ 22:23

ᐃᓕᑦᓯ ᐊᑕᓂᕐᒥᒃ ᓯᕘᕋᔪᓯ, ᑖᓐᓇ ᓂᕐᑐᕐᓯᐅᒃ! ᔧᑰᑉ ᑭᖑᕚᖏᑦ ᑕᒪᑦᓯ, ᐅᐱᒋᑦᓯᐊᕐᓯᐅᒃ, ᐃᓴᕆᐊᓕᐅᑉ ᕿᑐᕐᖓᓕᒫᖏᑦ ᑖᓐᓇ ᐃᓕᕋᒋᓯᐅᒃ!

ᐃᓐᖏᕈᑎᑦ 34:5

ᑕᕝᕗᖓ ᑕᑯᓴᕐᒪᑕ ᑮᓇᖏᑦ ᖃᐅᒻᒪᒃᐳᑦ, ᑮᓇᖏᓪᓗ ᑲᓐᖑᓱᒃᑎᑕᐅᓚᐅᓐᖏᓚᑦ.

ᐃᓐᖏᕈᑎᑦ 34:7

ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.

ᐃᓐᖏᕈᑎᑦ 4:2

ᐃᓄᐃᑦ ᕿᑐᕐᖓᖏᑦ ᖃᓄᖅ ᐊᑯᓂᐅᑎᒋᔪᒥᒃ, ᓂᕐᑐᕐᑕᐅᔪᒃᓴᐅᓂᕋ ᑲᓐᖑᓇᕐᑎᓐᓂᐊᕐᐱᓯᐅᒃ? ᖃᓄᖅ ᐊᑯᓂᐅᑎᒋᔪᒥᒃ ᐊᑐᖏᑦᑐᓂᒃ ᐅᖓᒋᔭᖃᕐᓂᐊᕐᐱᓰ? ᓱᓕᖏᑦᑐᓂᒡᓗ ᒎᑎᐅᖏᑦᑐᓂᒃ ᕿᓂᕐᓂᐊᕐᐱᓰ? ᓰᓚ

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᐃᓐᖏᕈᑎᑦ 77:2

ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᐃᓐᖏᕈᑎᑦ 77:3

ᒎᑎ ᐃᖅᑲᓚᐅᕐᐸᕋ, ᕿᒃᓵᒃᑎᓪᓗᖓ; ᐃᓱᒪᒃᓴᕐᓯᐅᕐᑎᓪᓗᖓ, ᐊᓂᕐᓂᕋ ᓴᓐᖐᓕᓚᐅᕐᐳᖅ. ᓰᓚ

ᐃᓐᖏᕈᑎᑦ 81:7

ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 86:7

ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ ᓂᓪᓕᐊᕕᒋᕙᒋᑦ, ᐃᕝᕕᑦ ᑭᐅᓂᐊᕋᕕᖓ.

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 39:17

ᐅᕙᖓᓕ ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ ᓴᐳᑎᔪᒪᕙᒋᑦ, ᐊᑕᓂᖅ ᐅᖃᕐᐳᖅ, ᑲᑉᐱᐊᒋᔭᕐᓄᑦ ᑎᒍᔭᐅᔪᒫᓐᖏᓚᑎᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᓘᑲᓯᐅᑉ ᐊᒡᓚᖏᑦ 22:44

ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 16:25

ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,

ᔧᒥᓯᐅᑉ ᐊᒡᓚᖏᑦ 5:13

ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 15:19

ᒎᑎ ᓄᓇᒥᒃ ᐃᑎᕐᓴᒥᒃ ᖁᐱᓯᕗᖅ ᓖᕼᐃᒥ, ᑕᕝᕙᓐᖓᓪᓗ ᐃᒥᖅ ᑯᕕᓕᕐᐳᖅ, ᐃᒥᕋᒥᓗ ᓄᑭᖃᑦᓯᐊᓕᕐᐳᖅ, ᖃᓄᐃᑦᑐᓐᓃᕐᓗᓂᓗ. ᑖᓐᓇᓗ ᐊᑦᓯᕐᐹ ᐃᓐ-ᕼᐊᑯᐊᕆᒥᒃ, ᓕᕼᐃᒦᑦᑐᖅ ᓱᓕ ᐅᓪᓗᒥᒧᑦ.