ᐃᓐᖏᕈᑎᑦ 50:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᒎᑎ ᑐᓂᕐᕈᓯᕐᕕᒋᓯᐅᒃ ᖁᔭᓕᓂᕐᒥᒃ, ᐊᖏᕈᑎᑦᓯᓐᓂᒡᓗ ᑐᓂᓯᒋᑦᓯ ᖁᑦᓯᖕᓂᕐᐹᖑᔪᒧᑦ.

ᐃᓐᖏᕈᑎᑦ 50:14 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 22:27

ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ; ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.

ᐃᓐᖏᕈᑎᑦ 147:1

ᐊᑕᓂᖅ ᓂᕐᑐᕐᑕᐅᓕ! ᒎᑎᕗᑦ ᓂᕐᑐᕐᓗᒍ ᐃᓐᖏᕐᕕᒋᓗᒍᓗ ᐱᐅᔫᕗᖅ; ᓂᑲᒍᓱᒃᑑᖕᒪᑦ, ᐃᓐᖏᕐᓗᓂ ᓂᕐᑐᕐᓗᒍ ᓈᒻᒪᓈᑦᓯᐊᕐᐳᖅ.

ᐃᓐᖏᕈᑎᑦ 22:25

ᓂᕐᑐᓕᕐᓂᕋ ᐃᓕᖕᓂᑦ ᐱᔪᒫᕐᐳᖅ, ᐃᓄᒋᐊᒃᑐᕐᔪᐊᑦ ᑲᑎᒪᔪᑦ ᐊᑯᕐᖓᓐᓂ; ᑖᑦᓱᒥᖓ ᓯᕘᕋᔪᑦ ᑕᒃᑯᐊᓂ, ᐊᖏᕈᑎᒋᓯᒪᔭᒃᑲ ᑲᔪᓯᑎᑦᓱᒪᕙᒃᑲ.

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 27:6

ᒫᓐᓇᓗ ᓂᐊᖁᕋ ᐋᕐᓗᕐᓂᐊᕐᐸᕋ, ᐊᑭᕋᕐᑐᕐᑎᒪ ᐃᓗᒪᔨᒪ ᖁᓛᑦᑎᒍᑦ; ᑍᒤᒻᒪᑦ ᑐᐱᕐᔪᐊᖓᓂ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᓂᐊᕐᐳᖓ ᓂᐱᖅᑯᕐᑐᓗᖓ ᖁᕕᐊᓱᖕᓂᕐᒥᒃ: ᐃᓐᖏᕐᓂᐊᕐᐳᖓ ᐃᓛᒃ, ᓂᕐᑐᕈᑎᓂᒃ ᐃᓐᖏᕐᓂᐊᕐᐳᖓ ᐊᑕᓂᕐᒧᑦ.

ᐃᓐᖏᕈᑎᑦ 50:23

ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”

ᐃᓐᖏᕈᑎᑦ 56:12

ᐊᖏᕈᑎᒋᓯᒪᔭᒃᑲ ᐃᓕᖕᓄᑦ ᐊᑐᕐᓗᒋᑦ ᑭᓯᐊᓂᐅᕗᖅ, ᒎᑏ; ᐃᓕᖕᓄᑦ ᑐᓂᕐᕈᓯᓂᐊᕐᐳᖓ ᖁᔭᓕᑦᔪᑎᓐᓂᒃ.

ᐃᓐᖏᕈᑎᑦ 61:8

ᑍᒤᑉᐸᑦ ᑕᕝᕙ ᐊᑏᑦ ᓂᕐᑐᕐᓗᒍ ᐃᓐᖏᕈᑎᒋᔪᒪᕙᕋ ᐃᓱᖃᖏᑦᑐᒧᑦ, ᐊᖏᒻᒪᕆᒍᑎᒋᓯᒪᔭᒃᑲᓗ ᑐᓂᓗᒋᑦ ᑲᔪᓯᑎᓐᓂᐊᕐᐸᒃᑲ ᖃᐅᑕᒫᑦ.

ᐃᓐᖏᕈᑎᑦ 65:1

ᒎᑏ, ᓂᕐᑐᕐᑕᐅᓂᐅᑉ ᐅᑕᖅᑭᕚᑎᑦ ᓮᐅᓂᒥ; ᐃᓕᖕᓄᓪᓗ ᐊᖏᒻᒪᕆᒍᑕᐅᓯᒪᔪᑦ ᐱᓂᐊᕈᑕᐅᔪᒫᕐᐳᑦ.

ᐃᓐᖏᕈᑎᑦ 69:32

ᒥᑭᒡᓕᑎᕐᓯᒪᔪᑦ ᑕᒪᓐᓇ ᑕᑯᔪᒫᕐᐹᑦ ᖁᕕᐊᓱᒡᓗᑎᒡᓗ; ᐃᓕᑦᓯᓗ ᒎᑎᒥᒃ ᕿᓂᕐᑐᓯ, ᐆᒻᒪᑎᓯ ᐃᓅᔪᒫᕐᐳᑦ.

ᐃᓐᖏᕈᑎᑦ 76:11

ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ.

ᐃᓐᖏᕈᑎᑦ 76:12

ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᓇᕼᐅᒥᐅᑉ ᐊᒡᓚᖏᑦ 2:1

ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᕐᐳᖅ. ᐊᕙᓗᕐᔪᐊᓯ ᖃᐅᔨᓴᕐᑎᖃᓕᕐᓕᑦ; ᐊᖅᑯᑏᑦ ᐅᑦᔨᕐᑐᓕᕐᓯᒋᒃ; ᐅᓇᑕᕐᓂᕐᒧᑦ ᐊᑐᐃᓐᓇᕈᓕᕆᑦᓯ; ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᒨᓯᓯ ᑕᓪᓕᒪᖏᑦ 23:21

“ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕕᒍᑎᓕᐅᕈᑦᓯ, ᐊᑐᕐᓂᐊᕐᓂᕋᕐᓯᒪᔭᑦᓯᓐᓂᒃ, ᐱᓐᖏᓮᓐᓇᕐᑎᑦᓯᔪᒃᓴᐅᓐᖏᓚᓯ; ᐊᑕᓂᐅᑉ ᒎᑎᑦᓯ ᐅᖃᕕᒍᑎᒋᓯᒪᔧᑦ ᑲᔪᓯᑏᓐᓇᕐᓂᐊᕐᒪᒍ, ᐊᔪᕐᓂᐅᓕᕋᔭᕐᐳᖅ ᐅᖃᕕᒍᑎᒋᓯᒪᔭᕐᓂᒃ ᑲᔪᓯᑎᑦᓯᓐᖏᑐᐊᕈᕕᑦ.

ᒨᓯᓯ ᑕᓪᓕᒪᖏᑦ 23:22

ᐅᖃᕕᒍᑎᓕᐅᖏᒃᑯᕕᓪᓕ ᐊᔪᕐᑐᓕᓂᐅᓐᖏᓚᖅ ᐃᓕᖕᓄᑦ,

ᒨᓯᓯ ᑕᓪᓕᒪᖏᑦ 23:23

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᖃᓂᒃᑯᑦ ᐊᓂᔪᒥᒃ ᑲᔪᓯᑎᑦᓯᒋᐊᖃᕋᑦᓯ, ᐃᓱᒪᕐᓱᑦᓯᐊᕐᓗᓯ ᐅᖃᕕᒍᑎᓕᐅᕐᐸᒃᑲᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐊᖏᕈᑎᒋᓯᒪᔭᕐᓂᒃ ᑲᔪᓯᑎᑦᓯᔪᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 23:24

“ᐊᓯᕕᑦ ᕔᓂᒃᓴᓂᒃ ᐱᕈᕐᓰᕕᖁᑎᖓᓄᐊᕈᕕᑦ, ᕔᓂᒃᓮᑦ ᐸᐅᕐᖓᖏᓐᓂᒃ ᓂᕆᔪᒪᔭᓕᒫᕐᓂᒃ ᓂᕆᔪᓐᓇᕐᐳᑎᑦ, ᑭᓯᐊᓂᓕ ᐴᖃᕐᓗᑎᑦ ᓄᐊᑦᓯᔪᒃᓴᐅᓐᖏᓚᑎᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:18

ᓱᓇᓕᒫᑦᓯᐊᑦ ᖁᔭᓕᑦᔪᑎᒋᓯᒋᒃ; ᑕᒪᑦᔭ ᒎᑎᐅᑉ ᐱᓇᓱᐊᕐᑕᐅᖁᔭᖓ ᐃᓕᑦᓯᓐᓄᑦ ᙭ᔅᑑᓯ ᔩᓱᓯᒥ.

ᐄᑉᕈᐃᓄᑦ 13:15

ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.