ᐃᓐᖏᕈᑎᑦ 49:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒎᑎᐅᓪᓕ ᑕᕐᓂᕋ ᐅᑎᕐᑎᑦᓱᒫᕐᐹ ᐃᓗᕕᐅᑉ ᐱᔪᓐᓇᕐᓂᖓᓂᑦ, ᐃᓚᓕᐅᕈᒫᕐᓗᖓᓗ. ᓰᓚ

ᐃᓐᖏᕈᑎᑦ 49:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 5:24

ᐃᓅᑭ ᒎᑎᒥᒃ ᐃᓅᖃᑎᖃᑦᓯᐊᕐᓗᓂ ᐃᓅᓚᐅᕋᒥ; ᑐᖁᓚᐅᕋᓂ ᐊᓯᐅᓚᐅᕐᐳᖅ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ.

ᐃᓐᖏᕈᑎᑦ 31:5

ᐊᒡᒐᖕᓄᑦ ᐊᓂᕐᓂᕋ ᑐᓂᕙᕋ; ᐃᕝᕕᑦ ᐅᑎᕐᑎᓚᐅᕐᐸᕐᒪ ᐃᓕᖕᓄᑦ, ᐊᑕᓃᖅ ᒎᑎᐅᔪᑎᑦ ᓱᓕᑦᓯᐊᕐᑐᖅ.

ᐃᓐᖏᕈᑎᑦ 56:13

ᑕᕐᓂᕋ ᓴᐳᑎᓯᒪᒐᕕᐅᒃ ᑐᖁᒥᑦ, ᐄᓛᒃ, ᐃᑎᒐᒃᑲ ᐅᕐᕈᑦᔧᕐᓯᒪᑎᑉᐸᑎᑦ ᒎᑎᐅᑉ ᓵᖓᓂ ᐱᓱᒍᓐᓇᖁᓪᓗᖓ ᐃᓅᓯᐅᑉ ᖃᐅᒪᓂᖓᓂ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᐃᓐᖏᕈᑎᑦ 86:13

ᐅᕙᓐᓄᑦ ᓱᖁᓯᔪᐃᑦᑐᒥᒃ ᓇᒡᓕᖕᓂᖃᕋᕕᑦ; ᑕᕐᓂᕋ ᓴᐳᑎᓚᐅᕋᕕᐅᒃ ᑲᑉᐱᐊᓇᕐᑐᕐᔪᐊᕐᒥᑦ ᑐᖁᖓᔪᑦ ᐃᓂᖓᓂᑦ.

ᐃᓐᖏᕈᑎᑦ 89:48

ᐃᓄᒃ ᖃᓄᐃᒐᔭᕐᐸ ᑐᖁᓂᐊᖏᑦᑑᓗᓂ ᐃᓅᒐᔭᕐᐸᑦ? ᑭᓇ ᑕᕐᓂᕐᒥᓂᒃ ᐱᐅᓕᓯᔪᓐᓇᕐᐹ ᑐᖁᖓᔪᑦ ᐃᓂᖓᓂᑦ? ᓰᓚ

ᕼᐆᓯᐊᑉ ᐊᒡᓚᖏᑦ 13:14

ᐊᑭᓕᕐᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᓂᖏᓐᓂᑦ? ᐅᑎᕐᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᕐᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᕐᓯᒪᕗᖅ.

ᓘᑲᓯᐅᑉ ᐊᒡᓚᖏᑦ 23:46

ᔩᓱᓯ ᓂᐱᖅᑯᕐᑐᓪᓗᓂ ᕾᒐᓛᕐᐳᖅ, ᐅᖃᕐᓗᓂ, “ᐊᑖᑕᒃ, ᐊᓂᕐᓂᕋ ᐃᓕᖕᓄᑦ ᑐᓂᕙᕋ!” ᑍᒫᒃ ᐅᖃᕇᕋᒥ ᐊᓂᕐᓇᖏᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 7:59

ᓯᑎᐹᓇᓯ ᒥᓪᓗᕐᑕᐅᓪᓗᓂ ᑐᒃᓯᐊᕐᐳᖅ, “ᐊᑕᓃᖅ ᔩᓱᓯ, ᐊᓂᕐᓂᕋ ᐱᒍᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.