11 ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”
ᐅᖃᕐᓗᓂᓗ, “ᐊᑕᓃᖅ ᓯᕗᓕᑦᑕ ᒎᑎᖓᑦ, ᒎᑎᐅᓐᖏᓚᑏᑦ ᕿᓚᖕᒥ? ᐊᐅᓚᑦᓯᓐᖏᓚᑏᑦ ᐊᑕᓂᐅᕕᓕᒫᓂᒃ ᐃᓅᖃᑎᒌᒡᔪᐊᓂᒡᓗ? ᐱᔪᓐᓇᕐᓂᕐᔪᐊᖅ ᐊᔪᖏᑦᑐᕐᔪᐊᖑᓂᕐᓗ ᐊᒡᒐᖕᓃᑉᐳᑦ, ᓇᓪᓕᐊᓐᓄᓪᓘᓐᓃᑦ ᐊᑭᒪᔭᐅᔪᓐᓇᓐᖏᓚᑎᑦ.
ᑐᒃᓯᐊᕐᕕᒋᕚᓗ, ᒎᑎᐅᓪᓗ ᕿᓄᑦᔪᑎᖏᑦ ᐃᓚᓕᐅᕐᐰᑦ ᑐᒃᓯᐊᕐᓂᖓᓗ ᑐᓴᕐᓗᒍ ᐅᑎᕐᑎᑉᐹᓗ ᔨᕉᓴᓕᒧᑦ ᐊᖓᔪᖅᑲᐅᕕᖓᓄᑦ. ᒫᓇᓯᓗ ᖃᐅᔨᕗᖅ ᐊᑕᓂᖅ ᒎᑎᐅᖕᒪᑦ.
ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ
ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ; ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.
ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.
ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.
ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.
ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.
