25 ᑕᕐᓂᕗᑦ ᐅᑯᖓᕗᑦ ᓄᓇᒧᑦ; ᑎᒥᕗᓪᓗ ᑐᓐᖓᕗᑦ ᒪᓂᖅᑲᒧᑦ.
ᓱᖕᒪᑦ ᑮᓁᑦ ᐅᕙᓐᓄᑦ ᐃᔨᕐᓯᒪᕕᐅᒃ? ᓱᖕᒪᓪᓗ ᐊᑭᕋᕐᑎᑐᑦ ᐱᓇᓱᐊᕐᕕᒋᕕᖓ?
ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ? ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?
ᑕᕐᓂᕋ ᐅᕐᕈᖓᕗᖅ ᓴᓂᕐᓂ; ᒪᑭᑎᒃᑲᓐᓂᓚᐅᓐᖓ ᐅᖃᐅᓯᕐᑎᑦ ᒪᓕᒡᓗᒋᑦ.
ᐋᓐᓂᐊᑖᕐᓯᒪᕗᖓ ᑐᖁᑐᐃᓐᓇᕆᐊᖃᓕᕐᓗᖓ ᐃᓅᓱᒃᑑᓪᓗᖓ ᓱᓕ, ᑲᑉᐱᐊᓇᕐᑐᒦᑎᑦᓯᓃᑦ ᐃᓗᖏᕐᑐᕈᑎᒋᕙᕋ; ᐃᑲᔪᕐᑎᒃᓴᖃᕐᓇᖓᓗ.
ᐃᓕᑦᓯᓐᓂᒡᓗ ᐋᓐᓂᐊᑎᑦᓯᔪᓄᑦ ᐃᓕᖔᕐᓂᐊᓕᕐᐸᕋ, ᑍᒃᑯᐊ ᐃᓕᑦᓯᓐᓄᑦ ᐅᖃᕐᒪᑕ, ‘ᐅᕐᕈᖓᓚᐅᕆᑦᓯ ᖄᑦᓯᒍᑦ ᐱᓱᖕᓂᐊᕋᑦᑕ.’ ᑐᓄᓯᓗ ᓄᓇᑐᑦ ᑍᒤᑎᓚᐅᕐᐸᓯ, ᐊᖅᑯᑎᑎᑐᑦ ᐱᓱᒃᕕᐅᖃᑦᑕᕐᓗᑎᒃ.”
ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᑐᑦ ᐱᕐᓕᕋᕐᓗᑎᒃ ᓇᓂᑐᐃᓐᓈᓕᕐᐳᑦ, ᐊᔪᕐᓴᖏᑦᑐᕐᔪᐊᓂᓗ ᐱᕈᕐᓴᓚᐅᕐᑐᑦ ᐊᒃᑕᑯᕐᓂᐊᕐᑎᑐᐃᓐᓇᐅᓕᕐᐳᑦ ᓂᕆᔭᒃᓴᕐᓯᐅᕐᓗᑎᒃ.
