22 ᑐᐊᕕᕐᓗᑎᑦ ᐱᐅᓕᓐᖓ, ᐊᑕᓃᖅ, ᐱᐅᓕᔨᒐ!
ᖁᕕᐊᓱᓚᐅᕆᑦ, ᐅᕙᓐᓂᒃ ᐱᐅᓕᕐᓯᔪᒪᓂᕐᒧᑦ; ᐊᑕᓃᖅ, ᑐᐊᕕᓚᐅᕆᑦ ᐃᑲᔪᕐᓗᖓ!
ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᒎᑏ, ᐅᖓᓯᖕᓂᐊᕐᓇᒃ ᐅᕙᓐᓂᑦ; ᒎᑎᒐ, ᑐᐊᕕᕐᓗᑎᑦ ᐃᑲᔪᕆᐊᓚᐅᓐᖓ!
ᐅᕙᖓᓕ ᐊᒃᓗᕗᖓ ᐊᔪᕐᓴᕐᓗᖓᓗ; ᒎᑏ, ᑐᐊᕕᕐᓗᑎᑦ ᐅᕙᓐᓄᑦ ᕾᓚᐅᕆ! ᐃᑲᔪᕐᑎᒋᒐᒃᑭᑦ ᓴᐳᑦᔨᔨᒋᓪᓗᑎᓪᓗ; ᐊᑕᓃᖅ, ᐃᑲᔪᕐᓇᓵᕐᑍᓕᓐᖓ!
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ; ᑕᕝᕙᓐᖓᑦ ᐊᐅᓚᑎᑕᐅᓂᐊᓐᖏᓚᖓ.
ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.
ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ; ᕾᓵᓚᐅᕆᑦ ᐅᕙᓐᓄᑦ! ᓂᐱᒐ ᑐᓴᓚᐅᕈᒃ, ᑐᒃᓯᐊᕐᕕᒋᓕᑐᐊᕈᒃᑭᑦ.
ᒎᑏ, ᑐᐊᕕᕐᓗᑎᑦ ᓴᐳᑎᓚᐅᓐᖓ! ᐊᑕᓃᖅ, ᑐᐊᕕᕐᓗᑎ ᐃᑲᔪᓚᐅᓐᖓ!
ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.
ᐃᒻᒧᒃᓯᐅᒊᑦ ᐊᖑᓴᓪᓗᖏᑕ ᐊᕙᓗᓯᒪᕚᖓ; ᐊᖑᓴᓪᓗᐃᑦ ᓴᓐᖏᔪᑦ ᐹᓴᓂᒥᐅᑦ ᐊᕙᑎᓐᓃᑉᐳᑦ.
