31 ᒎᑎᖓᑕ ᐱᖁᔭᖏᑦ ᐆᒻᒪᑎᖓᓃᒻᒪᑕ; ᐱᓱᒡᓗᓂ ᐊᓪᓗᕐᓂᖏᑦ ᖁᐂᔭᕿᓐᓂᐊᓐᖏᓚᑦ.
ᑐᒥᖏᑦ ᐊᑐᑦᓯᐊᕐᓗᒋᑦ ᒪᓕᒃᓯᒪᒐᒃᑭᑦ, ᐊᑐᕐᑕᐅᖁᔭᖓᑕᓗ ᐊᓯᐊᓄᑦ ᓴᖑᓚᐅᕐᓇᖓ.
ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.
ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.
ᐱᖁᔭᕕᑦ ᓯᓚᑐᓂᕐᓴᐅᑎᑉᐹᖓ ᐊᑭᕋᕐᑐᕐᑎᒋᔭᓐᓂᑦ, ᑖᒃᑯᐊᓗ ᐱᓯᒤᓐᓇᕐᓂᐊᕐᐸᒃᑲ.
ᑖᑦᓱᒪ ᐃᑎᒐᑎᑦ ᖁᐂᔭᕿᑎᓐᓂᐊᓐᖏᓔᑦ, ᑖᓐᓇᓗ ᓴᐳᑦᔨᔩᑦ ᓇᔭᖓᕐᓂᐊᓐᖏᓚᖅ.
ᐱᓱᒃᓗᖓ ᑍᒪᓐᖓᑦ ᐊᖅᑯᑎᖕᓃᑎᓚᐅᓐᖓ, ᐊᓪᓗᕐᓂᒃᑲ ᐅᓂᐅᕐᓯᖁᓇᒋᑦ.
ᐊᖑᑎᐅᑉ ᐃᓱᐊᕐᑑᑉ ᐊᓪᓗᕐᓂᖏᑦ ᐊᑕᓂᐅᑉ ᐋᖅᑭᒃᓯᒪᕔᑦ, ᐊᖅᑯᑎᓂᓗ ᖁᕕᐊᒋᕚ.
ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.
ᐅᖃᐅᓯᖃᓚᐅᕐᐳᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓱᐊᕐᑑᓂᕐᓂᒃ ᐃᓄᒋᐊᒃᑐᕐᔪᐊᑦ ᑲᑎᒪᕕᖓᓂ; ᐃᓛᒃ, ᓂᓪᓕᐊᑦᑍᓕᓚᐅᓐᖏᓚᖓ, ᐊᑕᓃᖅ, ᐃᕝᕕᑦ ᖃᐅᔨᒪᕗᑎᑦ.
ᐆᒻᒪᑎᕗᑦ ᐅᑎᕆᐊᕐᓯᒪᓐᖏᓚᑦ, ᐃᑎᒐᕗᓪᓘᓐᓃᑦ ᐊᖅᑯᑎᖕᓂᒃ ᕿᒤᓯᒪᓐᖏᓚᑦ;
ᐅᕙᖓᓕ, ᐃᑎᒐᒃᑲ ᐹᓪᓚᑲᓴᓚᐅᕐᐳᑦ; ᐊᓪᓗᕐᓂᒃᑲᓗ ᖁᐂᔭᕿᑲᓴᓚᐅᕐᐳᑦ.
ᓯᓔᑦᑐᖅ ᐅᖃᐅᓯᐅᔪᓕᒫᓂᒃ ᐅᒃᐱᕈᓱᒃᐳᖅ, ᓯᕗᓂᒃᓴᕐᓯᐅᕐᑑᓪᓕ ᐊᖅᑯᑎᒋᔭᓂ ᐅᑦᔨᕐᑐᕐᐰᑦ.
ᐊᔪᕆᕐᑐᐊᕆᓪᓗᓂᖓ ᐅᖃᐅᑦᔪᕐᐸᓚᐅᕐᐹᖓ, “ᐅᖃᐅᓯᕆᔭᒃᑲ ᐆᒻᒪᑎᖕᓂ ᐱᓯᒪᑦᓯᐊᒃᑭᑦ, ᐱᖁᔭᒃᑲ ᐱᓯᒪᑦᓯᐊᕈᕕᒋᑦ ᑕᕝᕙ ᐃᓅᓂᐊᕐᐳᑎᑦ.
ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.
ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.
ᐃᐳᑎᑖᕐᐸᒡᓗᑎᒡᓗ ᓯᑎᔪᔭᓂᒃ ᐆᒃᓂᒃ ᓇᐹᕐᑐᓂᒃ ᐹᓴᓂᒥᑦ ᐱᔪᓂᒃ, ᐅᒥᐊᒥᒡᓗ ᓇᑎᓕᐅᕐᐸᒡᓗᑎᒃ ᕿᔪᑦᓯᐊᓂᒃ ᓮᐸᕋᓯᒥᑦ ᐱᔪᓂᒃ, ᑕᑯᒥᓇᐅᑎᖃᕐᓗᒍ ᑑᒑᓂᒃ.
ᐱᖁᔧᓪᓗ ᐃᓕᑦᓯᓐᓄᑦ ᑐᓂᔭᒃᑲ ᐅᓪᓗᒥ ᐳᐃᒍᕐᑕᒃᓴᕆᓐᖏᓚᓯ.
ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.
