29 ᐃᓱᐊᕐᑐᓪᓕ ᓄᓇ ᑭᖑᕐᖑᑎᔪᒫᕐᐹᑦ, ᐃᓂᒋᓗᒍᓗ ᐃᓱᖃᖏᑦᑐᒧᑦ.
ᑖᑦᓱᒪ ᑕᕐᓂᖓ ᐊᔪᕐᓴᕐᓇᖏᑦᑐᒥ ᐃᓂᖃᕐᓂᐊᕐᐳᖅ; ᑭᖑᕚᖏᑕᓗ ᓄᓇ ᐱᒋᔪᒫᕐᐹᑦ.
ᒥᑭᓕᑎᕐᓯᒪᔪᑦ ᓄᓇ ᑭᖑᕐᖑᑎᔪᒫᕐᐹᑦ, ᖁᕕᐊᓱᒍᒫᕐᓗᑎᒡᓗ ᓮᒪᓇᕐᑐᒥᒃ ᐊᖏᔪᒥᒃ.
ᐊᑕᓂᐅᑉ ᐃᓱᐊᕐᑐᑦ ᐅᓪᓗᖏᑦ ᖃᐅᔨᒪᕔᑦ, ᑭᖑᕐᖑᑎᔭᖏᓪᓗ ᓄᖑᔪᒫᓐᖏᓚᑦ ᐃᓱᖃᖏᑦᑐᒧᑦ.
ᐱᐅᖏᑦᑐᓕᓂᖅ ᑐᓄᓕᕈᒃ, ᐱᐅᔪᒥᒡᓗ ᐱᓇᓱᐊᓕᕐᓗᑎᑦ; ᐃᓱᖃᖏᑦᑐᒧᑦ ᑕᕝᕙ ᐃᓅᓂᐊᕐᐳᑎᑦ.
ᐱᐅᖏᑦᑐᓕᓂᕐᒥᒃ ᐱᓂᐊᕐᓂᖃᕐᑐᑦ ᐊᕕᑕᐅᔪᒫᕐᒪᑕ; ᐊᑕᓂᕐᒥᒡᓕ ᐅᑕᖅᑭᔪᑦ, ᓄᓇᒥᒃ ᑭᖑᕐᖑᑦᔨᔪᒫᕐᐳᑦ.
ᐱᐅᔪᒥ ᑲᔪᓯᔪᑦ ᓄᓇᒥ ᓄᓇᖃᕐᓂᐊᕐᐳᑦ, ᓱᓕᔪᕐᓇᑦᓯᐊᕐᑐᓪᓗ ᓄᓇᕾᓐᓇᕐᓂᐊᕐᐳᑦ ᑕᕝᕙᓂ.
ᐃᑲᔪᕐᑎᒃᓴᕐᓯᐅᕐᓗᓯ ᓂᓪᓕᐊᒍᑦᓯ ᒎᑎᓐᖑᐊᑦᓯᓐᓄᑦ ᐱᐅᓕᔭᐅᓂᐊᓕᕐᐳᓯ, ᐊᓄᕆᒧᑦ ᑎᒃᑕᐅᕋᕈᒫᕐᐳᑦ, ᐊᓂᕐᓵᕐᓂᑐᐃᓐᓇᕐᒧᑦ ᑎᒃᑕᐅᔭᕇᕈᒫᕐᐳᑦ, ᐅᕙᓐᓂᒡᓕ ᑕᑎᖃᕐᑑᑉ ᓄᓇ ᐱᒋᔪᒫᕐᐹ, ᖃᖅᑲᖁᑎᒐᓗ ᐃᑦᔪᕐᓁᑦᑐᖅ ᓇᖕᒥᓂᕆᓕᕐᓗᓂᐅᒃ.”
ᐃᓄᖁᑎᓕᒫᓯ ᓇᓛᒎᑦᓯᐊᓕᕈᒫᕐᒪᑕ; ᓄᓇᓗ ᐱᒋᓕᕐᓗᒍ ᐃᓱᖃᖏᑦᑐᒧᑦ, ᐱᕈᕐᓯᐊᒃᓴᓐᖑᕐᑎᓚᐅᕋᒃᑭᑦ ᐱᕈᕐᓰᕕᓐᓂ ᐊᒡᒐᓐᓄᑦ ᐋᖅᑭᒃᓱᕐᓗᒋᑦ, ᐱᓐᓇᕐᓇᕐᑎᑕᐅᖁᓪᓗᖓ ᑖᒃᑯᑎᒎᓇᖅ.
ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”
ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”
ᐅᕙᒍᓪᓕ ᓂᕆᐅᒃᐳᒍᑦ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ ᐃᓗᐊᕐᑐᓕᔪᓄᑦ ᐃᓂᒋᔭᐅᔪᒫᕐᑐᒥᒃ.
ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.
