17 ᐱᐅᖏᑦᑐᓕᔪᑦ ᑕᓕᖏᑦ ᓇᑲᑕᐅᔪᒫᕐᐳᑦ, ᐊᑕᓂᐅᓪᓕ ᓴᐳᑎᓂᐊᕐᐰᑦ ᐃᓱᐊᕐᑐᑦ.
ᐅᓪᓘᑉ ᖃᐅᒪᓂᖓ ᖃᐅᒪᓗᐊᕐᒪᑦ ᐱᐅᖏᑦᑐᓕᔪᓄᑦ, ᖁᒻᒧᓪᓗ ᑕᓕᕐᒥᖕᓂᒃ ᐃᓴᐅᑦᔨᔪᑦ ᑕᓕᖏᑦ ᓯᖁᒥᑕᐅᓪᓗᑎᒃ.
ᐱᐅᖏᑦᑐᓕᔫᑉ ᑕᓕᖓ ᐊᔪᕐᑐᓕᔫᓪᓗ ᑕᓕᖓ ᓇᐱᓚᐅᒃᑭᒃ; ᐱᐅᖏᑦᑐᓕᓂᖏᓪᓗ ᓴᖅᑭᑎᓚᐅᒃᑭᑦ ᐃᔨᕐᓯᒪᔪᖃᕈᓐᓃᕐᓗᑎᒃ.
ᐊᑕᓂᐅᑉ ᐹᓪᓚᒃᑐᓕᒫᑦ ᓇᔪᒻᒥᕔᑦ, ᒥᑭᒡᓕᑎᕐᑐᓕᒫᓪᓗ ᒪᑭᑎᑉᐰᑦ.
ᐹᓪᓚᒃᑲᓗᐊᕈᓂ, ᐃᒋᑕᐅᑦᓯᐊᒻᒪᕆᖕᓂᐊᓐᖏᓚᖅ, ᐊᑕᓂᐅᑉ ᐊᒡᒐᒥᓄᑦ ᒪᑭᑕᑎᒻᒪᒍ.
ᐅᕙᖓᓕ ᓇᔪᒻᒥᕙᕐᒪ ᐱᓇᓱᐊᑦᓯᐊᕐᓂᕋ ᐱᓪᓗᒍ, ᓇᔪᒐᕐᓂᓗ ᐃᓂᖃᕐᑎᑉᐸᕐᒪ ᐃᓱᖃᖏᑦᑐᒧᑦ.
ᐱᐅᓕᒃᓯᓂᕐᐱᑦ ᖁᕕᐊᓇᕐᓂᖓ ᐅᑎᕐᑎᓚᐅᕈᒃ ᐅᕙᓐᓄᑦ, ᑐᓂᓯᕕᒋᓗᖓᓗ ᐊᓂᕐᓂᕐᒥᒃ ᓈᓚᑦᓯᐊᕈᓐᓇᕐᑐᒥᒃ.
ᑕᕐᓂᕐᒪ ᑎᒍᒥᐊᕐᐹᑎᑦ ᐊᑕᕕᒋᓪᓗᑎᑦ; ᐊᒡᒐᒃᐱᓪᓗ ᑕᓕᕐᐱᒃᐱᑦ ᒪᑭᑕᑎᑉᐹᖓ.
ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.
“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.
ᒧᐊᐱᒥᐅᑦ ᓇᒡᔪᐃᕐᑕᐅᖕᒪᑕ, ᑕᓖᕐᑕᐅᓪᓗᑎᒡᓗ, ᐊᑕᓂᖅ ᐅᖃᕐᐳᖅ.”
ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;
ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐱᔪᓐᓇᕐᓃᑦ ᓇᑲᑦᓱᒫᕐᐸᕋ ᓯᕗᓕᕕᓪᓗ ᐃᒡᓗᖓᑕ ᐱᔪᓐᓇᕐᓂᖏᑦ, ᐃᓚᖕᓂ ᐃᓄᑐᖃᕐᑕᖃᓛᕈᓐᓃᕐᐳᖅ.