ᐃᓐᖏᕈᑎᑦ 37:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓴᕕᒡᔪᐊᖏᓪᓕ ᐆᒻᒪᑎᒥᖕᓄᑦ ᓇᖕᒥᓂᖅ ᑲᑉᐳᑎᔪᒫᕐᐳᑦ, ᐱᑎᒃᓯᖏᓪᓗ ᓇᑲᑦᓱᒫᕐᐳᑦ.

ᐃᓐᖏᕈᑎᑦ 37:15 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᐃᔅᑕᐅᑉ ᐊᒡᓚᖏᑦ 9:16

ᑕᕝᕙ ᔫᑎᑦ ᑖᒃᑯᐊ ᐊᓯᖏᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᑲᑎᓚᐅᕆᕗᑦ ᐃᒻᒥᖕᓂᒃ ᓴᐳᓐᓂᐊᕐᓗᑎᒃ, ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᐳᑦ, ᑐᖁᑦᓯᓪᓗᑎᒃ 75,000ᓂᒃ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᑦ.

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᐃᓐᖏᕈᑎᑦ 34:22

ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.

ᐃᓐᖏᕈᑎᑦ 35:8

ᐊᓯᕈᕐᑕᐅᓇᕐᑐᒧᑦ ᓂᕆᐅᓇᖏᑦᑐᒧᑦ ᑎᑭᑕᐅᓕᑦ, ᓄᓗᐊᓄᓪᓗ ᐃᔨᕐᑐᐊᒥᓄᑦ ᓇᖕᒥᓂᖅ ᐱᔭᕆᓕᕐᓕᑦ; ᐊᓯᕈᕐᓇᕐᑐᒧᑦ ᑍᑯᖓᓪᓗᐊᖅ ᑲᑕᓕᕐᓕᑦ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 46:9

ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ; ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ. ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 37:38

ᑐᒃᓯᐊᕐᑎᓪᓗᒍᓕ ᑐᒃᓯᐊᕐᕕᖕᒥᓂ ᒎᑎᒥᓄᑦ ᓂᓱᕌᒃᒧᑦ, ᐃᕐᓂᖏᒃᑕ ᒪᕐᕉᒃ ᐋᑕᕋᒥᓕᑭᐅᑉ ᓴᕆᔨᕆᐅᓪᓗ, ᓴᕕᒡᔪᐊᒥᖕᓄᑦ ᑲᐱᓪᓗᒍ ᑐᖁᑉᐹᒃ, ᕿᒫᓪᓗᑎᒡᓗ ᓄᓇᒧᑦ ᐊᕋᕌᑦᒧᑦ, ᐃᕐᓂᕆᖕᒥᔭᖓᓗ ᐃᓴᕼᐊᑕᓂ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑭᖑᕝᕕᐅᑎᓪᓗᓂ.

ᔨᕆᒤᐊᐅᑉ ᐊᒡᓚᖏᑦ 51:56

ᐹᐱᓘᓂᒥᐅᑦ ᑎᑭᑕᐅᓂᐊᕐᒪᑕ ᐊᓯᕈᐃᔨᒧᑦ ᐅᓇᑕᕐᑎᖁᑎᖏᑦ ᑎᒍᔭᐅᓂᐊᕐᐳᑦ, ᐱᑎᒃᓯᖏᓪᓗ ᓱᕋᒃᑎᕐᑕᐅᓗᑎᒃ. ᒎᑎ ᐊᑕᓂᖅ ᐊᑭᓂᐊᕐᑎᐅᖕᒪᑦ, ᐊᑭᓂᐊᕈᒫᕐᐰᑦ ᖁᓚᕐᓇᖏᑦᑐᒥᒃ.

ᕼᐆᓯᐊᑉ ᐊᒡᓚᖏᑦ 1:5

ᔨᔭᕆᐅᓪᓗ ᓇᕐᓴᖓᓂ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ, ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᖏᑕ ᐱᑎᒃᓯᖏᑦ ᓇᐱᔪᒫᕐᐸᒃᑲ.”

ᕼᐆᓯᐊᑉ ᐊᒡᓚᖏᑦ 2:18

“ᑕᕝᕙᓂᓗ ᐊᖏᖃᑎᒌᖕᓂᖃᕐᑎᑦᓯᔪᒫᕐᐳᖓ ᐃᓕᑦᓯᓐᓂᒃ ᐃᕐᓯᓇᕐᑐᑦ ᐆᒪᔪᓕᒫᑦ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ, ᓄᓇᒥᓗ ᐹᕐᖑᕐᐸᒃᑐᑦ ᐃᓚᒋᓗᒋᑦ; ᐅᓇᑕᐅᑏᓪᓗ ᐲᕐᑎᑦᓱᒫᕐᐸᒃᑲ ᓄᓇᒥᑦ, ᐱᑎᒃᓰᑦ, ᓴᕕᒡᔪᐊᓪᓗ, ᐃᓱᒫᓗᓇᖏᑦᑐᒥ ᑲᑉᐱᐊᓇᖏᑦᑐᒥᓗ ᐃᓂᖃᖁᓪᓗᒋᑦ.

ᒤᑲᐅᑉ ᐊᒡᓚᖏᑦ 5:6

ᑖᒃᑯᐊ ᐊᓯᕈᐃᔪᒫᕐᐳᑦ ᓴᕕᒡᔪᐊᒧᑦ ᐊᓯᕆᐊᒥᐅᑦ ᓄᓇᖓᓂᒃ, ᓂᒻᒪᕌᑎᐅᑉ ᓄᓇᖁᑎᖓᑕ ᐃᑎᕐᑕᕐᕕᖏᓐᓂᒃ, ᑖᑦᓱᒪ ᓴᐳᑎᔪᒫᕐᐹᑎᒍᑦ ᐊᓯᕆᐊᒥᐅᓂᑦ, ᑖᓐᓇ ᑎᑭᑉᐸᑦ ᓄᓇᑦᑎᓐᓄᑦ ᐊᐅᓚᑦᓯᓕᕈᒫᕐᐳᖅ ᓄᓇᖁᑎᑦᑎᓐᓂᒃ.

ᓴᒧᐃᓕ ᓯᕗᓪᓖᑦ 2:4

ᐱᔪᓐᓇᕐᑐᕐᔪᐊᑦ ᐅᓇᑕᕐᑏᑦ ᖃᕐᔪᖏᑦ ᓯᖁᒥᑉᐳᑦ, ᓴᓐᖐᑦᑐᓪᓕ ᓴᓐᖏᒃᑎᑉᐳᑦ.

ᓴᒧᐃᓕ ᓯᕗᓪᓖᑦ 31:4

ᐅᕕᒃᑲᒧᑦ ᐅᖃᕐᐳᖅ ᓱᒋᐅᑎᖏᓐᓂᒃ ᐊᒃᔭᕐᓯᔨᒧᑦ, “ᓴᕕᒡᔪᐊᑦ ᑎᒍᓗᒍ ᑐᖁᓚᐅᓐᖓ, ᒎᑎᖃᖏᑦᑐᑦ ᐱᓕᔅᑍᓂᒥᐅᑦ ᑐᖁᑦᓯᖁᓇᒋᑦ ᐅᕙᓐᓂᒃ ᐱᔪᕆᑦᔪᑕᐅᖁᓇᖓᓗ.” ᐅᕕᒃᑲᕐᓕ ᑍᒤᓕᐅᕈᒪᓚᐅᓐᖏᓚᖅ ᑲᑉᐱᐊᓱᓗᐊᓚᐅᕋᒥ. ᑍᒤᒻᒪᑦ ᓴᐅᓕᐅᑉ ᓴᕕᒡᔪᐊᓂ ᓇᑉᐸᕐᓗᓂᐅᒃ ᒪᓂᖅᑲᒧᑦ ᐃᒻᒥᓂᒃ ᐅᕐᕈᕕᒋᕚ ᑲᐱᓪᓗᓂ.