1 ᐊᔪᕐᑐᓕᔪᑦ ᐃᓱᒫᓘᑎᒋᓂᐊᕐᓇᒋᑦ, ᑐᓱᒋᓂᐊᕐᓇᒋᓪᓗ ᐱᐅᖏᑦᑐᒥᒃ ᐱᓇᓱᐊᕐᐸᒃᑐᑦ.
ᐃᓄᐃᑦ ᖃᓄᐃᑦᔪᑎᖃᖏᑦᑐᑦ ᑕᒪᑐᒥᖓ ᖁᐊᕐᓵᕈᑎᖃᕐᐳᑦ, ᐸᓯᔭᒃᓴᐅᖏᑦᑐᕐᓗ ᓵᓐᖓᓯᔭᕆᐊᖃᓕᕐᐳᖅ ᒎᑎᖃᖏᑦᑐᓂᒃ.
ᐊᑕᓂᕐᒥ ᐃᓂᓪᓚᖓᓕᕆᑦ, ᕿᓄᐃᓵᕐᓗᑎᓪᓗ ᐅᑕᖅᑭᑦᓯᐊᕆᑦ ᑖᑦᓱᒥᖓ; ᐱᓂᐊᕐᓗᖕᓂᕐᒥᖕᓂᒃ ᑲᔪᓯᑎᑦᓯᔪᑦ ᐃᓱᒫᓗᓕᕈᑎᒋᑦᑍᓕᒃᑭᑦ ᐅᕝᕙᓗ ᐱᐅᖏᑦᑐᒥᒃ ᐱᓇᓱᐊᕐᑐᑦ ᑲᔪᓯᓂᕆᔭᖏᑦ.
ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.
ᓯᓔᑦᑑᓂᕐᒧᑦ ᐃᓄᒃ ᐃᓅᓯᕐᒥᓂᒃ ᓱᒃᑯᐃᔪᓐᓇᕐᐳᖅ, ᐸᓯᒃᓯᕈᑎᒋᓕᕐᓗᓂᐅᒡᓗ ᐊᑕᓂᕐᒥᒃ.
ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.
ᐱᐅᖏᑦᑐᒥᒃ ᐱᐅᓯᓖᑦ ᑐᓱᒋᓂᐊᕐᓇᒋᑦ, ᐃᓚᒋᔪᒪᓂᐊᕐᓇᒋᓪᓘᓐᓃᑦ;
ᑲᑉᐱᐊᓱᖕᓂᐊᕐᓇᒃ ᐱᐅᖏᑦᑐᓕᔪᓂᒃ, ᐊᔪᕐᑐᓕᔪᓪᓗ ᑐᓱᒋᓂᐊᕐᓇᒋᑦ;
ᐃᓄᒃ ᑲᑉᐱᐊᓱᒃᑎᑦᓯᕙᒃᑐᖅ ᑐᓱᒋᓕᕐᑍᓕᒍᒃ ᐱᓂᐊᕐᓂᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑐᕐᑍᓕᒋᑦ.
ᐊᔪᕐᑐᓕᔪᓪᓕ ᐱᐅᔪᒥᒃ ᑐᕌᒐᖃᓐᖏᓚᑦ, ᒎᑎᒥᒃ ᓯᕘᕋᖏᒻᒪᑕ, ᐅᓪᓗᖏᑦ ᑕᑭᔫᔪᒫᓐᖏᓚᑦ ᑕᕐᕋᑐᑦ ᑕᑭᔫᔪᑐᑦ.
ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.
