ᐃᓐᖏᕈᑎᑦ 36:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ, ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.

ᐃᓐᖏᕈᑎᑦ 36:8 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 20:17

ᑰᖕᓂᒃ ᑕᑯᔪᓐᓇᕐᓯᓂᐊᓐᖏᓚᖅ, ᖄᒥᑉᐸᓪᓕᐊᔪᒥᒃ ᑰᒐᓛᓂᒃ, ᕼᐊᓂᓂᒃ ᐃᒻᒧᖕᓂᒡᓗ.

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 17:8

ᓴᐳᑎᓯᒪᓚᐅᓐᖓ ᓲᕐᓗ ᐃᔨᕕᑦ ᑕᑯᓐᓇᑎᖓᑐᑦ ᐱᓐᓇᕆᔭᕐᑐᑦ; ᐃᔨᕐᓯᒪᑎᓪᓗᖓ ᐃᓴᕈᕐᐱᑦ ᑕᕐᕋᓕᓂᖏᑕ ᐊᑖᓂ,

ᐃᓐᖏᕈᑎᑦ 31:20

ᐃᕝᕕᑦ ᓇᔪᒐᕐᓂ ᖃᐅᔨᒪᔭᐅᖏᑦᑐᒥ ᐃᔨᕐᓯᒪᓂᐊᕐᐸᑎᑦ ᐃᓄᐃᑦ ᑐᖁᑦᓯᔪᒪᒧᑦ ᐃᓱᒪᓕᐅᖃᑎᒌᖕᓂᖏᓐᓂᑦ; ᐃᒡᓗᖕᓂ ᓴᐳᑎᓯᒪᓂᐊᕐᐸᑎᑦ ᖃᐅᔨᒪᔭᐅᖏᑦᑐᒥ ᐅᖃᕐᓂᑦ ᐸᓯᒃᓯᕐᑐᓂᑦ.

ᐃᓐᖏᕈᑎᑦ 46:4

ᑰᒃᑕᖃᕐᐳᖅ, ᑰᒐᓛᖏᑦ ᖁᕕᐊᓱᒃᑎᑦᓯᔪᓂᒃ ᒎᑎᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᐃᑦᔪᕐᓁᑦᑐᕕᒃ ᑐᐱᕐᔪᐊᖅ ᖁᑦᓯᖕᓂᕐᐹᑉ ᐃᓂᖓ,

ᐃᓐᖏᕈᑎᑦ 63:5

ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ.

ᐃᓐᖏᕈᑎᑦ 65:4

ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᓂᕈᐊᕐᑍᑦ, ᐊᐅᓚᑦᓯᓂᕐᓄᓪᓗ ᐃᓕᔧᑦ, ᐃᓂᖃᖁᓪᓗᒍ ᐃᒡᓗᕕᑦ ᑐᕐᓲᖓᓂ. ᑕᕝᕙ ᓈᒻᒪᒃᓯᔪᒫᕐᐳᒍᑦ ᐃᒡᓗᕕᑦ ᐱᐅᔪᐊᓘᓂᖓᓄᑦ, ᑐᒃᓯᐊᕐᕕᒡᔪᐊᒥ ᐃᑦᔪᕐᓁᑦᑐᖁᑎᖕᓂ!

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 43:20

ᐆᒪᔪᓄᑦ ᓄᔪᐊᕐᑐᓄᑦ ᐅᐱᒋᔭᐅᔪᒫᕐᐳᖓ, ᑎᕆᒐᓂᐊᖓᔪᓄᑦ ᔮᑯᓄᑦ ᑎᖕᒥᐊᕐᔪᐊᓄᓪᓗ ᐋᔅᑐᕆᑦᓯᓄᑦ; ᐃᒪᕐᑖᕐᑎᑦᓯᔪᒫᕋᒪ ᓄᓇᒥ ᐃᓄᖃᖏᑦᑐᒥ, ᑰᓕᐅᕐᓗᖓᓗ ᓯᐅᕅᓐᓇᕐᒥ, ᐃᓄᖁᑎᓐᓄᑦ ᓂᕈᐊᕐᓯᒪᔭᓐᓄᑦ ᐃᒥᕆᔭᐅᔪᒫᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 48:21

ᐃᒥᕈᓕᓚᐅᓐᖏᓚᑦ ᑖᑦᓱᒪ ᑕᓯᐅᕐᒪᒋᑦ ᓱᓇᖃᔪᐃᑦᑐᒃᑯᑦ ᐃᖏᕐᕋᑎᓪᓗᒋᑦ; ᕾᕐᑐᒥᓪᓗ ᑰᒃᑎᑦᓯᓪᓗᓂ ᐃᒪᕐᑖᕐᑎᓚᐅᕐᐰᑦ; ᕾᕐᑐᖅ ᖁᐱᖕᒪᒍ ᐃᒪᖅ ᑰᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:11

ᐊᑕᓂᐅᑉ ᑕᕝᕙ ᑕᓯᐅᖏᓐᓇᕐᓂᐊᕐᐹᓯ, ᑕᕐᓂᑦᓯᓗ ᑭᓐᖒᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ, ᓴᐅᓂᓯ ᓴᓐᖏᔫᓕᕐᑎᓪᓗᒋᑦ; ᐃᒪᖃᕐᑎᑕᐅᔪᑎᑐᑦ ᐱᕈᕐᓰᕕᒃᑐᑦ ᑍᒤᓐᓂᐊᕐᐳᓯ, ᓄᓇᐅᓪᓗ ᐃᓗᐊᓂᑦ ᑰᒃᕕᐅᔪᑎᑐᑦ, ᐃᒤᕈᓚᐅᕐᓯᒪᖏᑦᑐᑎᑐᑦ ᑍᒤᓪᓗᓯ.

ᓴᑲᕅᐊᐅᑉ ᐊᒡᓚᖏᑦ 9:17

ᑖᒃᑯᐊ ᐱᐅᔪᒻᒪᕆᐊᓘᔪᒫᕐᐳᑦ ᑕᑯᒥᓇᕐᑐᒻᒪᕆᐊᓘᓗᑎᒡᓗ! ᓂᐊᖂᔭᓮᑦ ᐃᓅᓱᒃᑐᓂᒃ ᐊᖑᑎᓂᒃ ᖁᕕᐊᓱᒃᑎᑦᓯᔪᒫᕐᐳᑦ, ᕔᓂᓗ ᓄᑖᖅ ᐊᕐᓇᓂᒃ ᐃᓅᓱᒃᑐᓂᒃ ᖁᕕᐊᓱᒃᑎᑦᓯᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:6

ᓮᒪᓇᕐᑐᒦᑉᐳᑦ ᑳᒃᑐᑦ ᐃᒥᕈᒃᑐᓪᓗ ᓇᓛᒎᕐᓂᕐᒥᒃ; ᒎᑎᐅᑉ ᓈᒻᒪᒃᓯᑎᓐᓂᐊᕐᒪᒋᑦ ᐱᔪᒪᔭᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 7:37

ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.