ᐃᓐᖏᕈᑎᑦ 36:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑏ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᓐᓂᕐᓇᕐᑐᐊᓘᕗᖅ! ᑍᒤᒻᒪᑦ ᐃᓄᐃᑦ ᕿᑐᕐᖓᖏᑦ ᐃᓴᕈᕐᐱᑦ ᑕᕐᕋᓕᓂᖓᑕ ᐊᑖᓂᒃ ᑕᑎᖃᕐᐳᑦ.

ᐃᓐᖏᕈᑎᑦ 36:7 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᐃᓐᖏᕈᑎᑦ 139:17

ᒎᑏ, ᐃᓱᒪᑎᑦ ᐅᕙᓐᓄᑦ ᐱᐅᔪᕐᔪᐊᕌᓘᕗᑦ! ᑲᑎᓐᓇᓱᒋᐊᖏᑦ ᐅᓄᕐᑐᕐᔪᐊᕌᓘᕗᑦ!

ᐃᓐᖏᕈᑎᑦ 17:8

ᓴᐳᑎᓯᒪᓚᐅᓐᖓ ᓲᕐᓗ ᐃᔨᕕᑦ ᑕᑯᓐᓇᑎᖓᑐᑦ ᐱᓐᓇᕆᔭᕐᑐᑦ; ᐃᔨᕐᓯᒪᑎᓪᓗᖓ ᐃᓴᕈᕐᐱᑦ ᑕᕐᕋᓕᓂᖏᑕ ᐊᑖᓂ,

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 57:1

ᓂᑲᒋᓚᐅᓐᖓ ᒎᑏ, ᓂᑲᒋᓚᐅᓐᖓ! ᑕᕐᓂᕐᒪ ᕿᒫᕕᒋᖕᒪᑎᑦ; ᐃᓴᕈᕐᐱᑦ ᑕᕐᕋᓕᓂᖏᒃᑕ ᐊᑖᓂ ᕿᒫᓯᒪᔪᒪᕗᖓ, ᑕᒪᒃᑯᐊ ᖃᓄᐃᓐᓇᕐᑐᑦ ᐊᓂᒍᓚᐅᖏᓐᓂᖏᓐᓂ.

ᐃᓐᖏᕈᑎᑦ 63:7

ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ, ᐃᓴᕈᕐᐱᓪᓗ ᑕᕐᕋᓕᓂᖓᓂ ᖁᕕᐊᓱᒃᓗᖓ ᐃᓐᖏᕐᓂᐊᕐᐳᖓ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐃᓐᖏᕈᑎᑦ 91:4

ᐃᓴᕈᕐᒥᓄᑦ ᐅᓕᒃᓯᒪᓂᐊᕐᐹᑎᑦ, ᐃᓴᕈᖏᒃᑕ ᐊᑖᓂ ᓴᐳᑦᔭᐅᕕᒃᓴᖃᕐᓂᐊᕐᐳᑎᑦ; ᑖᑦᓱᒪ ᓱᖁᓯᔪᐃᑦᑑᓂᖓ ᓴᐴᓗᑕᒃᓴᐅᖕᒪᑦ ᑭᓕᕐᑕᐅᑦᔧᒃᑯᑎᒃᓴᐅᓪᓗᓂᓗ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᓘᑲᓯᐅᑉ ᐊᒡᓚᖏᑦ 13:34

“ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ ᐅᔭᖅᑲᓄᑦ ᒥᓪᓗᕐᑐᑎᑦ ᓇᓚᐅᑦᑍᔪᓂᒃ! ᐅᓄᕐᑐᐃᕐᓱᕐᓗᖓ ᐃᓄᒋᔭᑎᑦ ᐃᕿᑦᓱᒪᑲᑦᑕᓚᐅᕋᓗᐊᕐᐸᒃᑲ ᓲᕐᓗ ᐊᕿᒡᒋᐅᔭᐅᑉ ᕿᑐᕐᖓᓂ ᐃᓴᕈᕐᒥ ᐊᑖᓄᑦ ᑲᑎᑎᑕᖏᑎᑐᑦ, ᑍᒤᑕᐅᔪᒪᓚᐅᓐᖏᓚᓯᓕ!

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 1:4

ᑕᒪᒃᑯᑎᒎᓇᖅ ᑐᓂᓯᕕᒋᓯᒪᖕᒪᑎᒍᑦ ᐱᕕᐊᕐᓇᕐᓂᕐᒥᓂᒃ ᐊᖏᕈᑎᒋᓯᒪᔭᖓᑕᓗ ᐊᖏᔫᓂᖓᓂᒃ, ᑕᒪᒃᑯᐊ ᐊᖅᑯᑎᒋᓗᒋᑦ ᕿᒤᑎᑕᐅᒐᑦᓯ ᐱᐅᖏᑦᑐᐊᓗᖕᓂᒃ ᓯᓚᕐᔪᐊᕐᒦᑦᑐᓂᒃ ᐃᒃᓯᒎᕐᓂᒃᑯᑦ ᓴᖅᑭᑎᑕᐅᔪᓂᑦ, ᐃᓚᖏᐅᑎᑎᑕᐅᖁᓪᓗᓯᓗ ᒎᑎᐅᓂᖓᓂᒃ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᕉᑎᐅᑉ ᐅᓂᒃᑲᐅᓯᓂᖓ 2:12

ᐊᑕᓂᐅᑉ ᐊᑭᓕᕐᓕᑎᑦ ᐱᓇᓱᐊᕐᓂᕆᓯᒪᔭᕐᓄᑦ, ᐱᑦᓯᐊᕐᓂᕆᓯᒪᔧᓪᓗ ᐊᑕᖏᕐᓗᒍ ᐃᓗᐃᑦᑐᒥᒃ ᐊᑭᓕᕐᑕᐅᖁᓪᓗᒍ ᐃᓴᕆᐊᓕᒥᐅᑦ ᐊᑕᓂᖓᓄᑦ ᒎᑎᖓᓄᓪᓗ, ᑖᑦᓱᒧᖓ ᓴᐳᑦᔨᔨᒋᔪᒪᓯᒪᓕᕐᑕᕐᓄᑦ.”