ᐃᓐᖏᕈᑎᑦ 36:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓱᐊᕐᑐᓕᓃᑦ ᐊᑦᔨᖃᕐᐳᖅ ᒎᑎᐅᑉ ᖃᖅᑲᓂᒃ ᐳᕐᑐᔪᕐᔪᐊᓂᒃ; ᐃᖅᑲᕐᑐᐃᑦᓯᐊᕐᓃᓪᓗ ᐊᑦᔨᖃᕆᕗᖅ ᐃᒪᕐᔪᐊᓂᒃ ᐃᑎᔪᓂᒃ; ᐊᑕᓃᖅ, ᐃᑲᔪᕐᐸᑎᑦ ᑕᒪᕐᒥᒃ ᐃᓄᐃᓪᓗ ᐆᒪᔪᓪᓗ.

ᐃᓐᖏᕈᑎᑦ 36:6 ပူးပေါင်းရင်းမြစ်များ

ᑎᒧᑎᒧᑦ ᓯᕗᓪᓖᑦ 4:10

ᒫᓐᓇᒧᑦ ᑎᑭᓪᓗᒍ ᐱᓇᓱᐊᕐᐸᒃᐳᒍᑦ ᐊᒃᓱᕈᕐᓗᑕ, ᓂᕆᐅᖕᓂᖃᕋᑦᑕ ᒎᑎᒥᒃ ᑐᖁᓱᐃᑦᑐᒥᒃ, ᐱᐅᓕᔨᐅᔪᒥᒃ ᐃᓄᖕᓂᒃ ᑕᒤᓐᓂᒃ, ᐱᓗᐊᕐᓗᓂᓕ ᐅᒃᐱᕈᓱᒃᑐᓄᑦ.

ᕉᒪᒥᐅᓄᑦ 11:33

ᐊᖏᔪᕐᔪᐊᖑᕗᖅ ᒎᑎᐅᑉ ᐊᔪᕐᓴᖏᑦᑐᕐᔫᓂᖓ! ᐃᑎᔪᕐᔪᐊᖑᓪᓗᓂᓗ ᓯᓚᑐᓂᖓ ᖃᐅᔨᒪᓂᕐᔪᐊᖓᓗ! ᑖᑦᓱᒪ ᑐᑭᑖᕆᓯᒪᔭᖏᑦ ᑭᐊ ᓇᓗᓁᔭᕈᓐᓇᕐᐰᑦ ᐱᓂᐊᕐᓂᖏᓪᓗ ᑭᐊ ᑐᑭᓯᔪᓐᓇᕐᐰᑦ?

ᐃᓐᖏᕈᑎᑦ 77:19

ᐊᖅᑯᑎᑎᑦ ᐃᒪᕕᒃᑰᖓᓚᐅᕐᐳᑦ, ᐊᖅᑯᓯᓂᑎᓪᓗ ᐃᒪᕐᔪᐊᑎᒎᖓᓪᓗᑎᒃ, ᑭᓯᐊᓂᓕ ᑐᒥᑎᑦ ᑕᑯᔭᐅᓯᒪᓐᖏᓚᑦ.

ᐃᓐᖏᕈᑎᑦ 71:19

ᓱᓕᓗ ᐃᓱᐊᕐᑐᓕᓃᑦ ᖁᑦᓯᓗᐊᕐᒪᑦ ᕿᓚᖕᒥ ᒎᑏ. ᐊᖏᔪᐊᓗᖕᓂᒃ ᑲᒪᓇᕐᑐᓕᓂᕐᓂᒃ ᐱᓇᓱᐊᕐᓯᒪᕗᑎᑦ, ᒎᑏ, ᑭᓇ ᐃᓕᖕᓂᒃ ᐊᑦᔨᖃᕐᐹ?

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᐃᓐᖏᕈᑎᑦ 145:9

ᐊᑕᓂᖅ ᐱᑦᓯᐊᕐᕕᖃᕐᐳᖅ ᑕᒤᓐᓄᑦ, ᓂᑲᒍᓱᒃᓗᓂᓗ ᓴᓇᓯᒪᔭᓕᒫᒥᓂᒃ.

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᐃᓐᖏᕈᑎᑦ 92:5

ᐊᑕᓃᖅ ᐱᓇᓱᐊᕐᓂᑎᑦ ᐃᓛᒃ ᐊᖏᔪᕐᔪᐊᖑᕗᑦ! ᐃᓱᒪᑎᓪᓗ ᐃᑎᔪᕐᔪᐊᖑᓪᓗᑎᒃ!

ᕉᒪᒥᐅᓄᑦ 3:25

ᑖᓐᓇ ᒎᑎᐅᑉ ᑐᓂᕚ ᑐᓂᕐᕈᑎᒋᓪᓗᒍ ᑐᖁᖓᒍᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑖᑦᓱᒧᖓ ᐅᒃᐱᕐᑐᑦ. ᒎᑎ ᑍᒤᓕᐅᓚᐅᕐᐳᖅ ᓈᒻᒪᓈᑦᓯᐊᕐᓂᓂ ᓴᖅᑭᑎᑦᓱᒪᓪᓗᒍ, ᑍᒪᓐᖓᑦ ᕿᓄᐃᓵᕈᑎᒋᓚᐅᕋᒥᒋᑦ ᓯᕗᕐᖓᒍᑦ ᐊᔪᕐᑐᓕᓂᕆᔭᐅᓚᐅᕐᑐᑦ;

ᔫᓇᐅᑉ ᐊᒡᓚᖏᑦ 4:11

ᐊᖏᓂᕐᓴᒥᒡᓕ ᖃᓄᖅ ᑕᕝᕙ, ᓂᑲᒍᓱᒃᑲᓐᓂᕈᓐᓇᕐᐳᖔ ᓂᓂᕕᒥᐅᓂᒃ? ᐃᒡᓗᒐᓴᒡᔪᐊᖑᖕᒪᑕ ᐊᖏᔪᐊᓘᓪᓗᑎᒃ. ᑖᒃᑯᓇᓂᓗ ᐸᓯᔭᒃᓴᐅᖏᑦᑐᓂᒃ ᓱᕈᓯᕐᑕᖃᕐᐳᖅ 120,000ᓂᒃ, ᖃᐅᔨᒪᖏᑦᑐᓂᒃ ᑕᓕᕐᐱᖕᒥᖕᓂᒃ ᓴᐅᒥᖕᒥᖕᓂᒡᓗ, ᐆᒪᔪᕐᑕᖃᕐᓗᓂᓗ ᐅᓄᕐᑐᕐᔪᐊᓂᒃ!”

ᐂᓮᐊᓯᐅᑉ ᐊᒡᓚᖏᑦ 40:28

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐊᑕᓂᖅ ᒎᑎᐅᖕᒪᑦ ᐃᓱᖃᖏᑦᑐᒧᑦ, ᐱᓐᖑᕐᑎᑦᓯᓯᒪᔪᖅ ᓄᓇᕐᔪᐊᕐᒥᒃ ᐃᓱᐊᓃᑦ ᐃᓱᐊᓄᑦ. ᓄᑮᕈᑎᔪᓐᓇᓐᖏᓚᖅ ᑕᖃᔪᓐᓇᕋᓂᓗ, ᓯᓚᑐᓂᖓᓗ ᖃᐅᔨᔭᐅᔪᓐᓇᕋᓂ.

ᐃᓐᖏᕈᑎᑦ 147:9

ᐆᒪᔪᓂᒃ ᓂᕿᒃᓴᖃᕐᑎᑦᓯᔪᖅ, ᑐᓗᒑᕋᕐᓂᒡᓗ ᓂᕆᑎᑦᓯᔪᖅ ᓂᓪᓕᐊᔪᓂᒃ ᑖᑦᓱᒧᖓ.

ᔫᐱᐅᑉ ᐊᒡᓚᖏᑦ 37:23

ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ; ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ, ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.

ᔫᐱᐅᑉ ᐊᒡᓚᖏᑦ 7:20

ᐊᔪᕐᑐᓕᒍᒪ, ᐃᓕᖕᓅᑦ ᓱᕗᖓ, ᐃᓄᖕᓂᒃ ᖃᐅᔨᓴᕐᑎᐅᔪᑎᑦ? ᓱᖕᒪᑦ ᐱᒋᐊᖃᑦᑕᕐᕕᒋᓲᕐᓄᑦ ᐱᓕᒻᒪᒃᓴᐅᑎᒃᓴᓕᐊᕆᓯᒪᕕᖔ? ᓱᖕᒪᓪᓗ ᐃᓕᖕᓄᑦ ᐅᖁᒤᒃᓴᕈᑎᒃᓴᐅᕗᖔ?

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᓴᒧᐃᓕ ᓯᕗᓪᓖᑦ 14:15

ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᒨᓯᓯ ᐂᑉᐸᖏᑦ 9:28

ᐊᑕᓂᕐᒧᑦ ᑐᒃᓯᐊᓚᐅᕆᑦᓯᒃ; ᑕᒪᓐᓇ ᓇᑕᖅᑯᕐᓇᕐᑐᖅ ᖃᐅᒻᒪᓪᓚᒡᓗ ᓄᖅᑲᖁᓕᕐᓗᒍ; ᑕᕝᕙ ᐊᐅᓪᓚᖁᓂᐊᓕᕐᐸᑦᓯ, ᑕᒫᓂ ᓄᓇᖃᑦᔮᔪᓐᓃᕐᐳᓯ.”

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᐃᓐᖏᕈᑎᑦ 31:20

ᐃᕝᕕᑦ ᓇᔪᒐᕐᓂ ᖃᐅᔨᒪᔭᐅᖏᑦᑐᒥ ᐃᔨᕐᓯᒪᓂᐊᕐᐸᑎᑦ ᐃᓄᐃᑦ ᑐᖁᑦᓯᔪᒪᒧᑦ ᐃᓱᒪᓕᐅᖃᑎᒌᖕᓂᖏᓐᓂᑦ; ᐃᒡᓗᖕᓂ ᓴᐳᑎᓯᒪᓂᐊᕐᐸᑎᑦ ᖃᐅᔨᒪᔭᐅᖏᑦᑐᒥ ᐅᖃᕐᓂᑦ ᐸᓯᒃᓯᕐᑐᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:23

ᐅᓪᓛᑎᑐᑦ ᓄᑖᓐᖑᕐᑎᑕᐅᕕᕾᓐᓇᐅᔭᕐᒪᑦ ᓱᕐᕋᔪᐃᑦᑑᓃᑦ ᐊᖏᔫᖕᒪᑦ.