ᐃᓐᖏᕈᑎᑦ 35:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᓯᕈᕐᑕᐅᓇᕐᑐᒧᑦ ᓂᕆᐅᓇᖏᑦᑐᒧᑦ ᑎᑭᑕᐅᓕᑦ, ᓄᓗᐊᓄᓪᓗ ᐃᔨᕐᑐᐊᒥᓄᑦ ᓇᖕᒥᓂᖅ ᐱᔭᕆᓕᕐᓕᑦ; ᐊᓯᕈᕐᓇᕐᑐᒧᑦ ᑍᑯᖓᓪᓗᐊᖅ ᑲᑕᓕᕐᓕᑦ.

ᐃᓐᖏᕈᑎᑦ 35:8 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᐃᔅᑕᐅᑉ ᐊᒡᓚᖏᑦ 7:10

ᑕᕝᕙᓂ ᕼᐂᒪᓂ ᕿᒥᑕᐅᕗᖅ ᕿᒥᑦᓯᕕᖕᒥ ᓴᓇᔭᐅᑎᓚᐅᕐᑕᒥᓂ ᒧᐊᑎᑬ ᐱᓪᓗᒍ. ᑕᕝᕙ ᐊᖓᔪᖅᑳᕐᔪᐊᖅ ᓮᒻᒪᕐᐳᖅ.

ᐃᓐᖏᕈᑎᑦ 57:6

ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ; ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ. ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ, ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ

ᐃᓐᖏᕈᑎᑦ 64:7

ᒎᑎᐅᓪᓕ ᖃᕐᔪᓄᑦ ᐱᑎᒋᐊᕈᒫᕐᐰᑦ; ᑕᕝᕔᓐᓇᕐᓗ ᐃᑭᖃᓕᕐᓗᑎᒃ.

ᐃᓐᖏᕈᑎᑦ 9:15

ᐃᓅᖃᑎᒌᒡᔪᐊᑦ ᑭᕕᓯᒪᕗᑦ ᐃᑎᕐᓴᕐᔪᐊᕐᒧᑦ ᓴᓇᓯᒪᔭᒥᖕᓄᑦ; ᓄᓗᐊᓄᑦ ᓇᖕᒥᓂᖅ ᐃᔨᕐᓯᒪᔭᒥᖕᓄᑦ ᐃᑎᒐᖏᑦ ᓂᒐᕕᑉᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22

ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 47:11

ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᓴᒧᐃᓕ ᓯᕗᓪᓖᑦ 18:17

ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”