ᐃᓐᖏᕈᑎᑦ 35:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐱᑦᔪᑎᒋᓗᖓ ᖁᕕᐊᓲᑎᖃᕐᑎᑦᑍᓕᒃᑭᑦ ᐅᕙᓐᓂᒃ ᐱᑦᔪᑎᒃᓴᖃᕋᑎᒃ ᐊᑭᕋᕐᑐᕐᑐᑦ; ᐆᒥᓱᖕᓂᕐᒧᓪᓗ ᐃᔨᒥᖕᓂᒃ ᓯᑯᓐᖏᓪᓚᒃᑎᑦᑍᓕᒃᑭᑦ ᐅᕙᓐᓂᒃ ᐆᒥᓱᒃᑐᑦ ᓱᓇᐅᖏᑦᑐᒧᑦ.

ᐃᓐᖏᕈᑎᑦ 35:19 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 15:12

ᓱᖕᒪᑦ ᐆᒻᒪᑎᒃᑯᑦ ᐃᓱᒪᒋᔭᕕᑦ ᐊᐅᓚᑐᐃᓐᓇᓕᕐᐹᑎᑦ, ᓱᖕᒪᓪᓗ ᓈᒻᒪᒃᓴᖏᓐᓂᕐᒧᑦ ᐃᔨᒃᑭᐅᒥᔭᒃᐱᑦ?

ᐃᓐᖏᕈᑎᑦ 109:3

ᐊᕙᑎᓕᒫᓐᓃᑦ ᐆᒥᓱᖕᓂᕐᒧᑦ ᐅᖃᐅᓯᖃᕐᐳᑦ; ᐊᑭᕋᕐᑐᕐᐹᖓ ᓱᓇᒥᒃ ᐱᑦᔪᑎᒃᓴᖃᕋᑎᒃ.

ᐃᓐᖏᕈᑎᑦ 119:161

ᐊᖓᔪᖅᑳᕐᔪᐊᑦ ᐱᑦᔪᑎᒃᓴᖃᕋᑎᒃ ᓵᓚᒋᓇᓱᐊᕐᐹᖓ, ᐆᒻᒪᑎᒪᓕ ᐅᖃᐅᓯᕐᑎᑦ ᐅᐱᒋᒻᒪᕆᒃᐰᑦ.

ᐃᓐᖏᕈᑎᑦ 13:4

ᐊᑭᕋᑐᕐᑎᒐ ᐅᖃᓕᖁᓇᒍ, “ᐅᓇ ᓵᓚᒋᓚᐅᕐᑕᕋ.” ᐅᕙᓐᓂᒡᓗ ᐅᖁᒤᒃᓴᕐᑎᑦᓯᔪᑦ ᖁᕕᐊᓲᑎᖃᖁᓇᒋᑦ ᐅᕐᕈᒍᒪ.

ᐃᓐᖏᕈᑎᑦ 25:2

ᒎᑏᒃ, ᐃᕝᕕᑦ ᑕᑎᒋᕙᒋᑦ, ᑲᓐᖑᓱᒃᑎᑕᐅᖁᓂᐊᕐᓇᖓ, ᐊᑭᕋᕐᑐᕐᑎᒃᑲ ᐅᕙᓐᓂᒃ ᓵᓚᖃᕐᑎᓐᓂᐊᕐᓇᒋᑦ.

ᐃᓐᖏᕈᑎᑦ 35:15

ᑖᒃᑯᐊᓕ ᖃᓄᐃᓐᓇᕐᑐᒦᒃᑯᒪ ᖁᕕᐊᓲᑎᒋᕚᑦ, ᑲᑎᓪᓗᑎᒡᓗ; ᐊᑭᕋᕐᑐᕈᒪᔪᑦ ᑲᑎᑦᔪᑎᒋᕚᖓ, ᐊᓕᒃᑐᕐᑐᑎᑑᕐᐹᖓᓗ ᓄᖅᑲᕐᓂᐊᕋᑎᒃ.

ᐃᓐᖏᕈᑎᑦ 38:16

ᐅᖃᓚᐅᕋᒪ, “ᑐᓴᓚᐅᓐᖓ, ᐅᕙᓐᓂᒃ ᖁᕕᐊᓲᑎᖃᓕᖁᓇᒋᑦ, ᓯᐊᕐᕆᒍᒪᓗ ᐃᒻᒥᖕᓂᒃ ᓂᕐᑑᑎᖃᕐᓂᐊᕐᒪᑕ ᐊᑭᕋᕐᑐᕐᓗᖓ.”

ᐃᓐᖏᕈᑎᑦ 38:17

ᐅᕐᕈᔭᕆᐊᑭᑦᑑᓕᕋᒪ, ᑍᒪᓐᖓᓕᒫᕐᓗ ᐋᓐᓂᐊᕐᑐᐊᓘᒐᒪ.

ᐃᓐᖏᕈᑎᑦ 38:19

ᐊᑭᕋᕐᑐᕐᑎᒃᑲ ᐊᔪᖏᑦᑑᕗᑦ ᓴᓐᖏᔫᓪᓗᑎᒡᓗ; ᐅᕙᓐᓂᒡᓗ ᓱᓕᖏᑦᑐᒧᑦ ᐆᒥᓱᒃᑐᑦ ᐅᓄᕐᑐᐊᓘᓕᕐᐳᑦ.

ᐃᓐᖏᕈᑎᑦ 38:20

ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᐃᓐᖏᕈᑎᑦ 69:5

ᒎᑏ, ᓯᓔᓐᓂᕋ ᖃᐅᔨᒪᕙᑦ; ᐊᔪᕐᑐᓕᓂᒃᑲ ᐃᓕᖕᓄᑦ ᐃᔨᕐᓯᒪᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:10

ᐃᔨᒥᓄᑦ ᓯᑯᓐᖏᓪᓚᒃᐸᒃᑐᖅ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᕗᖅ, ᓇᓪᓕᐊᓪᓕ ᓯᕘᕋᓇᓂ ᐃᓂᕐᑎᕆᔪᖅ ᓮᒪᓇᕐᑐᒥᒃ ᐋᖅᑭᓱᐃᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:13

ᐃᔨᒥ ᐃᒡᓗᐃᓐᓇᖓᓄᑦ ᓯᑯᓐᖏᕐᑕᕐᐸᒃᑐᖅ, ᐃᑎᒐᓂᓗ ᑐᓐᖓᑎᓪᓗᒋᑦ ᐱᓱᒃᐸᒃᑐᖅ, ᑎᑭᕐᒥᓄᑦ ᑎᒃᑯᐊᕐᑐᕐᐸᒃᓗᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:52

ᑎᖕᒥᐊᑎᑐᑦ ᐱᔭᐅᓇᓱᒃᐳᖓ ᐊᑭᕋᓄᑦ ᐱᑦᔪᑎᒃᓴᖃᕋᑎᒃ.

ᔪᐊᓇᓯᐅᑉ ᐊᒡᓚᖏᑦ 15:25

ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’