1 ᐊᑕᓃᖅ, ᐊᑭᕋᕐᑐᕐᑎᒃᑲ ᐊᑭᕋᕐᑐᒃᑭᑦ; ᐅᕙᓐᓂᒃ ᐅᓇᑕᕐᑐᑦ ᐅᓇᑕᖃᑎᒋᒃᑭᑦ.
ᖃᖓᑐᐃᓐᓇᑦᓯᐊᖅ ᑎᑦᑐᓚᐅᒻᒥᒃ ᑐᓴᑐᐊᕈᑦᓯ ᕾᓛᕐᐳᓯ, ᒎᑎᕗᑦ ᐅᓇᑕᕐᓂᐊᕐᒪᑦ ᐅᕙᒍᑦ ᐱᓪᓗᑕ.”
ᓵᓐᖓᔭᐅᑦᔪᑎᒃᓴᕆᔭᕋ ᐲᕐᑎᓪᓗᒍ ᓴᐳᑎᓚᐅᓐᖓ; ᐃᓅᓯᕐᒥᒃ ᑐᓂᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.
ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.
ᐊᑕᓂᐅᑉ ᐅᓇᑕᖔᕐᓂᐊᕐᒪᒋᑦ ᐊᑭᕋᓯ, ᐃᓕᑦᓯᓕ ᓱᓇᒥᒃ ᐱᓇᓱᐊᕆᐊᖃᓐᖏᓚᓯᓘᓐᓃᑦ.”
ᕿᒧᒃᓯᐅᑎᖏᑕᓗ ᐊᒃᓴᓗᐊᖏᑦ ᐊᔪᕐᓯᑦᑕᕐᑎᓕᕐᐰᑦ ᐃᖏᕐᕋᑦᓯᐊᕈᓐᓃᕈᑎᒋᓪᓗᓂᑦᔪᒃ. ᐄᑦᔨᑉᑎᒥᐅᓪᓗ ᐅᖃᕐᐳᑦ, “ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᐅᑎᓕᕐᐰᑦ ᐅᕙᑦᑎᓐᓂᒃ, ᐊᑏ ᕿᒫᖔᓕᕐᑕ ᑕᒫᓐᖓᑦ.”
ᓈᓚᖕᓂᐊᕈᑦᓯᐅᒡᓕ ᐅᖃᓯᕆᔭᒃᑲᓗ ᑖᑦᓱᒨᓇ ᐱᓇᓱᐊᕈᑎᒋᓂᐊᕈᑦᓯᐅᒃ, ᑕᕝᕙ ᐊᑭᕋᕐᑐᑎᓯ ᐊᑭᕋᕐᑐᕐᑎᒋᓂᐊᕆᕙᒃᑲ ᐅᓇᖕᒥᔨᓯᓗ ᐅᓇᖕᒥᔨᒋᓗᒋᑦ.
ᐊᑕᓂᐅᑉ ᓯᕐᓈᓕᑐᐃᓐᓇᕆᐊᖃᕐᒪᒋᑦ ᑍᒤᑦᑑᓂᖏᑦ ᐱᓪᓗᒋᑦ, ᑎᒡᓕᒐᕐᕕᒋᑐᐃᓐᓇᕆᐊᖃᕐᒪᒋᑦ ᐃᓅᓯᖏᓐᓂᒃ ᑖᒃᑯᓂᖓ ᑎᒡᓕᒐᕐᕕᖃᕐᑐᑦ.
ᑍᒤᑦᑐᑦ ᓴᐳᑦᔨᔨᖓᑦ ᐊᔪᒐᖃᖏᑦᑑᖕᒪᑦ; ᐃᖅᑲᕐᑐᕐᑕᐅᑦᔪᑎᒃᓴᕐᓂᒃ ᐱᓇᓱᐊᕈᓐᓇᕐᒪᑦ.
ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ.
ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.
ᓴᐳᑎᔭᕐᑐᓚᐅᕐᐸᕐᒪ, ᐊᑕᓃᖅ; ᐱᐅᓕᓪᓗᖓᓗ.
ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.
ᑖᒃᑯᐊ ᓂᐱᖅᑯᕐᑐᔪᐊᓘᓕᕐᐳᑦ ᐱᖁᔭᓂᒡᓗ ᐃᓕᓮᔩᑦ ᐹᕆᓯᓄᑦ ᐃᓚᒋᔭᐅᔪᑦ ᓇᖏᕐᓯᓪᓗᑎᒃ ᓵᓚᖃᕆᐊᓪᓚᕆᒡᓗᑎᒃ ᐅᖃᕐᐳᑦ, “ᐃᓅᑉ ᑖᑦᓱᒪ ᓈᒻᒪᖏᑦᔪᑎᖓᓂᒃ ᓇᓂᓯᓐᖏᓚᒍᑦ. ᐃᒻᒪᖄᓕ ᐂᖏᓕᒧᑦ ᐊᓂᕐᓂᕐᒧᓪᓘᓐᓃᑦ ᐅᖃᕐᕕᐅᓐᓂᕐᐳᖅ.”
ᒎᑎᒥᓪᓕ ᐱᒃᐸᑦ, ᓵᓚᖃᕈᓐᓇᓐᖏᓚᓯ. ᐊᒡᓛᑦ ᖃᐅᔨᔭᐅᒐᔭᕐᐳᓯ ᒎᑎᒥᒃ ᐊᑭᕋᕐᑐᓕᕐᑎᓪᓗᓯ!”
ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.
ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”
