5 ᑕᕝᕗᖓ ᑕᑯᓴᕐᒪᑕ ᑮᓇᖏᑦ ᖃᐅᒻᒪᒃᐳᑦ, ᑮᓇᖏᓪᓗ ᑲᓐᖑᓱᒃᑎᑕᐅᓚᐅᓐᖏᓚᑦ.
ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.
ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.
ᖃᐅᒻᒪᖅᑯᑎᒐ ᐃᑭᑎᓐᓂᐊᕐᐸᑦ; ᐊᑕᓂᐅᑉ ᒎᑎᒪ ᑖᕐᑐᒦᓐᓂᕋ, ᖃᐅᒻᒪᒃᑎᓐᓂᐊᕐᐹ.
ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.
ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.
ᑕᕝᕙ ᖃᐅᔨᓕᕈᒫᕐᐳᓯ ᑕᑯᒥᓇᕐᑐᒥᒃ ᖃᐅᒪᓂᖃᕐᓂᑦᓯᓐᓂᒃ, ᐆᒻᒪᑎᓯᓗ ᑕᑕᑦᓱᒫᕐᐳᑦ ᖁᕕᐊᓱᖕᓂᕐᒥᒃ, ᐃᒪᕐᔪᐊᑦ ᐊᔪᕐᓴᖏᑦᔪᑎᖏᑦ ᐃᓕᑦᓯᓐᓄᑦ ᑐᓂᔭᐅᔪᒫᕐᒪᑕ, ᐃᓅᖃᑎᒌᒡᔪᐊᑦ ᐊᒃᓗᐃᑦᔪᑎᖏᓐᓂᒃ ᕾᑦᓯᕕᐅᔪᒫᕋᑦᓯ.
ᐅᕙᓐᓄᑦ ᑕᑯᓴᓚᐅᕆᑦᓯ, ᐱᐅᓕᔭᐅᖁᓪᓗᓯ, ᓄᓇᕐᔪᐊᑉ ᑭᒡᓕᖏᓐᓂᑦ ᐱᓯᒪᔪᓯ ᑕᒪᑦᓯ! ᐅᕙᖓᐅᕗᖅ ᒎᑎ, ᐊᓯᖃᓐᖏᓚᖓ.
ᐃᓱᒪᒋᓚᐅᓐᖓ, ᑐᓵᓗᖓᓗ, ᐊᑕᓃᖅ, ᒎᑎᒐ; ᐃᔩᒃᑲᒃ ᖃᐅᒻᒪᒃᓴᓚᐅᒃᑭᒃ, ᓯᓂᓕᖁᓇᖓ ᑐᖂᑉ ᓯᓂᒃᑎᑦᓯᓂᖓᓄᑦ;
ᑮᓇᖏᑦ ᑲᓐᖑᓇᕐᑐᒧᐊᕐᑎᓚᐅᒃᑭᑦ, ᐊᑎᕐᓂᒃ ᕿᓂᓕᖁᓪᓗᒋᑦ, ᐊᑕᓃᖅ.
ᔫᑎᓪᓕ ᐅᕿᒡᓕᓚᐅᕐᐳᑦ, ᖁᕕᐊᓱᒡᓗᑎᒡᓗ ᐅᐱᒍᓱᒡᓗᑎᒡᓗ.
ᑕᕝᕙ ᔪᐊᐱ ᐊᖓᔪᖅᑳᕐᔪᐊᑉ ᐃᓪᓗᖓᓄᐊᕐᐳᖅ ᐅᖃᐅᑎᓪᓗᒍᓗ, “ᐅᓪᓗᒥ ᐃᓄᖁᑎᑎᑦ ᑲᓐᖑᓇᕐᑐᒦᑎᑉᐸᑎᑦ ᐃᓄᐃᑦ ᐃᓕᖕᓂᒃ ᐱᐅᓕᒃᓯᓚᐅᕐᑐᑦ ᐃᕐᓂᑎᓪᓗ ᐸᓂᑎᓪᓗ ᐃᓅᓯᖏᓐᓂᒃ ᓄᓕᐊᕕᓪᓗ ᐃᓅᓯᖏᓐᓂᒃ.
ᑕᕝᕙ ᑍᕕᑎ ᐃᓄᖁᑎᖏᓪᓗ 600ᖏᓐᓃᑦᑐᑦ ᐸᕐᓇᒃᓗᑎᒃ ᑮᓚᒥᑦ ᐊᐅᓪᓚᕐᐳᑦ, ᓇᒧᑐᐃᓐᓇᕐᓗ ᐅᐸᒍᓐᓇᕐᑕᒥᓄᑦ ᐂᓚᐅᕐᐳᑦ. ᓴᐅᓕᓕ ᑐᓴᕋᒥ ᑍᕕᑎᐅᑉ ᕿᒤᓂᖓᓂᒃ ᑮᓚᒥᒃ, ᐅᓇᑕᕋᓱᐊᕐᓂᕐᒥᓂᒃ ᓄᖅᑲᕐᐳᖅ.
ᐃᓐᓇᖓᓪᓗᖓ ᓯᓂᒃᐸᒃᐳᖓ, ᑐᐸᒃᐸᒡᓗᖓᓗ, ᐊᑕᓂᐅᑉ ᑲᒪᒋᑦᓯᐊᕐᒪᖓ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᑐᓂᕐᕈᓯᖃᑦᑕᕐᑑᑉ ᑐᓂᕐᕈᑎᓂᒃ ᖁᔭᓕᑦᔪᑎᓂᒃ ᓂᕐᑐᕐᓇᕐᑎᑉᐸᖓ; ᐱᐅᓯᕐᒥᓂᒡᓗ ᓱᓕᑦᓯᐊᕐᑎᑦᓯᔪᒧᑦ ᒎᑎᐅᑉ ᐱᐅᓕᒃᓯᓂᖓᓂᒃ ᖃᐅᔨᑎᑦᓱᒪᕙᕋ.”
ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ.
