4 ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.
ᐃᓗᖏᕐᑐᕐᓂᓐᓂ ᐊᑕᓂᖅ ᓂᓪᓕᐊᕕᒋᕙᕋ, ᓂᐱᖅᑯᕐᑐᕗᖓᓗ ᒎᑎᓐᓄᑦ; ᑐᒃᓯᐊᕐᕕᒡᔪᐊᖁᑎᒥᓂᑦ ᓂᐱᒐ ᑐᓴᕐᐹ, ᓂᐱᖅᑯᕐᑐᓪᓗᖓ ᓂᓪᓕᐊᓂᕋ ᓯᐅᑎᖏᖕᓄᑦ ᑎᑭᑉᐳᑦ.
“ᑐᒃᓯᐊᕆᑦᓯ, ᑐᓂᓯᕕᐅᒐᔭᕐᐳᓯ ᑕᕝᕙ; ᕿᓂᕆᑦᓯ, ᓇᓂᓯᒐᔭᕐᐳᓯ ᑕᕝᕙ; ᑎᒡᓗᒃᑐᕆᑦᓯ ᒪᑐᐃᕈᑦᔭᐅᒐᔭᕐᐳᓯ ᑕᕝᕙ.
ᖃᖓᓕᒫᖅ ᓯᕘᕋᓕᕌᖓᒪ, ᑕᑎᒋᖃᑦᑕᕐᓂᐊᕐᐸᒋᑦ.
ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.
“ᐊᑕᓂᖅ ᑐᒃᓯᐊᕐᕕᒋᕙᕋ ᐅᖁᒤᒃᓴᕐᓂᓐᓂᑦ, ᑭᐅᕚᖓᓗ; ᑐᖁᖓᔪᑦ ᐃᓂᖓᓐᓂᑦ ᑐᒃᓯᐊᕐᐳᖓ, ᓂᐱᓐᓂᒡᓗ ᑐᓴᕐᐳᖅ.
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᐅᐃᒪᔮᕐᓗᖓ ᐅᖃᓚᐅᕋᒪ, “ᐃᕝᕕᑦ ᐃᔨᖕᓂᑦ ᑕᕐᕆᓯᒪᕗᖓ”; ᕿᓄᒐᒪᓕ ᓂᐱᒐ ᑐᓴᓚᐅᕐᐸᑦ ᓂᓪᓕᐊᓕᕋᒪ ᐃᓕᖕᓄᑦ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
ᐅᖃᐅᑎᕙᑦᓯ, ᐱᔪᒪᒍᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ; ᕿᓂᕆᑦᓯ, ᑕᕝᕙ ᓇᓂᓯᓂᐊᕐᐳᓯ; ᑎᒡᓗᒃᑐᕆᑦᓯ, ᑕᕝᕙ ᒪᑐᐃᕈᑦᔭᐅᓂᐊᕐᐳᓯ.
ᖁᔭᓈᕐᓯᖏᒻᒪᑦ ᓇᕐᕈᓇᓂᓗ ᑲᑉᐱᐊᓱᒃᑎᑕᐅᔪᑦ ᑲᑉᐱᐊᓱᒃᑎᑕᐅᓂᖏᓐᓂᒃ; ᑮᓇᓂᓗ ᐃᔨᓚᐅᓐᖏᓛ ᑖᒃᑯᓇᓐᖓᑦ; ᓂᓪᓕᐊᓕᕐᐸᑕᓕ ᑐᓴᕐᐰᑦ.
ᑍᒤᒻᒪᑦ ᑲᑉᐱᐊᓱᖕᓂᐊᓐᖏᓚᒍᑦ, ᓄᓇᕐᔪᐊᖅ ᐊᐅᓚᑦᔭᒃᑲᓗᐊᕐᐸᑦ, ᖃᖅᑬᓪᓗ ᑭᕕᒐᓗᐊᕐᐸᑕ ᐃᒪᕐᕕᐅᑉ ᐃᑎᓂᖓᓄᑦ;
ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.
ᑍᕕᑎᓗ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐅᓪᓗᐃᑦ ᐃᓚᖓᓐᓂ ᓴᐅᓕᐅᑉ ᑐᖁᓛᓕᕋᖓ; ᐱᐅᓂᕐᐸᐅᓕᕐᐳᖅ ᐱᓕᔅᑍᓂᒥᐅᓄᑦ ᕿᒪᒃᓯᓗᖓ; ᓴᐅᓕ ᓴᐱᓕᕋᔭᕐᐳᖅ ᕿᓂᕈᓐᓃᕐᓗᓂ ᐃᓴᕆᐊᓕᒥ, ᓯᕘᕋᓇᕐᑐᒦᑦᓱᓐᓃᕋᔭᕐᐳᖓᓗ.”
ᓱᓕᓂᕐᒪᓕ ᓇᓗᓁᕐᑕᐅᓂᖓᓂᒃ ᖁᕕᐊᓲᑎᑲᕐᑐᑦ, ᓂᐱᖅᑯᕐᑐᓗᑎᒃ ᖁᕕᐊᓱᒡᓕᑦ ᓯᕆᓗᑎᒡᓗ; ᑍᒪᓐᖓᓪᓗ ᓂᓪᓕᐊᓗᑎᒃ, “ᐊᑕᓂᖅ ᐊᖏᔪᕈᕐᑎᑕᐅᓕ, ᐱᔨᒥ ᖃᓄᐃᖏᑦᓯᐊᕐᓂᖓᓂᒃ ᖁᕕᐊᓲᑎᖃᕐᑐᖅ.”
ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.
