22 ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.
ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”
ᑍᕕᑎᐅᓪᓕ ᑭᐅᕔᒃ, ᕆᑳᐱ ᐹᓇᓗ ᖃᑕᓐᖑᑎᒌᒃ, ᕆᒪᓇᐅᑉ ᐱᐊᕌᔅᑕᒃᑯᒥᐅᑕᐅᑉ ᐃᕐᓂᖏᒃ, “ᐊᖏᕈᑎᖃᒻᒪᕆᒃᓯᒪᕗᖓ ᐊᑕᓂᒃᑯᑦ ᐆᒪᔪᒃᑯᑦ, ᑖᑦᓱᒪ ᐱᐅᓕᖃᑦᑕᓚᐅᕐᒪᖓ ᑲᑉᐱᐊᓇᕐᑐᓕᒫᓂᑦ,
ᐊᖓᔪᖅᑳᕐᔪᐊᕐᓗ ᐊᖏᕈᑎᓕᐅᕐᐳᖅ ᐅᖃᕕᒡᓗᓂ, ᐃᒫᒃ, “ᐊᑕᓂᖅ ᐃᓅᖕᒪᑦ, ᐅᕙᓐᓂᒃ ᐱᐅᓕᒃᓯᓚᐅᕐᑐᖅ ᐊᑭᕋᕐᑐᕐᑕᐅᓂᓐᓂᑦ ᑕᒤᓐᓂᑦ,
ᐃᓅᓰᓪᓗ ᓴᐳᑎᓚᐅᕐᐹ ᐊᓯᕈᕐᑕᐅᕕᖕᒥᑦ, ᓂᐊᖂᓯᕐᐹᑎᓪᓗ ᓇᒡᓕᖕᓂᕐᒥᓂᒃ ᐃᓱᖃᖏᑦᑐᒥᒃ ᓂᑲᒍᓱᖕᓂᕐᒥᓂᒡᓗ,
ᑖᑦᓱᒪᓗ ᐃᓴᕆᐊᓕᑎᒃᑯᑦ ᐱᐅᓕᔪᒫᕐᐰᑦ ᐊᔪᕐᑐᓕᓂᖏᓐᓂᑦ ᑕᒤᓐᓂᑦ.
ᐊᒡᒐᖕᓄᑦ ᐊᓂᕐᓂᕋ ᑐᓂᕙᕋ; ᐃᕝᕕᑦ ᐅᑎᕐᑎᓚᐅᕐᐸᕐᒪ ᐃᓕᖕᓄᑦ, ᐊᑕᓃᖅ ᒎᑎᐅᔪᑎᑦ ᓱᓕᑦᓯᐊᕐᑐᖅ.
ᐱᐅᖏᑦᑐᓕᔪᑦ ᐃᓱᒪᒃᓴᕐᓯᐅᕐᐳᑦ ᐃᓱᐊᕐᑐᓕᔪᓂᒃ ᐊᑭᕋᕐᑐᕈᒪᓪᓗᑎᒃ, ᑭᒍᑎᑎᒃ ᑮᒻᒥᕔᑦ ᑖᒃᑯᓄᖓ.
ᓴᕕᒡᔪᐊᖏᓪᓕ ᐆᒻᒪᑎᒥᖕᓄᑦ ᓇᖕᒥᓂᖅ ᑲᑉᐳᑎᔪᒫᕐᐳᑦ, ᐱᑎᒃᓯᖏᓪᓗ ᓇᑲᑦᓱᒫᕐᐳᑦ.
ᖃᓂᕋ ᕾᒐᓛᕐᓂᐊᕐᐳᖅ ᖁᕕᐊᓱᖕᓂᐊᕐᒧᑦ, ᐃᓕᖕᓄᑦ ᐃᓐᖏᓕᕈᒪ ᓂᕐᑐᕐᓗᑎᑦ; ᑕᕐᓂᓐᓄᓪᓗᑦᑕᐅᖅ ᐱᐅᓕᓚᐅᕐᑕᕐᓄᑦ.
ᓴᐳᑎᔭᕐᑐᓚᐅᕐᐸᕐᒪ, ᐊᑕᓃᖅ; ᐱᐅᓕᓪᓗᖓᓗ.
ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.
ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.