19 ᐃᓱᐊᕐᑐᑦ ᐅᓄᕐᑐᓂᒃ ᐅᖁᒤᒃᓴᕈᑎᖃᕈᓐᓇᕐᒪᑕ, ᐊᑕᓂᐅᓪᓕ ᓴᐳᑎᕔᑦ ᑕᒤᓐᓂᑦ.
ᐊᑕᓂᐅᓪᓗ ᔫᐱᐅᑉ ᐃᓅᓯᖓ ᐃᓱᐊᓄᑦ ᑎᑭᓪᓗᒍ ᓮᒻᒪᕐᑎᓚᐅᕐᐹ ᓯᕗᓂᖓᓂ ᐱᒋᓚᐅᕐᑕᖏᓐᓂᑦ ᐊᖏᓂᕐᓴᒻᒪᕆᐊᓗᖕᓂᒃ; ᓰᐱᖁᑎᖃᓕᓚᐅᕐᐳᖅ 14,000ᓂᒃ, ᑳᒥᓕᖁᑎᖃᓕᕐᓗᓂᓗ 6,000ᓂᒃ, ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᕿᒧᒃᓯᐅᑎᓴᓂᒃ 2,000ᓂᒃ, ᓯᐅᑎᖅᑯᑐᔪᖁᑎᖃᓕᕐᓗᓂᓗ ᐊᕐᓇᓪᓗᖕᓂᒃ 1,000ᓂᒃ.
ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.
ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.
ᐃᓱᐊᕐᑐᑦ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᓕᕐᐸᑕ, ᑕᕝᕙ ᐊᑕᓂᐅᑉ ᑐᓴᕐᐰᑦ; ᓴᐳᑎᓗᒋᓪᓗ ᑕᒤᓐᓂᑦ ᐊᑲᐅᓐᖏᓕᐅᕈᑎᒋᔭᖏᓐᓂᑦ.
ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.
ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.
ᑕᕝᕙ ᖁᕕᐊᒋᔭᖃᓕᕐᓂᐊᕐᐳᑎᑦ ᐃᓱᐊᕐᑐᓕᓂᕐᒧᑦ ᑐᓂᕐᕈᑎᓂᒃ, ᑐᓂᕐᕈᑎᓂᒃ ᐆᑕᒃᓴᓂᒃ ᐃᓗᐃᑦᑐᓂᒡᓗ ᐆᑕᒃᓴᓂᒃ ᐆᒪᔪᕕᓂᕐᓂᒃ ᑕᕝᕙ ᐆᒪᔪᑦ ᐸᖕᓂᖏᓐᓂᒃ ᑐᓂᕐᕈᓯᓕᕐᓂᐊᕐᐳᑦ ᑐᓂᕐᕈᓯᕐᕕᖁᑎᖕᓂ.
ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.
ᐃᓱᐊᕐᑐᓕᔪᖅ 7ᐃᕐᑐᕐᓗᓂ ᐅᕐᕈᒐᓗᐊᕈᓂ, ᒪᑭᖃᑦᑕᕐᓂᐊᕐᒪᑦ, ᐱᐅᖏᑦᑐᓕᔪᕐᓕ ᐅᕐᕈᑎᑕᐅᕗᖅ ᑲᑉᐱᐊᓇᕐᑐᑎᒍᑦ.
ᐊᑕᓂᖅ ᕿᓂᓕᕐᓯᐅᒃ ᓇᓂᔭᐅᔪᓐᓇᕐᓂᖓᓂ, ᓂᓪᓕᐊᕕᒋᓗᒍᓗ ᖃᓂᓐᓂᖓᓂ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”
ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”
ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,
ᓱᓕᓕ ᑕᕝᕙᓃᑎᓪᓗᒋᑦ ᐃᓔᒥᓕᒃ ᓁᐅᒥᐅᑉ ᐅᐃᖓ ᑐᖁᓚᐅᕐᐳᖅ, ᓁᐅᒥᓗ, ᐃᕐᓂᖏᒡᓗ ᕿᒪᒃᑕᐅᕗᑦ ᐃᓕᐊᕐᔪᓐᖑᕐᓗᑎᒃ.
