ᐃᓐᖏᕈᑎᑦ 34:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᐃᓐᖏᕈᑎᑦ 34:14 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 120:7

ᐅᕙᖓᓕ ᐅᓇᑕᕈᒪᓐᖏᓚᖓ; ᐅᓇᑕᕈᒪᓇᖓ ᐅᖃᓪᓚᓕᑐᐊᕋᒪ, ᑕᕝᕙ ᐅᓇᑕᕈᒪᓕᖃᑦᑕᕐᐳᑦ.

ᐃᓐᖏᕈᑎᑦ 37:27

ᐱᐅᖏᑦᑐᓕᓂᖅ ᑐᓄᓕᕈᒃ, ᐱᐅᔪᒥᒡᓗ ᐱᓇᓱᐊᓕᕐᓗᑎᑦ; ᐃᓱᖃᖏᑦᑐᒧᑦ ᑕᕝᕙ ᐃᓅᓂᐊᕐᐳᑎᑦ.

ᐃᓐᖏᕈᑎᑦ 39:2

ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ, ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ; ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:14

ᓯᓚᑐᔫᑉ ᐃᓕᓮᑦᔪᑎᖏᑦ ᐃᒥᕐᕕᒃᓴᐅᕗᑦ ᐃᓅᓯᖃᕐᓇᕐᑐᒥᒃ, ᐃᓄᒃ ᑐᖂᑉ ᓂᒐᖏᓐᓂᒃ ᓂᒍᕐᓯᖁᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:7

ᐃᒻᒥᓂᒃ ᓯᓚᑐᓇᓱᒋᑦᑍᓕᒋᑦ; ᐊᑕᓂᕐᓕ ᐃᓕᕋᒋᒍᒃ, ᐱᐅᖏᑦᑐᒥᒡᓗ ᕿᒤᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:24

ᓱᓕᖏᑦᑐᓂᒃ ᐅᖃᐅᓯᖃᕐᑍᓕᒋᑦ, ᒥᑕᐅᑎᒃᓴᕐᓂᖅ ᐅᐃᕕᕆᒃᓯᓂᕐᓗ ᐃᓕᖕᓂᑦ ᐅᖓᓯᒃᑎᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᒫᑎᐅᓯᐅᑉ ᐊᒡᓚᖏᑦ 5:9

ᓮᒪᓇᕐᑐᒦᑉᐳᑦ ᐃᓅᖃᑎᒌᑦᓯᐊᖏᑦᑐᓂᒃ ᐃᓚᒌᑦᓯᐊᓕᕐᑎᑦᓯᔪᑦ; ᒎᑎᐅᑉ ᕿᑐᕐᖓᒥᓂᒃ ᑍᔪᒫᕐᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᕉᒪᒥᐅᓄᑦ 12:18

ᐱᔪᓐᓇᕐᓂᓕᒫᑦᓯᓐᓄᑦ, ᐃᓅᖃᑎᖃᑦᓯᐊᕋᓱᐊᕆᑦᓯ ᐃᓄᓕᒫᓂᒃ.

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᕉᒪᒥᐅᓄᑦ 14:17

ᒎᑎᐅᑉ ᐊᑕᓂᐅᕕᖓ ᓂᕆᓂᕐᒥᒃ ᐃᒥᕐᓂᕐᒥᒡᓘᓐᓃᑦ ᐱᑦᔪᑎᖃᖏᒻᒪᑦ; ᐱᑦᔪᑎᖃᕐᐳᕐᓕ ᐃᓗᐊᕐᓯᑎᑕᐅᓂᕐᒥᒃ ᐃᓱᒪᔮᖏᓐᓂᕐᒥᒃ ᖁᕕᐊᓱᖕᓂᕐᒥᒡᓗ ᐊᓂᕐᓂᕐᒥ ᐃᑦᔪᕐᓁᑦᑐᒥ,

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᒐᓔᑎᐊᒥᐅᓄᑦ 6:10

ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:11

ᐃᓅᓯᑦᓯᓐᓂ ᑐᕌᒐᖃᕋᓱᐊᕆᑦᓯ ᐅᐃᒪᔮᖏᓪᓗᓯ, ᐱᓂᐊᕋᒃᓴᓯ ᓇᖕᒥᓂᖅ ᐱᓇᓱᐊᕐᓗᒋᑦ, ᓇᖕᒥᓂᕐᓗ ᐱᓇᓱᐊᕐᓂᑦᓯᓐᓄᑦ ᐃᓅᑦᔪᑎᒃᓴᕐᓯᓗᓯ, ᓲᕐᓗ ᑍᒫᒃ ᐱᖁᓚᐅᕋᑦᓯ;

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐲᑦᑐᕉᓯ ᓯᕗᓪᓖᑦ 3:11

ᐊᔪᕐᓂᕐᒥᒃ ᑐᓄᐃᓗᓂ ᐊᑲᐅᔪᒥᒃ ᐃᓅᓯᖃᓕᕐᓕ; ᓮᒪᓂᕐᒥᒃ ᕿᓂᕐᑐᒃᓴᐅᕗᖅ ᐱᓇᓱᐊᓪᓚᕆᒡᓗᒍ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.