ᐃᓐᖏᕈᑎᑦ 33:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᕿᒧᒃᓯᐅᑎ ᓴᐳᑎᔭᐅᑦᔪᑎᒋᓇᓱᐊᕐᓗᒍ ᓱᕙᓕᑭᐊᖑᕗᖅ; ᓴᐳᑦᔨᓂᐊᓐᖏᓚᕐᓗ ᑭᓇᒥᒡᓘᓐᓃᑦ ᓴᓐᖏᔪᕐᔪᐊᖑᓂᕐᒥᓄᑦ.

ᐃᓐᖏᕈᑎᑦ 33:17 ပူးပေါင်းရင်းမြစ်များ

ᐃᓐᖏᕈᑎᑦ 147:10

ᕿᒻᒥᕐᔪᐊᑉ ᓲᖑᓂᖏᓐᓂᒃ ᖁᕕᐊᓲᑎᖃᓐᖏᓚᖅ, ᐃᓄᐃᓪᓗ ᐅᕿᓚᓂᖏᓐᓂᒃ ᖁᕕᐊᒋᔭᖃᕐᒥᓇᓂ.

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᐃᓐᖏᕈᑎᑦ 20:8

ᑍᒃᑯᐊᓕ ᐅᕐᕈᐃᓐᓇᕐᐳᑦ ᐅᕐᕈᖓᓕᕐᓗᑎᒃ; ᐅᕙᒍᓪᓕ ᒪᑭᑕᕗᒍᑦ ᓇᐸᓪᓗᑕᓗ ᓇᖏᕐᐳᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:31

ᕿᒻᒥᕐᔪᐊᖅ ᐅᓇᑕᕆᐊᕐᓂᐊᕐᑐᓄᑦ ᐊᑐᕐᑕᐅᓂᐊᕐᑐᖅ ᐊᑐᐃᓐᓇᕈᕐᑕᐅᔪᓐᓇᕋᓗᐊᕐᐳᖅ, ᐅᓇᑕᕐᓂᕐᒥᒡᓕ ᓵᓚᖃᕐᓂᖅ ᐊᑕᓂᕐᒥᑦ ᐱᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᐃᓗᐊᕐᓮᔩᑦ ᐊᒡᓚᖏᑦ 4:15

ᐊᑕᓂᐅᑉ ᓴᖑᑎᓚᐅᕐᐹ ᓯᓰᕋ ᐊᒃᓴᓗᐊᓕᓕᒫᖏᓪᓗ ᐅᓇᑕᕐᑐᒃᓴᖁᑎᖏᓪᓗ ᐸᕌᒃᒧᑦ ᑖᑦᓱᒪᓗ ᓵᓚᒋᓚᐅᕐᐰᑦ ᓴᕕᒡᔪᐊᒧᑦ; ᓯᓰᕋ ᐊᒃᓴᓗᐊᓕᖕᒥᓂᑦ ᓂᐅᓪᓗᓂ ᕿᒫᓚᐅᕐᐳᖅ ᐊᕐᐸᖏᕐᓗᓂ.