ᐃᓐᖏᕈᑎᑦ 31:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓂᖅ ᓇᒡᓕᒋᓯᐅᒃ ᐃᑦᔪᕐᓁᑦᑐᖁᑎᒋᖕᒪᓯ! ᐊᑕᓂᐅᑉ ᓴᐳᑎᓯᒪᕔᑦ ᓱᖁᓯᔪᐃᑦᑐᑦ, ᐱᐅᔪᕆᔪᕐᓕ ᓱᒋᐊᕐᐹ ᓱᒋᐊᕐᑕᐅᔭᕆᐊᖃᕐᓂᖓᓄᑦ.

ᐃᓐᖏᕈᑎᑦ 31:23 ပူးပေါင်းရင်းမြစ်များ

ᐃᓐᖏᕈᑎᑦ 145:10

ᐊᑕᓃᖅ, ᓴᓇᓯᒪᔭᓕᒫᕕᑦ ᓂᕐᑐᒐᒃᓴᕆᕚᑎᑦ, ᐃᑦᔪᕐᓁᑦᑐᖁᑎᕕᓪᓗ ᓂᕐᑐᒐᒃᓴᕆᕚᑎᑦ.

ᐃᓐᖏᕈᑎᑦ 145:20

ᐊᑕᓂᐅᑉ ᓇᒡᓕᒋᔨᓕᒫᓂ ᓴᐳᑎᓯᒪᕔᑦ; ᐱᐅᖏᑦᑐᓕᒫᓪᓕ ᓄᖑᑎᓐᓂᐊᕐᐰᑦ.

ᐃᓐᖏᕈᑎᑦ 30:4

ᐊᑕᓂᖅ ᓂᕐᑐᕈᑎᓂᒃ ᐃᓐᖏᕐᕕᒋᓯᐅᒃ, ᐃᓕᑦᓯ ᐃᑦᔪᕐᓁᑦᑐᖁᑕᐅᔪᓯ, ᐊᑎᖓᓗ ᐃᑦᔪᕐᓁᑦᑐᖅ ᐃᖅᑲᐅᒪᓂᕐᒧᑦ ᖁᔭᒋᓯᐅᒃ.

ᐃᓐᖏᕈᑎᑦ 34:9

ᐊᑕᓂᖅ ᓯᕘᕋᒋᓯᐅᒃ, ᐃᓕᑦᓯ ᑖᑦᓱᒧᖓ ᐃᑦᔪᕐᓁᑦᑐᖁᑕᐅᔪᓯ, ᑖᑦᓱᒥᖓ ᑕᑎᖃᕐᑐᑦ ᓱᓇᒥᒃ ᑭᓐᖒᒪᔭᖃᖏᒻᒪᑕ.

ᐃᓐᖏᕈᑎᑦ 54:5

ᐊᑭᕋᕐᑐᕐᑎᒃᑲ ᐊᑭᔪᒫᕐᐰᑦ ᐱᐅᖏᑦᑐᒧᑦ; ᓄᖑᑦᓱᒫᕐᐰᑦ ᓱᖁᓯᔪᐃᑦᑑᓂᕐᒥᓄᑦ.

ᐃᓐᖏᕈᑎᑦ 89:7

ᒎᑎ ᓯᕘᕋᒋᔭᐅᕗᖅ ᐃᑦᔪᕐᓁᑎᑕᐅᓯᒪᔪᑦ ᑲᑎᒪᓂᖏᓐᓂ, ᐃᒃᐱᒋᔭᐅᑦᓯᐊᒻᒪᕆᒃᓱᓂᓗ ᐊᕙᑖᓃᑦᑐᓕᒫᓄᑦ.

ᐃᓐᖏᕈᑎᑦ 94:2

ᒪᑭᓪᓗᑎᑦ, ᓄᓇᕐᔪᐊᖅ ᐋᖅᑭᒃᓱᓕᕈᒃ; ᐱᐅᔪᕆᔪᑦ ᓱᒋᐊᓚᐅᒃᑭᑦ ᐱᔪᒃᓴᐅᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 97:10

ᐊᑕᓂᐅᑉ ᓇᒡᓕᒋᕔᑦ ᐱᐅᖏᑦᑐᒥᒃ ᐆᒥᒋᔭᓖᑦ; ᑖᑦᓱᒪ ᐃᓄᖁᑎᖏᑕ ᐃᓅᓯᖏᑦ ᓴᐳᑎᓯᒪᖕᒪᒋᑦ; ᐱᐅᖏᑦᑐᑦ ᐱᓇᓱᐊᕐᓂᖏᓐᓂᑦ ᓴᐳᑎᕔᑦ.

ᐂᓮᐊᓯᐅᑉ ᐊᒡᓚᖏᑦ 38:10

“ᐃᓱᒪᓚᐅᕐᐳᖓ, ᐃᓅᓯᕐᒪ ᐃᓅᔪᒥᓇᑦᓯᐊᕐᓂᖓᓂ ᐊᐅᓪᓚᕆᐊᖃᕋᓱᒋᓪᓗᖓ; ᑐᖁᖓᔪᑦ ᐃᑎᕐᑕᕐᕕᖓᒍᑦ; ᐃᓅᓯᕋ ᑭᐱᔭᐅᓂᐊᕋᓱᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 56:6

ᔫᑎᐅᖏᑦᑐᓪᓗ ᐊᑕᓂᕐᒧᑦ ᐃᒻᒥᖕᓂᒃ ᐃᓚᓕᐅᑎᔪᓄᑦ ᐱᔨᑦᓯᕈᒪᓪᓗᒍ, ᐊᑕᓂᐅᓪᓗ ᐊᑎᖓᓂᒃ ᐅᖓᒋᔭᖃᕐᑐᑦ, ᐱᔨᐅᔪᒪᓪᓗᑎᒡᓗ ᑖᑦᓱᒧᖓ, ᓴᐸᑎᒥᒡᓗ ᑲᒪᑦᓯᐊᕐᑐᑦ ᓇᕐᕈᓇᕐᓯᑎᓐᓇᒍ, ᐊᖏᖃᑎᒌᒃᓯᒪᓂᑦᑎᓐᓂᒡᓗ ᑎᒍᒥᐊᕐᑐᑦ ᓴᒃᑯᐃᓇᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 37:11

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑖᒃᑯᐊ ᓴᐅᓃᑦ ᐃᓴᕆᐊᓕᐅᑉ ᑭᖑᕚᓕᒫᕆᕔᑦ. ᑕᑯᒋᑦ, ᐅᖃᖃᑦᑕᕐᐳᑦ, ‘ᓴᐅᓂᕗᑦ ᐸᓂᕐᓯᒪᓕᕐᐳᑦ, ᓂᕆᐅᒋᔭᒃᓴᖃᕈᓐᓃᕐᓗᑕᓗ; ᓯᕗᓂᒃᓴᖃᕈᓐᓃᕐᐳᒍᑦ.’

ᒫᑯᓯᐅᑉ ᐊᒡᓚᖏᑦ 12:23

ᑐᖁᖓᔪᑦ ᒪᑭᑉᐸᑕ ᒪᑭᕝᕕᒃᓴᐅᔪᒫᕐᑐᒥ, ᓇᓪᓕᐊᑦᑕ ᑖᓐᓇ ᐊᕐᓇᖅ ᓄᓕᐊᕆᓛᕐᐸᐅᒃ? ᑖᒃᑯᐊ ᖃᑕᓐᖑᑎᒌᑦ 7 ᑕᒪᕐᒥᒃ ᓄᓕᐊᕆᓚᐅᕐᒪᑦᔪᒃ.”

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 30:16

ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᓈᓚᖕᓂᐊᕈᑦᓯᒋᒃ, ᑖᒃᑯᐊ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ, ᐊᑕᓂᕐᒥᒃ ᒎᑎᑦᓯᓐᓂᒃ ᐅᖓᒋᔭᖃᕐᓂᐊᕈᑦᓯ, ᐃᓅᓗᓯᓗ, ᐃᓅᓯᐅᖁᔭᖓᓂ, ᐱᖁᔭᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᒡᓗᒋᑦ, ᑕᕝᕙ ᐃᓅᓂᐊᕐᐳᓯ ᐅᓄᕐᓯᕙᓪᓕᐊᓗᓯ, ᐊᑕᓂᐅᓪᓗ ᒎᑎᑦᓯ ᓮᒻᒪᕐᑎᑦᓱᒫᕐᐹᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᒨᓯᓯ ᑕᓪᓕᒪᖏᑦ 33:3

ᑖᑦᓱᒪ, ᐃᓄᖁᑎᓂ ᓇᒡᓕᒋᓚᐅᕐᐰᑦ; ᐃᑦᔪᕐᓁᑎᑕᐅᓯᒪᔪᓕᒫᑦ ᑖᑦᓱᒪ ᑎᒍᒥᐊᓚᐅᕐᐰᑦ; ᑭᖑᓂᖓᓂᓗ ᐱᓱᓚᐅᕐᐳᑦ ᒪᓕᒡᓗᑎᒃ, ᓇᒧᓐᖓᐅᓂᕐᒥᒃ ᐊᔪᕆᕐᑐᕐᑕᐅᓪᓗᑎᒃ ᐃᓕᖕᓄᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᔫᑎᐅᑉ ᐊᒡᓚᖏᑦ 1:1

ᔫᑎᒥᑦ, ᔩᓱᓯ ᙭ᔅᑑᓯᐅᑉ ᐱᔨᖓᓂᑦ ᔧᒥᓯᐅᑉ ᓄᑲᖓᓂᑦ, ᑎᑎᕋᕐᐳᖓ ᕾᖁᔭᐅᓯᒪᔪᓄᑦ, ᒎᑎᒥ ᐊᑖᑕᒥ ᓇᒡᓕᖕᓇᕐᑐᓄᑦ ᓴᐳᑎᔭᐅᓯᒪᔪᓄᓪᓗ ᔩᓱᓯ ᙭ᔅᑑᓯᒧᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6

ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ, ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ, ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.

ᓴᒧᐃᓕ ᓯᕗᓪᓖᑦ 2:9

ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.