ᐃᓐᖏᕈᑎᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ, ᕾᓚᐅᕆᑦ ᑐᐊᕕᕐᓗᑎᑦ ᓴᐳᑎᓗᖓᓗ; ᕾᕐᑐᕆᒐᒃᑭᑦ ᕿᒫᕕᒋᓪᓗᑎᓪᓗ ᕿᒫᕕᒃᓴᕆᓗᑎᑦ ᓴᐳᑦᔭᐅᕕᒃᓴᕆᒐᒃᑭᑦ.

ᐃᓐᖏᕈᑎᑦ 31:2 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:3

ᒎᑎᒐ ᕾᕐᑐᕆᓪᓗᒍ ᕿᒫᕕᒋᕙᕋ, ᓴᐴᓗᑕᕆᕙᕋ ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ, ᐱᐅᓕᔨᒐ; ᐱᐅᓕᒐᕕᖓ ᑲᑉᐱᐊᓇᕐᑐᓂᑦ.

ᔫᐱᐅᑉ ᐊᒡᓚᖏᑦ 7:21

ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕈᓐᓁᓪᓕᕕᒌᑦ? ᐱᐅᖏᑦᑐᓕᓂᒃᑲᓗ ᐲᕈᓐᓁᓪᓕᕕᒌᑦ? ᒫᓐᓇᓗ ᓄᓇᒥ ᓇᓪᓚᖓᔪᒫᓕᕐᐳᖓ; ᐅᕙᓐᓂᒃ ᕿᓂᓕᕋᓗᐊᕈᕕᑦ, ᐱᑕᖃᕈᓐᓁᕈᒫᕐᐳᖓ.”

ᐃᓐᖏᕈᑎᑦ 102:2

ᑮᓁᑦ ᑕᓕᑎᓐᓂᐊᕐᓇᒍ ᐅᕙᓐᓂᑦ ᐊᑲᐅᓐᖏᓕᐅᕈᑎᖃᓕᕐᑎᓪᓗᖓ! ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ; ᑐᓴᑲᐅᕐᑐᕐᓗᖓᓗ ᑐᒃᓯᐊᓕᕐᑎᓪᓗᖓ!

ᐃᓐᖏᕈᑎᑦ 130:2

ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ!

ᐃᓐᖏᕈᑎᑦ 143:7

ᐊᑕᓃᖅ, ᒫᓐᓇ ᑐᐊᕕᕐᓗᑎᑦ ᑐᓴᓚᐅᓐᖓ! ᓂᕆᐅᒋᔭᒃᓴᖃᕈᓐᓃᕋᒪ ᑕᒤᑎᒍᑦ. ᑮᓁᑦ ᐃᔨᕐᓯᒪᓂᐊᕐᓇᒍ ᐅᕙᓐᓄᑦ, ᐃᓚᓕᐅᑎᖁᓇᖓ ᑐᖁᖓᔪᑦ ᐃᓂᖓᓄᑦ ᐊᒻᒧᐊᒃᓯᒪᔪᓄᑦ.

ᐃᓐᖏᕈᑎᑦ 25:2

ᒎᑏᒃ, ᐃᕝᕕᑦ ᑕᑎᒋᕙᒋᑦ, ᑲᓐᖑᓱᒃᑎᑕᐅᖁᓂᐊᕐᓇᖓ, ᐊᑭᕋᕐᑐᕐᑎᒃᑲ ᐅᕙᓐᓂᒃ ᓵᓚᖃᕐᑎᓐᓂᐊᕐᓇᒋᑦ.

ᐃᓐᖏᕈᑎᑦ 40:17

ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.

ᐃᓐᖏᕈᑎᑦ 62:7

ᒎᑎᒥᑦ ᐱᐅᓕᔭᐅᓂᕋ ᐱᓐᓇᕐᓇᕐᑎᑕᐅᓂᕋᓗ ᐱᖕᒪᑎᒃ; ᕾᕐᑐᕆᕙᕋ ᐊᔪᖏᑦᑐᕐᔪᐊᖅ, ᕿᒫᕕᒋᔭᕋ ᒎᑎ.

ᐃᓐᖏᕈᑎᑦ 69:17

ᑮᓁᑦ ᐃᔨᕐᓂᐊᕐᓇᒍ ᐱᔨᖕᓄᑦ, ᐃᓱᐊᖏᑦᑐᒦᒃᑲᒪ, ᑐᐊᕕᕐᓗᑎᑦ ᑐᓴᓚᐅᓐᖓ.

ᐃᓐᖏᕈᑎᑦ 7:2

ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐃᓐᖏᕈᑎᑦ 86:1

ᐊᑕᓃᖅ ᓯᐅᑏᒃᑭᒃ ᒪᓂᓚᐅᒃᑭᑦ, ᑐᓴᕐᓗᖓᓗ, ᓴᐱᕐᓇᕐᑐᒦᓕᕋᒪ ᐃᑲᔪᕐᑕᐅᔭᕆᐊᖃᕐᓗᖓᓗ.

ᐃᓐᖏᕈᑎᑦ 90:1

ᐊᑕᓃᖅ, ᐃᓂᒃᓴᕆᑦᓮᓐᓇᕐᐸᑦᑎᒋᑦ ᑭᖑᕚᕇᖑᔪᓕᒫᓂ.

ᐃᓐᖏᕈᑎᑦ 91:9

ᐊᑕᓂᖅ ᕿᒫᕕᒋᓯᒪᓕᕋᕕᐅᒃ ᓴᐳᑦᔨᔨᒋᔪᒪᓕᕐᓗᒍ, ᖁᑦᓯᖕᓂᕐᐹᖑᔪᖅ ᐃᓂᒃᓴᕐᑖᕆᓯᒪᓕᕋᕕᐅᒃ,

ᐃᓐᖏᕈᑎᑦ 94:22

ᐊᑕᓂᕐᓕ ᓴᐴᓗᑕᕆᕙᕋ, ᒎᑎᒐᓗ ᕿᒫᕕᒃᓴᕆᓪᓗᒍ ᕾᕐᑐᕆᕙᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:17

ᓯᐅᑏᒃᑭᒃ ᓈᓚᒃᓕᒃ, ᑐᓵᒋᑦ ᓯᓚᑐᔫᑉ ᐅᖃᐅᓯᖏᓐᓂᒃ, ᐃᓱᒤᑦ ᐊᑐᓕᕈᒃ ᖃᐅᔨᒪᓂᓐᓄᑦ;

ᐂᓮᐊᓯᐅᑉ ᐊᒡᓚᖏᑦ 33:16

ᑍᒤᑦᑐᖅ ᐃᓂᖃᕐᓂᐊᕐᐳᖅ ᖁᕝᕙᓯᒃᑐᒥ; ᕿᒫᕕᒃᓴᖃᕐᓂᐊᕐᐳᖅ ᐅᔭᖅᑲᓂᒃ ᐊᕙᓗᓕᐅᕐᓯᒪᔪᓂ; ᓂᕿᒃᓴᖃᕐᑎᑕᐅᓂᐊᕐᐳᖅ, ᐃᒥᒃᓴᖃᕐᑎᑕᐅᓗᓂᓗ ᑲᔪᓯᑦᓯᐊᕐᑐᒥᒃ.

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᒨᓯᓯ ᑕᓪᓕᒪᖏᑦ 32:31

ᕾᕐᑐᖓᑦ ᕾᕐᑐᖁᑎᑦᑎᑐᑦ ᑍᒤᓐᖏᓚᖅ, ᐊᑭᕋᕐᑐᕐᑎᖏᑦ ᑍᒫᒃ ᐃᓱᒪᖃᕐᐳᑦ.

ᔪᐊᓇᓯ ᓯᕗᓪᓖᑦ 4:12

ᒎᑎᒥᒃ ᑕᑯᔪᖃᓚᐅᕐᓯᒪᓐᖏᓚᖅ; ᓇᒡᓕᒋᖃᑦᑕᐅᑎᒍᑦᑕᓕ, ᒎᑎᐅᑉ ᓇᔪᕐᐹᑎᒍᑦ ᓇᒡᓕᖕᓂᖓᓗ ᐃᓗᑦᑎᓐᓂ ᓈᒻᒪᒃᓯᕗᖅ.