ᐃᓐᖏᕈᑎᑦ 31:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 31:19 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:5

ᐅᕙᑦᑎᓐᓂᒡᓕ ᐅᐸᓗᖕᒊᔧᓯᒪᔪᖅ ᑕᒪᑐᒥᖓ ᑕᕝᕙ ᒎᑎ, ᑖᑦᓱᒪ ᐊᓂᕐᓂᕐᒥᒃ ᑐᓂᓯᕕᒋᓯᒪᕚᑎᒍᑦ ᓇᓗᓁᒃᑯᑕᒃᓴᑦᑎᓐᓂᒃ ᖁᓚᕐᓁᕈᑎᒃᓴᒥᒃ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 3:21

ᓱᓕᔪᒥᒡᓕ ᐱᓂᐊᕐᓂᖃᕐᑐᖅ ᖃᐅᒪᔪᒧᐊᕐᐳᖅ, ᐱᓂᐊᕐᓂᖏᑦ ᓴᖅᑭᑎᑕᐅᑦᓯᐊᖁᓪᓗᒋᑦ ᖃᐅᒪᔪᒧᑦ ᒎᑎᒥᑦ ᐱᓯᒪᖕᒪᑕ.”

ᐃᓐᖏᕈᑎᑦ 73:1

ᓱᓕᔪᒥᒃ ᐃᓛᒃ ᒎᑎ ᐱᑦᓯᐊᕐᐳᖅ ᐃᓴᕆᐊᓕᓂᒃ, ᐃᑦᔪᕐᓁᑦᑐᓂᒃ ᐆᒻᒪᑎᓕᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 26:12

ᐊᑕᓃᖅ, ᓮᓕᓂᕐᒥᒃ ᐅᕙᑦᑎᓐᓂ ᐱᒋᐊᕐᑎᑦᓯᓚᐅᕐᒥᒋᑦ, ᐱᓂᐊᕐᓂᕗᑦ ᑕᒪᕐᒥᒃ ᐊᔪᕐᓇᕈᓐᓃᕐᑎᓯᒪᒐᕕᒋᑦ.

ᐃᓐᖏᕈᑎᑦ 68:28

ᒎᑏ, ᓴᓐᖏᓃᑦ ᓇᓗᓁᓚᐅᕈᒃ; ᓴᓐᖏᓃᑦ ᓴᖅᑭᑎᓚᐅᕈᖅ ᒎᑏ, ᐅᕙᑦᑎᓐᓄᑦ ᐱᓂᐊᕐᓂᕆᓯᒪᔧᑦ.

ᕉᒪᒥᐅᓄᑦ 11:22

ᑕᕝᕙ ᒎᑎᐅᑉ ᐱᑦᓯᐊᕐᓂᖓ ᐃᓕᕋᓇᕐᓂᖓᓗ ᑕᕝᕘᓇ ᑕᑯᕙᕗᑦ; ᐃᓕᕋᓇᕐᓂᖓ ᐅᕐᕈᓯᒪᔪᓄᑦ, ᒎᑎᐅᓪᓗ ᐱᑦᓯᐊᕐᓂᖓ ᐃᓕᖕᓄᑦ, ᐱᑦᓯᐊᕐᓂᖓᓃᖏᓐᓇᕈᕕᑦ; ᑍᒤᖏᒃᑯᕕᓪᓕ ᓇᑲᑕᐅᔪᒫᕆᕗᑎᑦ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:12

ᑲᑎᒪᔪᓪᓗ ᓂᐱᖃᕈᓐᓃᕐᐳᑦ; ᓈᓚᒡᓗᑎᒃ ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᐅᓂᒃᑳᕐᑎᓪᓗᒋᒃ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒃᓗ ᒎᑎᐅᑉ ᔫᑎᐅᖏᑦᑐᓄᑦ ᐱᓇᓱᐊᖃᑦᑕᓚᐅᕐᑕᖏᓐᓂᒃ ᑖᒃᑯᒃᑎᒎᓇᖅ.

ᒨᓯᓯ ᓯᑕᒪᖏᑦ 23:23

ᔧᑯ ᐊᖓᒃᑯᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᐃᓴᕆᐊᓕᒥᐅᑦ ᐊᖓᒃᑰᓇᓱᐊᕐᓂᕐᒧᑦ ᐊᑭᕋᕐᑐᕐᑕᐅᔪᓐᓇᓐᖏᓚᑦ. ᐃᓴᕆᐊᓕ ᐱᑦᔪᑎᒋᓪᓗᒍ, ‘ᑕᑯᓕᕆᑦ, ᒎᑎᐅᑉ ᐱᓇᓱᐊᕐᓯᒪᔭᖏᓐᓂᒃ!’

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”