8 ᐊᑕᓂᖅ ᓴᓐᖏᔫᑦᔪᑎᒋᕙᕋ, ᐅᕐᓱᕐᑎᕐᓯᒪᔭᖓᑕ ᓴᐳᑦᔭᐅᕕᒋᓗᒍ ᕿᒫᕕᒃᓴᕆᖕᒪᒍ.
ᐊᑕᓃᖅ, ᐊᑕᓂᕋ, ᓴᐳᑦᔨᔨᒐ ᓲᖑᔪᕐᔪᐊᖑᔪᖅ, ᓂᐊᖁᕋ ᐅᓕᒃᓯᒪᓚᐅᕐᐸᑦ ᐅᓇᑕᕐᓂᐅᑉ ᓇᓪᓕᐅᓐᓂᖓᓂ.
ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;
ᒫᓐᓇᓕ ᖃᐅᔨᒪᕗᖓ ᐊᑕᓂᐅᑉ ᐅᕐᓱᕐᑎᕐᓯᒪᔭᓂ ᐃᑲᔪᕐᓂᐊᕐᒪᒋᑦ; ᑐᓴᕐᓂᐊᕐᐹᓗ ᕿᓚᖕᒥᑦ ᐃᑦᔪᕐᓁᑦᑐᒥᑦ ᐱᐅᓕᕐᓯᓂᕐᒥᓄᑦ ᓴᓐᖏᔪᒧᑦ ᑕᓕᕐᐱᖕᒥᓄᑦ.
ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.
ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.
ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.
