2 ᖃᐅᔨᓴᓚᐅᓐᖓ, ᐊᑕᓃᖅ, ᐆᒃᑐᕐᓗᖓᓗ, ᐆᒻᒪᑎᒐ ᐃᓱᒪᒐᓗ ᐅᑦᔨᕐᓱᓚᐅᒃᑭᒃ.
ᖃᓄᖅ ᐃᓱᐃᑦᑐᓕᓯᒪᒐᒪ ᐊᔪᕐᓂᖃᕐᓗᖓᓗ? ᖃᐅᔨᑎᓚᐅᓐᖓ ᑕᒻᒪᕐᓯᒪᓂᓐᓂᒃ ᐊᔪᕐᑐᓕᓂᓐᓂᒡᓗ.
ᐆᒻᒪᑎᒐ ᐆᒃᑐᕐᓯᒪᒐᕕᐅᒃ; ᐅᓐᓄᐊᒃᑯᓪᓗ ᑕᑯᔭᕐᑐᖃᑦᑕᕐᓯᒪᒐᕕᖓ; ᐆᒃᑐᕐᓯᒪᒐᕕᖓ, ᓱᓇᒥᒡᓗ ᐱᐅᖏᑦᑐᒥᒃ ᓇᓂᓯᓯᒪᓐᖏᓚᑎᑦ; ᑲᔪᓯᒪᓚᐅᕐᐳᖓ ᖃᓂᕋ ᐱᐅᖏᑦᑐᓕᖁᓇᒍ.
ᒎᑏ ᐃᕝᕕᑦ ᐆᒃᑐᕋᕐᓯᒪᒐᑦᑎᒍᑦ, ᓴᓗᒻᒪᕐᓴᕐᓯᒪᕙᑦᑎᒍᑦ ᓯᐅᓪᕕᕆᐅᑉ ᓴᓗᒻᒪᕐᓴᕐᑕᐅᑦᔪᓯᖓᑐᑦ.
ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.
ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓱᐊᕐᑐᒦᑦᑐᑦ ᑲᐅᔨᒪᑦᓯᐊᕋᕕᒋᑦ, ᐃᓱᒪᒥᐅᑕᓂᒃ ᐆᒻᒪᒻᒥᐅᑕᓂᒡᓗ ᑕᑯᓐᓇᕐᑐᑎᑦ, ᑕᑯᔪᒪᕗᖓ ᐊᑭᓂᐊᕐᕕᖃᕐᓂᕐᓂᒃ ᑖᒃᑯᓄᖓ, ᐃᓕᖅᑯᓯᕆᔭᓕᒫᒃᑲ ᐃᓕᖕᓄᑦ ᑐᓂᓯᒪᒐᒃᑭᑦ.
ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”
