ᐃᓐᖏᕈᑎᑦ 25:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐱᐅᔪᕆᖏᑦᑐᑦ ᑕᓯᐅᕐᐰᑦ ᐊᑲᐅᔪᒧᑦ, ᐱᐅᔪᕆᖏᑦᑐᑦ ᐃᓕᓐᓂᐊᕐᑎᑉᐰᑦ ᐊᖅᑯᑎᒥᓂᒃ.

ᐃᓐᖏᕈᑎᑦ 25:9 ပူးပေါင်းရင်းမြစ်များ

ᐃᓐᖏᕈᑎᑦ 119:35

ᐱᖁᔭᕐᓂᒃ ᓈᓚᒍᓐᓇᕐᓯᓂᕐᒧᑦ ᑕᓯᐅᓚᐅᓐᖓ, ᑕᒪᒃᑯᐊ ᖁᕕᐊᓇᕐᑐᕐᓯᐊᕆᓯᒪᒐᒃᑭᑦ.

ᐃᓐᖏᕈᑎᑦ 119:66

ᐊᔪᕆᕐᑐᓚᐅᓐᖓ ᐃᓅᖃᑎᓐᓄᑦ ᓈᒻᒪᓈᕐᓯᒪᔪᒥᒃ ᑕᑯᓐᓇᕐᓂᕐᒥᒃ ᖃᐅᔨᒪᑦᓯᐊᕐᓂᕐᒥᒡᓗ, ᐱᖁᔭᑎᑦ ᐅᒃᐱᕆᒐᒃᑭᑦ.

ᐃᓐᖏᕈᑎᑦ 143:10

ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.

ᐃᓐᖏᕈᑎᑦ 147:6

ᐊᑕᓂᐅᑉ ᐱᐅᔪᕆᖏᑦᑐᑦ ᒪᑭᑎᑉᐰᑦ, ᐱᐅᖏᑦᑐᓪᓕ ᓄᓇᒧᑦ ᐅᕐᕈᑎᓪᓗᒋᑦ.

ᐃᓐᖏᕈᑎᑦ 149:4

ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ.

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 23:3

ᑕᕐᓂᕋ ᑕᖃᓯᒪᔪᓐᓃᕐᑎᑉᐹ: ᑕᓯᐅᕐᓗᖓᓗ ᓇᓛᒎᕐᑐᑦ ᐊᖅᑯᑎᖓᓄᑦ ᐊᑎᓂ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 27:11

ᐊᑕᓃᖅ, ᐊᖅᑯᑎᖕᓂᒃ ᐃᓕᓐᓂᐊᕐᑎᓚᐅᓐᖓ; ᑕᓯᐅᓚᐅᓐᖓᓗ ᐊᖅᑯᑎᒃᑯᑦ ᒪᓂᕋᑦᓯᐊᒃᑯᑦ, ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᐃᓐᖏᕈᑎᑦ 76:9

ᒎᑎ ᒪᑭᒻᒪᑦ ᐃᖅᑲᕐᑐᐃᔭᕐᑐᕐᓗᓂ, ᐅᖁᒤᒃᓴᕐᑎᑕᐅᔪᑦ ᓄᓇᒥ ᓴᐳᑎᔭᕐᑐᕐᓗᒋᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᔨᐸᓁᐊᐅᑉ ᐊᒡᓚᖏᑦ 2:3

ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.

ᒫᑎᐅᓯᐅᑉ ᐊᒡᓚᖏᑦ 5:5

ᓮᒪᓇᕐᑐᒦᑉᐳᑦ ᐃᒻᒥᖕᓂᒃ ᐊᖏᔪᕈᕐᑎᖏᑦᑐᑦ; ᒎᑎᐅᑉ ᐊᖏᕈᑎᒋᓯᒪᔭᖏᓐᓂᒃ ᓄᓇᕐᔪᐊᕐᒥ ᑭᖑᕐᖑᑦᔨᔪᒫᕐᒪᑕ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 9:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᐊᕐᑐᓂᒃ ᑕᒫᓯᑰᓯᒧᑦ ᑎᑎᕋᕐᓯᒪᔪᓂᒃ ᑎᒍᓯᔪᓐᓇᕈᑎᒃᓴᓂᒃ ᐱᑎᑕᐅᔪᒪᓪᓗᓂ, ᓇᓂᓯᒍᓂ ᒪᓕᒃᑎᓂᒃ ᐊᑕᓂᐅᑉ ᐊᖅᑯᑎᖓᒎᕐᓂᕋᕐᑕᐅᔪᓂᒃ, ᑎᒍᓗᒋᑦ ᐊᖑᑎᑦ ᐊᕐᓁᓪᓗ ᔨᕉᓴᓕᒻᒧᑦ ᐅᑎᐅᑎᔪᒪᓪᓗᒋᑦ.

ᒐᓔᑎᐊᒥᐅᓄᑦ 5:23

ᐃᓅᖃᑎᒋᔭᕐᓂᕐᑑᓂᖅ, ᓇᖕᒥᓂᕆᔭᒥᒃ ᐱᓯᒪᑦᓯᐊᕈᓐᓇᕐᓂᖅ; ᑕᒪᒃᑯᓂᖓ ᐊᑐᕐᑍᓕᖁᔨᔪᓂᒃ ᐱᖁᔭᕐᑕᖃᓐᖏᓚᖅ.

ᐄᑉᕈᐃᓄᑦ 10:20

ᓄᑖᒥᒃ ᐊᖅᑯᓯᓚᐅᕐᒪᑎᒍᑦ ᐃᓅᓯᖃᕐᓇᕐᑐᒥᒡᓗ ᐅᒃᑯᐃᕈᑎᓚᐅᕐᒪᑎᒍᑦ ᑖᓗᑕᕐᔪᐊᒃᑯᑦ, ᑕᕝᕙ ᓇᖕᒥᓂᖅ ᑎᒥᒥᒍᑦ,

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.