ᐃᓐᖏᕈᑎᑦ 25:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓈᒃᑭᒍᓱᖕᓂᕐᔪᐊᑎᑦ ᐃᖅᑲᐅᒪᒃᑭᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ, ᑖᒃᑯᐊ ᑍᒪᓐᖓᓂᑦ ᐱᓯᒪᔪᑐᖃᐅᖕᒪᑕ.

ᐃᓐᖏᕈᑎᑦ 25:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 24:27

ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᒨᓯᓯ ᓯᕗᓪᓖᑦ 32:9

ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᑯᕉᓂᑲ ᐂᑉᐸᖏᑦ 6:42

ᐊᑕᓃᖅ ᒎᑏ, ᑮᓁᑦ ᐊᓚᕐᑎᓐᓂᐊᕐᓇᒍ ᐅᕐᓱᕐᑎᓯᒪᔭᕐᓂᑦ! ᐃᖅᑲᐅᒪᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᔨᖕᓂᒃ ᑍᕕᑎᒥᒃ.”

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:19

ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 103:4

ᐃᓅᓰᓪᓗ ᓴᐳᑎᓚᐅᕐᐹ ᐊᓯᕈᕐᑕᐅᕕᖕᒥᑦ, ᓂᐊᖂᓯᕐᐹᑎᓪᓗ ᓇᒡᓕᖕᓂᕐᒥᓂᒃ ᐃᓱᖃᖏᑦᑐᒥᒃ ᓂᑲᒍᓱᖕᓂᕐᒥᓂᒡᓗ,

ᐃᓐᖏᕈᑎᑦ 106:1

ᐊᑕᓂᖅ ᓂᕐᑐᕐᓯᐅᒃ! ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ; ᓇᒡᓕᖕᓂᖓ ᓱᕐᕋᔪᐃᑦᑑᖕᒪᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 107:1

ᐊᑕᓂᖅ ᖁᔭᒋᓯᐅᒃ, ᐱᐅᔫᖕᒪᑦ: ᓇᒡᓕᖕᓂᖓᓗ ᐃᓱᖃᖏᑦᑐᒧᑦ ᑐᕌᖓᓪᓗᓂ.

ᐃᓐᖏᕈᑎᑦ 119:77

ᓂᑲᒍᓱᖕᓃᑦ ᐅᕙᓐᓄᑦ ᑎᑭᐅᑎᓚᐅᕐᓕ, ᐃᓅᔪᓐᓇᖁᓪᓗᖓ; ᐱᖁᔭᑎᑦ ᖁᕕᐊᓲᑎᒋᒐᒃᑭᑦ.

ᐃᓐᖏᕈᑎᑦ 40:11

ᓂᑲᒍᓱᖕᓃ ᓱᖁᓯᔪᐃᑦᑐᖅ ᑐᓂᑦᑍᓕᓂᐊᕐᓇᒍ ᐅᕙᓐᓄᑦ, ᐊᑕᓃᖅ; ᓇᒡᓕᖕᓂᕕᑦ ᓱᖁᓯᔪᐃᑦᑑᑉ ᑲᔪᓯᑦᓯᐊᕐᓂᕕᓪᓗ ᑍᒪᓐᖓᑦ ᓴᐳᑎᓯᒪᓕᖓ.

ᐃᓐᖏᕈᑎᑦ 69:13

ᐅᕙᖓᓕ, ᑐᒃᓯᐊᕐᓂᕋ ᐃᓕᖕᓄᑦ ᑐᕌᕐᐳᖅ, ᐊᑕᓃᖅ. ᐱᕕᒃᓴᖅ ᓇᓪᓕᐅᑎᒃᐸᑦ, ᒎᑏ, ᓇᒡᓕᖕᓂᕕᑦ ᓱᖁᓯᔪᐃᑦᑑᓂᖓᓄᑦ ᑭᐅᓚᐅᓐᖓ. ᐱᐅᓕᒃᓯᓂᕐᐱᑦ ᑲᔪᓯᑦᓯᐊᕐᓂᖓᓄᑦ.

ᐃᓐᖏᕈᑎᑦ 69:16

ᐊᑕᓃᖅ, ᑐᓴᓚᐅᓐᖓ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᔫᖕᒪᑦ; ᓵᕝᕕᖏᓚᐅᓐᖓ ᓂᑲᒍᓱᖕᓂᕐᔪᐊᑦ ᒪᓕᒡᓗᒍ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᒨᓯᓯ ᐂᑉᐸᖏᑦ 15:13

ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ ᑕᓯᐅᓚᐅᕐᐸᑎᑦ ᐃᓄᖁᑎᑎᑦ ᑖᒃᑯᐊ ᐱᐅᓕᓚᐅᕐᑕᑎᑦ, ᐱᔪᓐᓇᕐᓂᕐᓄᓪᓗ ᑕᓯᐅᓚᐅᕐᐸᑎᑦ ᓄᓇᒧᑦ ᐃᑦᔪᕐᓁᑦᑐᒧᑦ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:18

ᓈᓚᓚᐅᕆᑦ ᒎᑏᒃ, ᑐᓵᓗᑎᓪᓗ; ᐃᔩᒃᑭᒃ ᐅᐃᑎᓚᐅᒃᑭᒃ ᑕᑯᓗᑎᓪᓗ ᐃᒡᓗᒐᓴᒡᔪᐊᓂᒃ ᓱᕋᒃᓯᒪᔪᓂᒃ ᐃᕝᕕᑦ ᐊᑎᕐᓂᒃ ᑍᒎᓯᖃᕐᑐᓂᒃ, ᐃᓱᐊᕐᑑᓂᑦᑎᓐᓄᑦ ᑐᒃᓯᐊᓐᖏᓚᒍᑦ, ᐊᖏᔪᐊᓗᖕᒥᒡᓕ ᓂᑲᒍᓱᖕᓃᑦ ᐱᑦᔪᑎᒋᓪᓗᒍ.

ᕼᐊᐸᑲᐅᑉ ᐊᒡᓚᖏᑦ 3:2

ᐊᑕᓃᖅ, ᑐᓴᕐᓯᒪᕗᖓ ᐅᓂᒃᑲᐅᓯᐅᓯᒪᓂᕐᓂᒃ, ᐱᓇᓱᐊᕐᓂᕆᓯᒪᔭᑎᓪᓗ ᐊᑕᓃᖅ, ᓯᕘᕋᒋᕙᒃᑲ. ᐱᓂᐊᕐᓂᕆᕙᓚᐅᕐᑕᑎᑦ ᐅᓪᓗᒥ ᓄᑕᐅᓯᓕᕐᓗᒋᑦ; ᐱᓂᐊᕐᓂᕆᕙᓚᐅᕐᑕᑎᓪᓗ ᐅᓪᓗᒥ ᖃᐅᔨᔭᐅᑎᓪᓗᒋᑦ; ᓂᓐᖓᐅᒪᓗᑎᑦ ᐃᖅᑬᓚᐅᕆᑦ ᓂᑲᒍᓱᖕᓂᕐᒥᒃ.

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᓘᑲᓯᐅᑉ ᐊᒡᓚᖏᑦ 1:54

ᓂᑲᒍᓱᖕᓂᓂ ᓯᕗᓪᓕᕕᓂᑦᑎᓐᓄᑦ ᑲᔪᓯᑎᑉᐹ, ᐃᓄᖁᑎᓂᓗ ᐃᓴᕆᐊᓕᒥᐅᑦ ᐃᑲᔪᕐᐰᑦ.

ᓘᑲᓯᐅᑉ ᐊᒡᓚᖏᑦ 1:78

ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ, ᐱᐅᓕᔭᐅᓂᖅ ᖃᐅᓕᕐᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᕐᐹ ᐅᕙᑦᑎᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:3

ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ ᓂᕐᑐᕐᑕᐅᓕ, ᓂᑲᒍᓱᒃᑑᓪᓗᓂ ᐊᑖᑕᐅᖕᒪᑦ, ᒎᑎᐅᓪᓗᓂᓗ ᐃᑲᔪᕐᑕᐅᔭᕆᐊᓕᓕᒫᓄᑦ.

ᐱᓕᐱᒥᐅᓄᑦ 1:8

ᒎᑎᐅᑉ ᖃᐅᔨᒪᕚᖓ ᐅᖃᕐᑎᓪᓗᖓ ᓱᓕᑦᓯᐊᕐᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.

ᐱᓕᐱᒥᐅᓄᑦ 2:1

᙭ᔅᑑᓯᒥ ᐱᕙᓪᓕᕐᑎᑕᐅᔪᖃᕐᐸᑦ, ᓇᒡᓕᖕᓂᖓᓄᑦ ᓮᒻᒪᕐᑎᑕᐅᒍᑦᓯ, ᐊᓂᕐᓂᖓᓄᓪᓗ ᐃᓚᒌᑦᓯᐊᓕᕐᑎᑕᐅᒍᑦᓯ ᐃᓕᑦᓯᓐᓄᑦ, ᐱᑦᓯᐊᕐᓂᖃᓕᕐᓗᓯᓗ ᐃᓚᑦᓱᒍᓱᖕᓂᖃᓕᕈᑦᓯ ᐃᓅᖃᑎᑦᓯᓐᓄᑦ,

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᔪᐊᓇᓯ ᓯᕗᓪᓖᑦ 3:17

ᓯᓚᕐᔪᐊᑉ ᐱᖏᓐᓂᒃ ᐱᖃᕐᑐᖅ ᐃᓅᖃᑎᒥᓂᒃ ᐊᔪᕐᓴᕐᑐᒥᒃ ᑕᑯᓗᓂ ᐃᑲᔪᕈᒪᓐᖏᑯᓂᐅᒃ, ᖃᓄᖅ ᑕᕝᕙ ᒎᑎᐅᑉ ᓇᒡᓕᖕᓂᖓᓂᒃ ᐃᓗᒥᐅᑕᖃᕋᔭᕐᐸ?