15 ᐃᔩᖕᒪ ᐊᑕᓂᖅ ᑕᑯᓐᓈᑦᓮᓐᓇᕐᐹ; ᑖᑦᓱᒪ ᐃᑎᒐᒃᑲ ᐲᔭᕐᓂᐊᕐᒪᒋᑦ ᓄᓗᐊᓂᑦ.
ᒫᓐᓇᓕ, ᐊᑕᓂᕋ ᐊᖓᔪᖅᑳᕐᔪᐊᖅ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᐅᑕᖅᑭᕗᑦ ᐃᓕᖕᓂᑦ, ᐅᖃᐅᑎᔭᐅᔪᒪᓪᓗᑎᑦ ᑭᓇ ᐃᒃᓯᕚᕐᓂᐊᓕᕐᒪᖔᑦ ᐊᖓᔪᖅᑳᕐᔪᐊᒪ ᐃᒃᓯᕙᐅᑕᕐᔪᐊᖓᓂ ᑭᖑᕝᕕᕐᑕᐅᓗᓂ.
ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”
ᑕᑯᒋᑦ, ᓲᕐᓗ ᐱᔨ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ, ᐱᔨᐅᔪᕐᓗ ᐊᕐᓇᖅ ᐊᖓᔪᖅᑳᒥᓂᒃ ᑕᑎᖃᕐᐸᖕᒪᑦ; ᑍᒫᒃᑕᐅᖅ ᑕᑎᖃᕐᓂᐊᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᑖᑦᓱᒪ ᓂᑲᒍᓱᓕᕐᓂᐊᕐᓂᖓᓂᒃ ᐅᕙᑦᑎᓐᓂᒃ ᐅᑕᖅᑭᓗᑕ.
ᐃᓕᖕᓄᓪᓕ ᐊᑕᓃᖅ ᒎᑏ ᑕᑯᓐᓇᕐᐳᖓ; ᐃᓕᖕᓄᑦ ᕿᒫᕗᖓ ᓴᐳᑎᔭᐅᔪᒪᓪᓗᖓ; ᑕᕐᓂᕋ ᕿᒤᓐᓇᕐᓗᒍ ᑐᖁᑕᐅᑎᑦᑍᓕᒍᒃ!
ᓄᓱᓚᐅᓐᖓ ᓄᓗᐊᓂᑦ ᐅᕙᓐᓄᑦ ᐃᓕᓯᒪᔪᓂᑦ, ᖃᐅᔨᑎᓐᓇᖓ ᒪᓂᔭᐅᓚᐅᕐᑐᓂᑦ ᐅᕙᓐᓄᑦ, ᐃᕝᕕᑦ ᓴᐳᑦᔨᔨᒋᒐᒃᑭᑦ.
ᐃᓄᖁᑎᒃᑲ ᐃᓚᖃᐅᓕᕐᐳᑦ, ᐱᐅᖏᑦᑐᓕᔪᓂᒃ, ᐅᑕᖅᑭᔪᑎᑐᑦ ᑎᖕᒥᐊᓂᒃ ᓂᒐᕐᑎᓐᓂᐊᕐᑕᒥᖕᓂᒃ, ᐃᓄᖕᓄᓪᓗ ᐊᔪᓕᕐᕕᐅᒐᔭᕐᑐᓂᒃ ᐋᖅᑭᒃᓯᓯᒪᕗᑦ.
