3 ᑭᓇ ᐊᑕᓂᐅᑉ ᖃᖅᑲᖓᓄᑦ ᒪᔪᐊᕐᓂᐊᕐᐹ? ᑭᓇᓗ ᐃᑦᔪᕐᓁᑦᑐᒥ ᐃᓂᖓᓂ ᓇᖏᕈᒫᕐᐹ?
ᐊᑕᓃᖅ, ᑭᓇ ᐃᑦᔪᕐᓁᑦᑐᕕᖕᒥ ᑐᐱᕐᔪᐊᖁᑎᖕᓂ ᐃᓂᖃᕈᓐᓇᕐᐹ? ᑭᓇ ᖃᖅᑲᖁᑎᖕᓂ ᐃᑦᔪᕐᓁᑦᑐᒥ ᐃᓂᖃᕈᓐᓇᕐᐹ?
ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ;
ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᓂᕈᐊᕐᑍᑦ, ᐊᐅᓚᑦᓯᓂᕐᓄᓪᓗ ᐃᓕᔧᑦ, ᐃᓂᖃᖁᓪᓗᒍ ᐃᒡᓗᕕᑦ ᑐᕐᓲᖓᓂ. ᑕᕝᕙ ᓈᒻᒪᒃᓯᔪᒫᕐᐳᒍᑦ ᐃᒡᓗᕕᑦ ᐱᐅᔪᐊᓘᓂᖓᓄᑦ, ᑐᒃᓯᐊᕐᕕᒡᔪᐊᒥ ᐃᑦᔪᕐᓁᑦᑐᖁᑎᖕᓂ!
“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.
“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”
ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.
ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.
ᑍᕕᑎ ᐃᒡᓗᓕᐅᓚᐅᕐᐳᖅ ᐃᒡᓗᒃᓴᒥᓂᒃ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᓂᒃᓴᓕᐅᕐᐳᕐᓗ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓄᑦ, ᑐᐱᕐᒥᒡᓗ ᓇᑉᐰᕗᖅ ᑖᑦᓱᒪ ᐃᓂᒃᓴᖓᓂᒃ.
ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”
ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ ᓇᒧᓐᖓᕐᓂᐊᕐᐲᑦ?” ᔩᓱᓯᐅᑉ ᑭᐅᕚ, “ᐅᐸᖕᓂᐊᕐᑕᓐᓄᑦ ᒫᓐᓇ ᒪᓕᒍᓐᓇᓐᖏᓚᕐᒪ; ᑭᖑᕐᖓᒍᓪᓕ ᒪᓕᒍᒫᕐᐸᕐᒪ.”
ᐊᑕᓂᐅᓪᓗ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᑕᑯᔭᑎᑦ ᐅᑦᔨᕆᑦᓯᐊᒃᑭᑦ, ᑐᓴᑦᓯᐊᕐᓗᒋᓪᓗ ᓯᐅᑎᖕᓄᑦ ᐅᖃᐅᓯᕆᓂᐊᕐᑕᓕᒫᒃᑲ ᐃᓕᖕᓄᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᒪᓕᒐᖏᑦ ᐱᖁᔭᖏᓪᓗ; ᐃᒃᐱᒋᑦᓯᐊᕐᓗᒋᓪᓗ ᑐᒃᓯᐊᕐᕕᒡᔪᐊᕐᒥ ᑎᓕᔭᐅᖃᑦᑕᕈᒫᕐᑐᑦ ᑭᓇᒃᑯᓪᓗ ᐃᑦᔪᕐᓁᑦᑐᕕᖕᒧᑦ ᐃᑎᕈᓐᓇᕐᑎᑕᐅᔭᕆᐊᖃᖏᒻᒪᖔᑕ.
“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᖃᕐᑐᑐᖃᐅᖏᑦᑐᖅ ᑭᐱᔭᐅᓯᒪᖏᒃᑯᓂ ᐆᒻᒪᑎᒃᑯᑦ ᑎᒥᒃᑯᓪᓗ, ᐃᓅᖃᑎᒋᔭᐅᔪᓕᒫᑦ ᐃᓴᕆᐊᓕᒥᐅᓄᑦ, ᐃᑦᔪᕐᓁᑦᑐᕕᖁᑎᓐᓄᑦ ᐃᑎᕐᑐᒃᓴᐅᓐᖏᓚᖅ.”
