ᐃᓐᖏᕈᑎᑦ 23:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᐃᓐᖏᕈᑎᑦ 23:5 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 36:16

ᐃᕝᕕᑦᑕᐅᖅ ᐅᖁᒤᒃᓴᕈᑎᒋᔭᕐᓂᑦ ᐊᓂᑎᓐᓂᐊᕐᐹᑎᑦ, ᐱᕕᑐᔪᒧᑦ ᐃᓂᒃᓴᑦᓯᐊᒧᑦ ᓄᖅᑲᖓᑦᔪᑎᒃᓴᕐᑕᖃᖏᑦᑐᒧᑦ, ᓂᕆᕕᖁᑏᓪᓗ ᐊᑐᐃᓐᓇᕈᐃᕕᐅᓂᐊᕐᐳᖅ ᖁᐃᓂᔪᓂᒃ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 116:13

ᐃᒥᐅᑦ ᐱᐅᓕᔭᐅᓂᐅᑉ ᓇᓗᓁᒃᑯᑕᖓ ᐃᓴᐅᑎᓂᐊᕐᐸᕋ ᑖᑦᓱᒧᖓ, ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᒋᓂᐊᕐᐸᕋ.

ᐃᓐᖏᕈᑎᑦ 16:5

ᐊᑕᓃᖅ ᑐᓂᕙᕐᒪ ᐱᔭᕆᐊᖃᕐᑕᓐᓂᒃ, ᐃᒥᐅᑎᒋᓂᐊᕐᑕᓐᓂᒡᓗ; ᓇᓚᐅᑦᑖᕈᓪᓗ ᐃᓂᒋᔭᕋ ᓴᐳᑎᓯᒪᕙᑦ.

ᐃᓐᖏᕈᑎᑦ 22:26

ᐊᔪᕐᓴᕐᑐᑦ ᓂᕆᔪᒫᕐᐳᑦ ᐊᕿᐊᑦᑐᕐᓗᑎᒡᓗ; ᑖᑦᓱᒥᖓᓗ ᕿᓂᕐᑐᑦ, ᐊᑕᓂᖅ ᓂᕐᑐᕈᒫᕐᐹᑦ. ᐆᒻᒪᑎᓯ ᐃᓅᓕᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 22:29

ᓄᓇᒥ ᐊᔪᕐᓴᖏᑦᑐᓕᒫᑦ ᐅᑯᔪᒫᕐᐳᑦ ᑐᒃᓯᐊᕐᓗᑎᒡᓗ; ᒪᓂᖅᑲᒧᓪᓗ ᐅᕐᕈᔪᑦ ᑖᑦᓱᒧᖓ ᐅᑯᔪᒫᕐᐳᑦ, ᐃᒻᒥᖕᓂᒃ ᐆᒪᑎᑦᓱᓐᓇᖏᑦᑐᓕᒫᑦ.

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐃᓐᖏᕈᑎᑦ 78:19

ᐃᓛᒃ, ᓂᓪᓕᐊᓚᐅᕐᐳᑦ ᒎᑎᒥᒃ ᓈᒻᒪᒃᓴᕋᑎᒃ: ᐅᖃᕐᓗᑎᒃ, “ᒎᑎ ᓂᕆᔭᒃᓴᓂᒃ ᐊᑐᐃᓐᓇᕈᐃᔪᓐᓇᕐᐹ ᐃᓄᖃᖏᑦᑐᒥ?

ᐃᓐᖏᕈᑎᑦ 92:10

ᓇᒡᔪᒐᓕ ᐊᖏᔪᕈᕐᑎᓚᐅᕐᐸᑦ ᐃᒻᒧᒃᓯᐅᒐᐅᑉ ᐸᖕᓂᖓᑐᑦ ᓴᓐᖏᑎᒋᓕᕐᑎᓪᓗᒍ; ᐅᕐᓱᒥᒡᓗ ᓄᑖᒥᒃ ᑯᕝᕕᕆᓚᐅᕐᐸᕐᒪ.

ᐃᓐᖏᕈᑎᑦ 92:11

ᐊᑭᕋᕐᑐᕐᑎᒪ ᑲᑕᖕᓂᖏᓐᓂᒃ ᑕᑯᓯᒪᓕᕐᐳᖓ; ᐱᐅᖏᑦᑐᑦ ᐊᑭᕋᕐᑐᕐᑐᑦ ᐅᕙᓐᓂᒃ ᓱᒋᐊᕐᑕᐅᓂᒃᓴᖏᓐᓂᒃ ᓇᖕᒥᓂᖅ ᑐᓴᕐᓯᒪᕗᖓ.

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᒨᓯᐅᑉ ᐊᒡᓚᖏᑦ 6:6

ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ ᐊᓯᕈᕐᑕᐅᓂᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 6:17

ᐃᓕᑦᓯᓕ ᓂᕆᑦᑍᓕᔭᕌᖓᑦᓯ, ᑮᓇᓯ ᓴᓗᒻᒪᕐᓴᑦᓯᐊᕐᓗᒍ ᐃᓪᓔᕐᓗᓯᓗ ᐱᔪᒃᓴᐅᕗᓯ,

ᓘᑲᓯᐅᑉ ᐊᒡᓚᖏᑦ 7:46

ᓂᐊᖁᕋ ᑯᕝᕕᕆᓚᐅᓐᖏᓚᑦ ᓇᐹᕐᑑᑉ ᐅᕐᓱᖓᓄᑦ, ᑖᑦᓱᒪᓕ ᐃᑎᒐᒃᑲ ᑯᕝᕕᕆᕔᑦ, ᑎᐱᑦᓯᐊᕆᒃᑐᒧᑦ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:16

ᐃᒥᐅᑎ ᓮᒻᒪᕐᑎᑕᐅᓇᕐᑐᖅ ᒎᑎᒧᑦ ᖁᔭᓕᑦᔪᑎᒋᔭᕗᑦ ᐊᑕᓂᐅᑉ ᐅᓐᓄᒍᒻᒥᑕᖓᓂ ᙭ᔅᑑᓯᐅᑉ ᐊᐅᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? ᓂᐊᖂᔭᕐᓗ ᐊᕕᒃᑕᕗᑦ ᙭ᔅᑑᓯᐅᑉ ᑎᒥᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:21

ᒎᑎᓕ ᑕᕝᕙ ᐃᓕᑦᓯᓐᓂᒃ ᐅᕙᑦᑎᓐᓂᒡᓗ ᐋᖅᑭᒃᓯᓯᒪᕗᖅ ᙭ᔅᑑᓯᒃᑯᑦ; ᑖᑦᓱᒪᓗ ᑕᕝᕙ ᐅᓱᕐᑎᓚᐅᕐᐹᑎᒍᑦ;

ᐃᐱᓯᒥᐅᓄᑦ 3:20

ᑖᑦᓱᒪᓕ ᐱᔪᓐᓇᕐᓂᕐᒥᒍᑦ ᐅᕙᑦᑎᓐᓂ ᐱᓇᓱᐊᕐᑑᑉ ᐱᓇᓱᐊᕐᕕᒋᔪᓐᓇᕐᐹᑎᒍᑦ ᐱᔪᒪᔪᓐᓇᕐᑕᑦᑕ ᐃᓱᒪᒋᔪᓐᓇᕐᑕᑦᑕᓗ ᐅᖓᑖᓃᑦᑐᓂᒃ,

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.