ᐃᓐᖏᕈᑎᑦ 22:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓂᓪᓕᐊᖕᒪᑕ ᐃᓕᖕᓄᑦ, ᓴᐳᑎᓚᐅᕐᐸᑎᑦ; ᐃᓕᖕᓂᒃ ᑕᑎᖃᓚᐅᕐᒪᑕ, ᑲᓐᖑᓱᒃᑎᑕᐅᓚᐅᓐᖏᓚᑦ.

ᐃᓐᖏᕈᑎᑦ 22:5 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 5:20

ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

ᐃᓐᖏᕈᑎᑦ 106:44

ᑭᓯᐊᓂᓕ ᐅᖁᒤᒃᓴᕐᓂᖏᑦ ᐃᒃᐱᒋᕔᑦ, ᑐᒃᓯᐊᕐᓂᖏᑦ ᑐᓴᕋᒥᒋᑦ:

ᐃᓐᖏᕈᑎᑦ 31:1

ᐃᕝᕕᑦ ᐊᑕᓃᖅ ᑕᑎᒋᕙᒋᑦ; ᖃᖓᓕᒫᖅ ᑲᓐᖑᓱᒃᑎᑕᐅᖁᓂᐊᕐᓇᖓ; ᓴᐳᑎᓚᐅᓐᖓ ᐃᓱᐊᕐᑑᓂᕐᓄᑦ.

ᐃᓐᖏᕈᑎᑦ 71:1

ᐊᑕᓃᖅ, ᐃᓕᖕᓄᑦ ᕿᒫᒐᒪ; ᑲᓐᖑᓇᕐᑐᒦᑎᓚᐅᕐᓯᒪᑦᑍᓕᓐᖓ!

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 50:7

ᑖᒃᑯᓂᖓᓗ ᓇᓂᓯᔪᑦ ᓄᖑᕅᓚᐅᕐᐳᑦ, ᐊᑭᕋᕐᑐᕐᑎᖏᓪᓗ ᐅᖃᕐᐳᑦ, ‘ᐸᓯᔭᒃᓴᐅᓐᖏᓚᒍᑦ, ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ ᐃᓂᒃᓴᑐᐊᕆᔭᒥᖕᓄᑦ ᓯᕗᓕᖏᑕ ᐊᑕᓂᕆᔭᖓᓐᓄᑦ.’

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᕉᒪᒥᐅᓄᑦ 10:11

ᐊᒡᓔᑦ ᐅᖃᕐᒪᑕ, “ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᐃᓗᐊᕐᓮᔩᑦ ᐊᒡᓚᖏᑦ 4:3

ᐃᓴᕆᐊᓕᐅᑦ ᐃᓄᖏᑦ ᐃᓗᖏᕐᓱᓕᓚᐅᕐᐳᑦ ᓂᓪᓕᐊᓪᓗᑎᒃ ᐊᑕᓂᕐᒧᑦ ᐃᑲᔪᕐᑕᐅᔪᒪᓪᓗᑎᒃ; ᔮᐱᓐ ᐱᖃᓚᐅᕐᒪᑦ 900ᓂᒃ ᓴᕕᕋᔭᖕᓂᒃ ᕿᒧᒃᓯᐅᑎᓄᑦ ᐅᓂᐊᕐᑕᐅᓲᓂᒃ ᐊᒃᓴᓗᐊᓕᖕᓂᒃ, ᑲᑉᐱᐊᓱᒃᑎᑦᓯᓪᓗᓂᓗ ᐃᓴᕆᐊᓕᒥᐅᑦ ᐃᓄᖏᓐᓂᒃ ᐊᕐᕌᒍᓂᒃ 20ᓂᒃ ᓂᑲᒋᓇᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 6:6

ᐃᓴᕆᐊᓕᒥᐅᑦ ᓵᓚᐅᓂᕐᐸᐅᓕᓚᐅᕐᐳᑦ ᒥᑎᐊᓂᒥᐅᓂᑦ; ᐃᓴᕆᐊᓕᒥᐅᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᓚᐅᕐᐳᑦ ᐊᑕᓂᕐᒧᑦ.