ᐃᓐᖏᕈᑎᑦ 19:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 19:7 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 23:5

ᑍᒫᒃ ᒎᑎᐅᑉ ᑭᖑᕚᒃᑲ ᓮᒻᒪᕐᑎᑦᓱᒫᕐᐰᑦ, ᑍᒫᒃ ᐃᓱᖃᖏᑦᑐᒧᑦ ᐊᖏᕐᕕᒋᓯᒪᖕᒪᖓ, ᐱᖁᔨᑦᔪᑎᖓ ᑕᒤᑎᒍᑦ ᓱᖁᓯᔪᐃᑦᑑᕗᖅ. ᑕᒪᓐᓇ ᐱᕙᓪᓕᐊᑎᓯᒪᓐᖏᓚᐅᒃ ᐃᑲᔪᕐᑕᐅᓂᓕᒫᒃᑲ ᐱᔪᒪᔭᕆᔭᒃᑲᓗ?

ᔫᐱᐅᑉ ᐊᒡᓚᖏᑦ 23:12

ᐱᖁᔭᖏᑦ ᐅᖃᐅᓯᕆᓯᒪᔭᖏᑦ ᕿᒪᓚᐅᓐᖏᓚᒃᑲ; ᑲᒪᒋᑦᓯᐊᕐᓗᒋᑦ ᓴᕐᓕᐊᓚᐅᕐᐸᒃᑲ ᑖᑦᓱᒪ ᐅᖃᐅᓯᖏᑦ.

ᐃᓐᖏᕈᑎᑦ 111:7

ᐊᒡᒐᖏᑕ ᐱᓇᓱᐊᕐᓂᖏᑦ ᓱᖁᓯᔪᐃᑦᑑᕗᑦ ᓈᒻᒪᓈᑦᓯᐊᕐᓯᒪᓪᓗᑎᒡᓗ; ᐱᖁᔭᓕᒫᖏᓪᓗ ᐅᒃᐱᕆᔭᒃᓴᐅᓪᓗᑎᒃ.

ᐃᓐᖏᕈᑎᑦ 119:105

ᐅᖃᐅᓯᕐᑎᑦ ᓇᓂᕈᐊᖑᕗᑦ ᐃᓅᓯᓐᓄᑦ, ᐊᖅᑯᑎᒋᓂᐊᕐᑕᓐᓂᒡᓗ ᖃᐅᒪᑎᑦᓯᓪᓗᑎᒃ.

ᐃᓐᖏᕈᑎᑦ 119:111

ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.

ᐃᓐᖏᕈᑎᑦ 119:130

ᐅᖃᐅᓯᕐᓂᒃ ᖃᐅᔨᑎᑕᐅᓕᕐᓗᓂ ᖃᐅᒻᒪᒃᑎᑕᐅᓇᕐᐳᖅ; ᓯᓚᑐᓂᕐᑖᕐᑎᑦᓯᓪᓗᑎᒡᓗ ᖃᐅᔨᒪᖏᑦᑐᒥᒃ.

ᐃᓐᖏᕈᑎᑦ 119:14

ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.

ᐃᓐᖏᕈᑎᑦ 119:152

ᐊᑯᓂᐅᓕᕐᑐᖅ ᐃᓕᓮᑦᔪᑎᖕᓂᒃ ᖃᐅᔨᓯᒪᓕᕐᐳᖓ; ᐃᓱᖃᖏᑦᑐᒥᒃ ᑐᓐᖓᓂᕐᑖᕐᑎᓚᐅᕋᕕᒋᑦ.

ᐃᓐᖏᕈᑎᑦ 119:24

ᐃᓛᒃ ᐃᓕᓮᑦᔪᑎᒋᔭᑎᑦ ᖁᕕᐊᒋᕙᒃᑲ, ᐃᓱᒪᑖᕐᑎᑦᓯᔨᒋᖃᑦᑕᕐᓗᒋᓪᓗ.

ᐃᓐᖏᕈᑎᑦ 119:72

ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.

ᐃᓐᖏᕈᑎᑦ 119:9

ᖃᓄᖅ ᐃᓅᓱᒃᑐᖅ ᐃᓅᓯᕐᒥᓂᒃ ᐸᓯᔭᒃᓴᐅᖏᑦᑑᑎᑦᓯᔪᓐᓇᕐᐹ? ᐅᖃᐅᓯᕐᓂᒃ ᒪᓕᑦᓯᐊᕐᓗᓂ ᐱᓂᐊᕈᓂ.

ᐃᓐᖏᕈᑎᑦ 18:30

ᒎᑎᐅᓪᓕ ᐱᓂᐊᕐᓂᖏᑦ ᐋᖅᑭᑦᓯᐊᕐᓯᒪᕗᑦ; ᐊᑕᓂᐅᓪᓗ ᐅᖃᐅᓯᖏᑦ ᓇᓗᓁᕐᑕᐅᓯᒪᕗᑦ ᐆᒃᑐᕐᑕᐅᓂᒃᑯᑦ ᓴᐴᓗᑕᐅᓪᓗᑎᒃᓗ ᑕᑎᖃᑦᑐᓄᑦ ᑕᒤᓐᓄᑦ.

ᐃᓐᖏᕈᑎᑦ 23:3

ᑕᕐᓂᕋ ᑕᖃᓯᒪᔪᓐᓃᕐᑎᑉᐹ: ᑕᓯᐅᕐᓗᖓᓗ ᓇᓛᒎᕐᑐᑦ ᐊᖅᑯᑎᖓᓄᑦ ᐊᑎᓂ ᐱᑦᔪᑎᒋᓪᓗᒍ.

ᐃᓐᖏᕈᑎᑦ 93:5

ᓇᓗᓁᕐᓯᓂᑎᑦ ᑎᑎᕋᕐᓯᒪᔪᑦ ᓱᓕᑦᓯᐊᕐᐳᑦ; ᐃᑦᔪᕐᓁᓐᓂᕕᑦ ᐃᒡᓗᖁᑏᑦ ᐱᓐᓇᕐᓇᕈᑎᒋᕚ, ᐊᑕᓃᖅ, ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:4

ᖃᐅᔨᓯᒪᖏᑦᑑᒐᓗᐊᒥᒃ ᐊᔪᕈᓐᓃᕐᑎᑦᓯᔪᓐᓇᕐᐳᑦ ᓯᓚᑐᓕᕐᑎᑦᓯᓗᑎᒃ, ᐃᓅᓱᒃᑐᓂᒡᓗ ᐊᔪᕆᕐᑐᐃᔪᓐᓇᕐᐳᑦ ᐊᑐᕐᓇᕐᑐᓂᒃ ᐱᓇᓱᐊᕈᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 8:16

ᐱᓇᓱᐊᕐᕕᐅᓂᕐᓂᒃ ᐅᓂᒃᑳᕐᓂᖅ ᕿᓚᒃᓱᕐᓯᐅᒃ, ᐱᖁᔧᓪᓗ ᓇᓗᓁᒃᑯᓯᕐᓗᒋᑦ ᓇᕿᑦᔪᑎᒥᒃ ᐃᓕᓐᓂᐊᕐᑎᒪ ᐊᑯᕐᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᕉᒪᒥᐅᓄᑦ 3:2

ᑕᒤᑎᒍᑦ ᐊᑐᕐᓂᖃᕐᐳᖅ. ᓯᕗᓪᓕᕐᒥᒃ ᒎᑎᐅᑉ ᐅᖃᐅᓯᓪᓚᕆᖏᓐᓂᒃ ᑐᓂᓯᕕᐅᓯᒪᕗᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.