46 ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.
ᐊᑕᓂᖅ ᐃᓅᕗᖅ; ᓂᕐᑐᕐᑕᐅᓕ ᓴᐳᑦᔨᔨᒐ! ᐊᖏᔪᕈᕐᑎᑕᐅᓕ ᒎᑎᒐ, ᐱᐅᓕᔭᐅᓂᕐᒪ ᕾᕐᑐᖓ!
ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.
ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.
ᓱᓕᑦᓯᐊᕐᓂᒃᑯᑦ ᑕᓯᐅᓚᐅᓐᖓ, ᐃᓕᓐᓂᐊᕐᑎᓪᓗᖓᓗ, ᐱᐅᓕᔨᒋᓪᓗᑎᑦ ᒎᑎᒋᒐᒃᑭᑦ; ᐃᓕᖕᓂᓪᓗ ᓂᕆᐅᒋᔭᖃᕐᐳᖓ ᐅᓪᓗᖅ ᓈᓪᓗᒍ.
ᒎᑎᓐᓄᑦ ᐅᖃᕈᒪᕗᖓ ᕾᕐᑐᕆᔭᓐᓄᑦ, “ᓲᖅ ᐳᐃᒍᕐᐱᖔ? ᓱᖕᒪᓪᓗ ᕿᒃᓵᖏᓇᕐᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?”
ᐱᐅᓕᓚᐅᓐᖓ ᐊᐅᖕᒥᒃ ᐊᑭᓕᒃᓴᖃᕐᓂᕐᒥᑦ, ᒎᑏ, ᐱᐅᓕᔭᐅᓂᕐᒪ ᒎᑎᖓ, ᐅᖃᕋ ᑕᕝᕙ ᓂᐱᖅᑯᕐᑐᓗᓂ ᐃᓐᖏᕐᓂᐊᕐᐳᖅ ᐃᓱᐊᕐᓂᕐᓂᒃ.
ᒎᑏ, ᐊᖏᔪᕈᕐᑎᑕᐅᓕᕆᑦ, ᕿᓔᑦ ᐅᖓᑖᓄᑦ; ᓂᕐᑐᕐᓇᕐᓃᑦ ᓄᓇᕐᔪᐊᕐᒥᒃ ᐅᓕᒃᓯᓕ!
ᐊᖏᔪᕈᕐᑎᑕᐅᓕᕆᑦ, ᒎᑏ, ᕿᓔᑦ ᖁᓛᓄᑦ; ᓂᕐᑐᕐᓇᕐᓃᑦ ᐅᓕᒃᓯᓕᕐᓕ ᓄᓇᕐᔪᐊᕐᒥᒃ.
ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ.
ᐃᑲᔪᓚᐅᕐᑎᒍᑦ, ᒎᑏ ᐱᐅᓕᔨᒋᔭᕗᑦ, ᐊᑎᕐᐱᑦ ᓂᕐᑐᕐᑕᐅᑦᔪᑎᒃᓴᖓᓄᑦ; ᓴᐳᑎᓚᐅᕐᑎᒍᑦ, ᐃᓱᒪᒋᔪᓐᓁᕐᕕᒋᓗᑕᓗ ᐊᔪᕐᓂᑦᑎᓐᓂᒃ, ᐊᑏᑦ ᐱᑦᔪᑎᒋᓗᒍ!
ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.
ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.
ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,
ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.
ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.
