36 ᐊᖅᑯᑎᒐ ᐃᓱᐊᕐᓯᑎᑉᐸᑦ; ᐃᑎᒐᒃᑲ ᖁᐊᔭᕿᖁᓇᒋᑦ.
ᓯᓕᒃᑐᒥᒃ ᓇᖏᕐᕕᖃᕐᑎᓐᓇᕕᖓ ᑎᒍᔭᐅᑎᓚᐅᓐᖏᓚᕐᒪ, ᐃᑎᒐᒃᑲᓗ ᖁᐂᔭᕿᑎᓚᐅᕐᓇᒋᑦ.
ᐊᓪᓗᕋᕐᓂᖓ ᓴᓐᖐᓕᓂᐊᕐᐳᖅ; ᓇᖕᒥᓂᖅ ᐊᔪᕆᕐᑐᐃᑦᔪᑎᒥᓄᑦ ᑲᑕᒃᑎᑕᐅᓂᐊᕐᐳᖅ.
ᐃᕝᕕᑦᑕᐅᖅ ᐅᖁᒤᒃᓴᕈᑎᒋᔭᕐᓂᑦ ᐊᓂᑎᓐᓂᐊᕐᐹᑎᑦ, ᐱᕕᑐᔪᒧᑦ ᐃᓂᒃᓴᑦᓯᐊᒧᑦ ᓄᖅᑲᖓᑦᔪᑎᒃᓴᕐᑕᖃᖏᑦᑐᒧᑦ, ᓂᕆᕕᖁᑏᓪᓗ ᐊᑐᐃᓐᓇᕈᐃᕕᐅᓂᐊᕐᐳᖅ ᖁᐃᓂᔪᓂᒃ.
ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ.
ᐅᕙᓐᓂᒡᓕ ᑐᖁᑦᓯᔪᒪᓪᓗᑎᒃ ᕿᓂᕐᑐᑦ ᓄᓇᒧᑦ ᐊᒃᐸᓯᖕᓂᕐᓴᒧᑦ ᐂᔪᒫᕐᐳᑦ.
ᐱᓱᓕᕈᕕᑦ ᐊᖅᑯᑎᒋᔭᒃᑯᑦ ᐊᒡᕕᐊᕐᑕᐅᓂᐊᓐᖏᓚᑎᑦ, ᐅᓪᓚᒃᓯᒍᕕᓪᓗ ᐹᓪᓚᖕᓂᐊᓐᖏᓚᑎᑦ.
ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.
ᐹᑉᑎᑦᔪᑎᒧᑦ ᐹᑉᑎᑕᐅᔭᕆᐊᖃᕐᐳᖓ ᓱᓕ; ᐊᑯᓂᐅᒃᓴᕐᐳᖓ ᑕᒪᓐᓇ ᐊᓂᒍᓚᐅᓕᖁᓪᓗᒍ.
