ᐃᓐᖏᕈᑎᑦ 18:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐃᑲᔪᕐᑎᒌᒡᓗᑎᒃ ᐅᓇᑕᕐᑐᕐᓮᑦ ᐅᓄᕐᑐᑦ ᐅᐸᒃᑐᕈᓐᓇᕐᐹᖓ, ᒎᑎᒐᓕ ᐂᑉᐸᕆᓗᒍ ᐊᕙᓗᕐᔪᐊᑉ ᐅᖓᑖᓄᑦ ᒥᓯᒍᓐᓇᕐᐳᖓ.

ᐃᓐᖏᕈᑎᑦ 18:29 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:30

ᐃᓛᒃ, ᐃᑲᔪᕐᑎᒋᓗᑎᑦ ᐅᓇᑕᕐᑐᒃᓮᑦ ᐅᐸᒃᑐᕈᓐᓇᕐᐸᒃᑲ, ᒎᑎᒐᓗ ᐂᑉᐸᕆᓗᒍ ᐊᕙᓗᕐᔪᐊᑉ ᐅᖓᑖᓄᑦ ᒥᓯᒍᓐᓇᕐᐳᖓ.

ᓴᒧᐃᓕ ᐂᑉᐸᖏᑦ 5:25

ᑍᕕᑎᓗ ᐱᓇᓱᐊᓚᐅᕐᐳᖅ ᐊᑕᓂᐅᑉ ᐱᓇᓱᐊᖁᔭᖓᓂᒃ, ᑐᖁᕅᓚᐅᕐᐳᕐᓗ ᐱᓕᔅᑍᓂᒥᐅᓂᒃ ᒋᐸᒥᑦ ᒋᔨᕆᒧᑦ ᑎᑭᓪᓗᒍ.

ᔫᐱᐅᑉ ᐊᒡᓚᖏᑦ 29:3

ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᓇᔪᕐᑕᐅᖏᓐᓇᕐᐸᓚᐅᕋᒪ, ᑖᕐᑐᒃᑰᓕᕌᖓᒪᓗ ᑖᑦᓱᒪ ᖃᐅᒪᓂᖓᓄᑦ ᑕᓯᐅᕐᑕᐅᕙᓚᐅᕐᐳᖓ;

ᐃᓐᖏᕈᑎᑦ 144:1

ᐊᑕᓂᖅ ᓂᕐᑐᕐᑕᐅᓕ ᕾᕐᑐᕆᔭᕋ, ᐊᒡᒐᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᓇᑕᕐᓂᕐᒧᑦ, ᐊᑐᐃᓐᓇᕈᕐᑎᓯᒪᓪᓗᓂᖓᓗ ᐅᓇᑕᕆᐊᕐᓂᕐᒧᑦ.

ᐃᓐᖏᕈᑎᑦ 144:10

ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.

ᐃᓐᖏᕈᑎᑦ 27:1

ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᓴᒧᐃᓕ ᓯᕗᓪᓖᑦ 17:49

ᑍᕕᑎᓗ ᐃᒃᐱᐊᕐᔫᑉ ᐃᓗᐊᓂᑦ ᑎᒍᓯᕗᖅ ᐅᔭᕋᖕᒥᒃ; ᐃᓪᓘᕆᐊᕐᓗᓂᓗ ᑖᑦᓱᒧᖓ, ᐃᓪᓘᕐᐹᓗ ᐱᓕᔅᑍᓂᒥᐅᖅ ᖃᐅᖓᒍᑦ; ᐅᔭᕋᒡᓗ ᐃᑎᕐᐳᖅ ᖃᐅᖓᓄᑦ, ᓯᕗᒧᓪᓗ ᐅᕐᕈᓪᓗᓂ ᓄᓇᒧᑦ.

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”

ᓴᒧᐃᓕ ᓯᕗᓪᓖᑦ 30:8

ᑍᕕᑎᐅᓪᓗ ᐊᑕᓂᖅ ᐊᐱᕆᕚ, “ᒪᓕᒃᓴᕈᓐᓇᕐᐸᒃᑳ ᐅᓇᑕᕆᐊᓚᐅᕐᑐᑦ? ᐊᓐᖑᑎᔪᓐᓇᕐᐳᖔ?” ᐊᑕᓂᐅᑉ ᑭᐅᕚ, “ᒪᓕᒃᓴᓕᕆᑦ; ᐊᓐᖑᑎᓂᐊᕐᐳᑎᑦ ᑎᒍᔭᐅᓚᐅᕐᑐᓪᓗ ᐅᑎᕐᑎᓐᓂᐊᕐᐸᑎᑦ.”