ᐃᓐᖏᕈᑎᑦ 18:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓄᐃᑦ ᒥᑭᒡᓕᑎᕐᓯᒪᔪᑦ ᐱᐅᓕᓂᐊᕐᐸᑎᑦ, ᐱᐅᔪᕆᔪᓂᒡᓗ ᑕᐅᑦᑐᖃᕐᑐᑦ ᑲᑕᒃᑎᓐᓂᐊᕐᐸᑎᑦ.

ᐃᓐᖏᕈᑎᑦ 18:27 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:28

ᒥᑭᒡᓕᑎᕐᓯᒪᔪᑦ ᐃᓄᐃᑦ ᐱᐅᓕᕙᑎᑦ, ᐱᐅᔪᕆᔪᓪᓕ ᑕᑯᓴᕐᓗᒋᑦ ᒥᑭᒡᓕᑎᑉᐸᑎᑦ.

ᐃᓐᖏᕈᑎᑦ 10:4

ᐱᐅᖏᑦᑐᓕᔪᑦ ᐱᐅᔪᕆᓂᕐᒥᖕᓄᑦ ᐊᑕᓂᐅᑉ ᑮᓇᖓᓂᒃ ᕿᓂᓐᖏᓚᑦ; ᒎᑎᓗ ᐃᓱᒪᖏᓐᓂ ᐃᓂᖃᓐᖏᓚᖅ.

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓐᖏᕈᑎᑦ 17:10

ᐆᒻᒪᑎᑎᒃ ᓯᑎᔪᑦ ᒪᑐᕔᑦ ᓇᒡᓕᒍᓱᒍᒪᓇᑎᒃ, ᖃᓂᖏᓪᓗ ᓂᓪᓕᐊᕗᑦ ᐱᐅᔪᕆᓂᕐᒥᒃ.

ᐃᓐᖏᕈᑎᑦ 17:13

ᐊᑕᓃᖅ, ᒪᑭᓕᕆᑦ, ᐅᐸᒃᑐᕐᓗᒋᓪᓗ, ᐅᕐᕈᑎᓕᒃᑭᑦ. ᐃᓅᓯᕋ ᓴᐳᑎᓚᐅᕈᒃ, ᓴᕕᒡᔪᐊᕐᓄᑦ, ᐱᐅᖏᑦᑐᓕᔪᓂᑦ.

ᐃᓐᖏᕈᑎᑦ 34:19

ᐃᓱᐊᕐᑐᑦ ᐅᓄᕐᑐᓂᒃ ᐅᖁᒤᒃᓴᕈᑎᖃᕈᓐᓇᕐᒪᑕ, ᐊᑕᓂᐅᓪᓕ ᓴᐳᑎᕔᑦ ᑕᒤᓐᓂᑦ.

ᐃᓐᖏᕈᑎᑦ 34:6

ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ, ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 40:17

ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.

ᐃᓐᖏᕈᑎᑦ 9:18

ᐊᔪᕐᓴᕐᑐᑦ ᐳᐃᒍᕐᑕᐅᓯᒤᓇᕐᓂᐊᖏᒻᒪᑕ; ᐊᒃᓗᔪᑦ ᓂᕆᐅᒋᔭᖏᑦ ᐃᓱᖃᖏᑦᑐᒧᑦ ᐊᓯᐅᓯᒪᓂᐊᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:12

ᐃᓄᖃᕆᕗᖅ ᐃᒻᒥᖕᓂᒃ ᐸᓯᔭᒃᓴᐅᓂᖃᕋᓱᒋᖏᑦᑐᓂᒃ, ᓴᓗᒤᓐᓂᕐᒥᖕᓂᑦ ᓴᓗᒻᒪᕐᑕᐅᓚᐅᕐᓯᒪᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᐂᓮᐊᓯᐅᑉ ᐊᒡᓚᖏᑦ 3:9

ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?